السلام عليكم يا اغلى صبايا....

والله مشتاقتلكم جميعاً بس والله الغياب بسبب الأشغال مو أكتر...

ان شاء الله الجميع يكونوا بألف خير وعافية.....

اليوم على السريع جاية أضيفكم سندويشات على الماشي ورايحة ..
يا رب تتقبلوها وتعجبكم..

هي وصفة للناس يلي متلي زهقوا من سندويشات الجبنة واللبنة والأولاد كمان زهقوا من روتين السندويشات..

أنا نزلت الوصفة من أول ما دخلت المنتدى بس بدون صورة...

سندويشات معجون التونة

المقادير

علبة تونة ( القطع البيضاء)
عود كرافس مفروم
فص ثوم مفروم
ملعقة كبيرة زيت زيتون
نصف كوب كزبرة خضراء مفرومة
فليفلة حمراء حلو طازجة
عصرة ليمون حامض
رشة بهار وملح

طريقة التحضير

في مقلاية نضع على النار زيت الزيتون ونقلي الثوم ثم الكزبرة الخضراء قليلا ونطفئ النار..
نضع كل المقادير ما عدا الفليفلة في الخلاط ونخلط حتى نحصل على معجون..
نفرم الفليفلة مربعات صغيرة ونضيفها على المعجون..
نتبلهم بالملح والفلفل..

بامكانكم تحضير كمية كبيرة وحفظها في وعاء في البراد للاستعمال في أي وقت..

بألف عافية وهلق أترككم مع الصور

هذه الفليفلة المفرومة ناعم وجنبها الكرافس

ما شاء الله ولا قوة إلا بالله

وهذا المنظر النهائي لمعجون التونة..

وانا جبت خبز افرنجي أسمر وشويته بشواية السندويشات الكهربائية وبعدين دهنت عليها التونة.. مع رشة بهار أسود مفروم طازج..ممممم...

وهي لأحلى عيون... عيون صبايا المنتدى....

يا رب يكون عجبكم ولا تنسوا تدعولي...

يسلمو لبنان
رووعه ماشاءالله راح اسجلها عندي مابتتفوت

ماشاء الله رووووعه

يسلمو ايديك حبيبتي الصراحه شهيتيني عليها

احن مشتاقينلك اكثر عودا حميدا غاليتي
الله
ما احلاهم
وصفة سهلة و فغاية الروعة تسلمين يا عسل

كتبت بواسطة dodo3

يسلمو لبنان
رووعه ماشاءالله راح اسجلها عندي مابتتفوت

الله يسلمك حبيبتي..أنت الأروع..

ان شاء الله بتجربيها وبتعجبك وبالعافية يا رب...

كتبت بواسطة الـ طبعي ـود

ماشاء الله رووووعه

يسلمو ايديك حبيبتي الصراحه شهيتيني عليها

تشتهيك العافية حبيبتي...الله يسلمك ويحفظك من كل شر...

تسلميلي على الرد الحلو متلك..

كتبت بواسطة **ام البنات **

احن مشتاقينلك اكثر عودا حميدا غاليتي
الله
ما احلاهم
وصفة سهلة و فغاية الروعة تسلمين يا عسل

انت الحلا كله يا ست الكل يا أطيب أم الحلوات...

والله وأنا مشتاقة للجميع بس شو اعمل..شغل وأولاد...ربي يعيننا جميعاً...

الله يسلمك ويحفظك من كل شر يا عسل وشكراً على المرور يلي دايماً بينور....

تسلمي حبيبتي لبنان
على السندويتش الرائع
و انشاء الله نجربها

ما شاء الله لولو

ساندويش ولا اروع حبيبتي

احنا كمان وحشتينا بجد ... ربي ما يحرمنا من هالطله الحلوة

ان شاء الله اجربه غاليتي ... بصراحة شكله رائع وكمان للاولاد من كاسة عصير ... وجبة متكاملة

تسلم الايادي .. وجزاك الله كل خير

ماشاءالله يا قمر
يعني عنجد غاب ورجع بالغنايم ههه .. هلا طالعه من موضوع السمك حبيبتي
وجيت على هون لقيت هالساندويتش الروووعه ... تسلم ايديكي حبيبتي عنجد
وتاني مره .. اذا بدك تغيبي هيك .. ابقي طمنينا عليكي يا شريره هههه
يعطيكي الف الف عافيه يا قمررررررررررر

اشتقات لك العافيه حبيبتي

تسلمين على الطبق الحلو والخفيف

الك وحشة يا غالية ربنا يسهل امورك ويعينك يا رب
سندوشات تشهي تسلم الايادي
يعطيك الف الف عافية