السلام عليكم
اخواتى حبيباتى انتوا عاملين ايه .. يارب كلكم تكونوا بخير ان شاء الله

بصوا بقى انا عملت البيتزا وعاوزة احكيلكم بالتفصيل الغير ممل بقدر الامكان عشان تفيدونى
وخاصة ان دي اول تجربة ليا مع البيتزا وكمان انتوا عارفين انا لسه جديدة ومبتدئة مش شاطرة زيكم ما شاء الله عليكم

أولا:
انا عملت عدد 2 بيتزا
1- بيتزا سوسيس
2- بيتزا باللحم المفروم

ثانيا:
طريقة التحضير::::

انا طبقت طريقة عجينة ال 10 د اللى الكل بيحكى عنها
وعملت اللى قولتوا عليه
حطيت المكونات الاولى واستنيت عليها 10 د .. وبعدها حطيت الدقيق والزيت وعجنت
وبعد ما خلصت فردتها في الصيينة وعليها صلصة هاينز و حلقات بصل وطماطم وفلفل رومى حلو مقطعين صغيرين
ومعاهم السوسيس مقطع حلقات بعد سلقه " او لحم مفروم في الصينية التانية " وفوقهم جبنة مودزريلا من دومتى
وحطيتها في الفرن بعد ما سخنت الفرن

وبعد حوالى 30 دقيقة تقريبا حدث الاتى

ملاحظات اثناء التحضير:::
1- العجينة مسكت بالعافية كانت معجنة اوى وقعدت ازود دقيق كتيييييييييير اوى لغاية ما مسكت يا دوب بالعافية هل ده بسبب الماء والوسائل اللى حطيتها؟؟
2- المقادير اللى قولتوا عليها من الماء (2 كاس ماء ؟؟ ما مقدار هذا الكاس ..؟؟ انا حطيت كوبين)


ملاحظات بعد النضج:::
1- ارتفعت العجينة اوى وكانت تخينة
2- الجبنة المودزريلا المبشورة ما ساحتش ع الوش وكانت زي ماهى ونشفت كمان
3- بناء على رقم 2 البيتزا ما كنت بتتمط وتتشد زي بيتزا المحلات
4- البيتزا كانت ناشفة من فوق مش طريه وفيها سوايل شوية .. لكن الحمد لله العجينة نفسها كويسه مش ناشفة



دى تجربتى وحبيت اقولكم عليها عشان تقولولى اتفادى العيوب والمشاكل دي ازاى
واتمنى اعملها قريب وتكون ولا اجمل من المحلات

مستنية رايكم

هلا غاليتي سعيدة انك جربتيها و اتمنى تعيديها ثاني

العجينة مسكت بالعافية كانت معجنة اوى وقعدت ازود دقيق كتيييييييييير اوى لغاية ما مسكت يا دوب بالعافية هل ده بسبب الماء والوسائل اللى حطيتها؟؟

ده راجع لنوعية الدقيق
و مش مشكلة
انت ضيفي رشة دقيق خفيفة و اعجني لغية متحصلي على ععجين لين بس مش صلب و لو لزقت شوي بالايد و متماسكة مش مشكلة

المقادير اللى قولتوا عليها من الماء (2 كاس ماء ؟؟ ما مقدار هذا الكاس ..؟؟ انا حطيت كوبين)

نفس الكوب الي بتوزني بيه الدقيق بتوزني بيه السوائل زيت و ماء

1- ارتفعت العجينة اوى وكانت تخينة

هنا اظنك فردتها سميكة و معملتيش بيها ثقوب بالشوكة
العجينة افرديها رفيعة نصف سنتمتر
بس و اعملي بيها ثفوب بالشوكة عشان متنتفخش كثير و حتاخدوقت اقل بالسوا

- الجبنة المودزريلا المبشورة ما ساحتش ع الوش وكانت زي ماهى ونشفت كمان
3- بناء على رقم 2 البيتزا ما كنت بتتمط وتتشد زي بيتزا المحلات

هدا راجع لنوع الجبنة
و كمان اظن عجينتك فضلت كثير بالفرن لسمكها فالجبنة نشفت

4- البيتزا كانت ناشفة من فوق مش طريه وفيها سوايل شوية .. لكن الحمد لله العجينة نفسها كويسه مش ناشفة

زي مقلتلك اظنك خليتيها كثير بالفرن لا سمكها كان كبير فنشفت منك

اتمنى اكون وفقت بافادتك و ننتظر راي الصبايا

معلش سمسما بس مقدرتش امسك نفسى من الضحك فكرتينى بالبلاوى اللى كنت بعملها فى العجين

بس ماشاء الله افادتك ام البنات الاستاذه ولا يفتى ومالك فى المدينه

جربى تانى وتالت وانتى هتقدرى توصلى للى انتى عايزاه

ام البنات قالت كل شىء ما شاء الله عليها

بارك في الغاليه ام البنات ما قصرت معك اختي
لكن

كتبت بواسطة سمسما

السلام عليكم


انا طبقت طريقة عجينة ال 10 د اللى الكل بيحكى عنها
وعملت اللى قولتوا عليه
حطيت المكونات الاولى واستنيت عليها 10 د .. وبعدها حطيت الدقيق والزيت وعجنت
وبعد ما خلصت فردتها في الصيينة وعليها صلصة هاينز و حلقات بصل وطماطم وفلفل رومى حلو مقطعين صغيرين
ومعاهم السوسيس مقطع حلقات بعد سلقه " او لحم مفروم في الصينية التانية " وفوقهم جبنة مودزريلا من دومتى
وحطيتها في الفرن بعد ما سخنت الفرن

وبعد حوالى 30 دقيقة تقريبا حدث الاتى

اختي العجينه دي تتخمر على مرحلتين الاولى انتي عملتيها
لكن بعد ما اضيفي باقي الدقيق والزيت وتعجنيها لازم تسبيها كمان 10 الى 15 دقيقه ترتاح كمان مره
واعتقد انها لهذا السبب نفخت قوي معك

شوفى حبيبتى طبعا الاخت ام البنات افادتك اكيد بس احب اقولك حاجه انا بحط المقادير التانيه وبضع جانبى حوالى ربع الكاس دقيق لانها بتلزق وبتكون فعلا معجنه وبنثر الدقيق حبه حبه واعجن لحد ماتكون متماسكه وبعد ما تبقى جاهزه بضع على كف اليد حوالى نص ملعقه طعام زيت وبمسح على العجينه وبتركها ترتاح حوالى عشر دقايق اخرى ولما بفرد العجينه فى الصينيه بضع قطعه عجينه صغيره وبفضل امط العجينه وافردها لحد ماتوصل للاطراف
الطريقه دى مهمه لانك لو من الاول وضعتى قطعه كبيره على مقاس الصينيه بترتفع كتير وبتكون تخينه بعد الخبز وبعمل ثقوب فى العجينه قبل وضع الحشوهواغطيها وبتركها عشر دقائق اخرى لا تستغربى ستجدى العجينه ارتفعت قليلا لا يهمك نفضى دقيق على يدك بسيط جدا وبططى على العجينه كانك بترقيها وبعدين ضيفى الحشوه
بالنسبه للجبنه الموتزاريلا ده معناها نك تركتيها كتير فى الفرن طبعا حتقوليلى انا انتظرت لما خبزت البيتزا
حرد عليكى واقولك ان انا بضع ملعقتين فقط جبنه فوق الحشوه وبعد ما تخبز البيتزا وقبل ماتخرجيها من الفرن بخمس دقائق ضعى كميه الجبنه اللى بتحبيها وخرجى البيتزا من الفرن هنا حتلاقى الجبنه بتشد معاكى زى الجاهزه
يارب اكون افادتك
ونسيت اقولك ملحوظه مهمه اوووووووووووووووووووووى عند عمل الكيك او العجين او اى شىء بمقادير لا تحتارى فى حجم الكوب او الكاس المستخدم استخدمى كوب واحد باى حجم تفضليه وسط او كبير ويكون هو مقياسك لباقى المقادير يعنى نفس الكوب بالظبط قيسى بيه الماء او السكر او اللبن او الدقيق وهكذا فهمتى حبيبتى

مشكوووووووووووورات يا غاليات على الافادة الحلوة والردود الرائعة

ام البنات ... ما شاء الله عليك ِ استاذة

نور ردك اكتر من رائع ... فعلا في انواع من الجبنة الموزيريلا بتنشف اذا طولت في الفرن ... وانا فعلا اذا استعملت نوع جديد من الجبنة باعمل نفس طريقتك ... اضيف قليلا في الاول ثم قبل تمام النضج بدقائق اضيف جبنة بكمية وافرة واتركها تسيح واخرج البيتزا وحتكون متل المحلات

واذا صدف وتحمرت معاك ونضجت البيتزا بدون الجبن انثري عليها الجبن وادخليها الميكرويف على درجة عالية لمدة 30 ث وحتسيح الجبن وحتعطيك نتائج رائعة .

اخواتى الحلوين
والله معلومات جميلة اوى
ويارب نفتضل نتعلم من بعضينا الحاجات الحلوة دي علطول
ان شاء الله استنونى في التنفيذ الجديد للبيتزا بعد ما اطبق المعلومات الجميلة دي

شكر خاص جدا لكل واحدة ردت عليا وتعبت على ما توصلى المعلومات دى
جزاكم الله كل خير

اه نسيت اتاكد من حاجة
هى الجبنة المودزريلا احطها فوق الصلصة ولا فو الحشو اللى ع البيتزا؟؟؟

حبيبتي ممكن كل هدا راجع لنوع الطحين الي تستعملينه
لازم تحتفضي بنفس الكوب يعني الي توزني به الماء....هو نفسو الي توزني به الدقيق
بالنسبة للطهي لما تفردي العجينه لازم تثقبيها بالفرشات و الا راح تنتفخ و ادخليها الفرن قبل ما تعملي الحشوة عليها و لما تطهى تكونين حضرتي الحشوة مثلا اذ كنت رح تستعملين لحم مفروم حاولي تقلينه في شويه زيت او زبدةو هكذا...لما تطلعين العجينه من الفرن تحطين الحشوة و الموزريلا و ادخليها الفرن يكون ساخن مشان تدوب الموزريلا
ان شاء الله المره الجايه تعملين احلى بيتزا في العالم
بالتوفيق