________________________________________

السلام عليكم ورحمة الله وبركاته

طبعا الكل بيعرف الخبز بفليفلة السوري وما في أطيب منو اذا كان مشوي ع التنور

وزوجي بموت فيه يعني كل منجي لهون لازم يكون بشنطة السفر شي 20 رغيف منضل منشمهم لنرجع ههههههههه
قلت يا بنت شمري عن ايديكي وجربي اعمليه ع شواية الكهربائية يمكن تزبط مدام الحرارة من فوق ومن تحت
وما كذبت خبر تذكرت مرت عمي (حماتي ) اشو بتحط وبلشت اخرط وزوجي يقلي لا تخبصي لا تنزعيها
وهيك لحتى خلصت الخلطة وشممتو ريحتها ووقتها ما بعرف ليش سالني عن آذان المغرب (هو كان صايم هههههههههههههه) عملت فيه شم ولا تدوق

منبدأ بمالمقادير

للعجينة

عجينة الخبز العادية والي هي

خميرة خبز
كأس ماء دافئ
3 كاسات دقيق خبز والافضل الاسمر بس ما كان متوفر عندي فاستعملت الابيض بس بالاسمر اطيب وصحي أكتر
ملعقة خميرة
ملح
ورشة صغيرة سكر

تذاب الخميرة بالماء الدافئ مع السكر والملح ثم يضاف الدقيق وتدعك جيدا حتى تتماسك وتترك جانبا مدة ساعتين

للحشوة

7 ملاعق دبس فليفلة (ممكن بدالها فليفلة يابسة مطحونة ومنقوعة بزيت زيتون )

كوب زيت زيتون
حبتين بصل يابس وسط مفروم ناعم
بقدونس مفروم ناعم
ملح
سمسم وحبة البركة محمصين
رشة كمون
ملعقة دبس بندورة
ملعقة دبس رمان

تخلط مقادير الحشوة ويضاف زيت الزيتون بالاخر وتترك جانبا مدة ساعة

[IMG][/IMG]

تقطع العجينة وتفرد بالمشبك علىشكل أرغفة مستديرة طبعا الحجم حسب رغبتك الفرادة الي عندي بتعملهم صغار لانها صغيرة شوي ولذلك عملتها بالمشبك

[IMG][/IMG]

تدهن بالحشوة بشكل متناسق

[IMG][/IMG]

تشوى بالشواية الكهربائية وتترك خمس دقائق لحد الاستواء من الاعلى والاسفل

[IMG][/IMG]

يخرج كل رغيف ويترك لدقيقة واحدة معرض للهواء حتى ما يعجن

وترتب الارغفة بهذا الشكل وتقدم ساخنة مع صحن زيت زيتون وبالعافية

[IMG][/IMG]

وهذا فطورنا تاني يوم لان عملت كمية مليحة تعشينا منها اول يوم اليوم التاني حطيت منها ع الفطور

[IMG][/IMG]

وممكن تفرزيها اذا عملتي كمية كبيرة وذلك بوضعها باكياس وهي دافئة حتى تظل طرية عند تسخينها وتسخن بالفرن وهي جامدة

ولا تنسوني ما خالص دعائكم

اي سؤال اختكم SHAHED60 بالخدمة

والسلام

يسلمو الايادي
وتحياتي لك

ما شاء الله شهووووووووودة

شكله بيشهي حبيبتي

ان شاء الله اجربه ... انت قصدك بشواية الكهرباء التوستر ؟؟

ولا اخبزه بالفرن ... مين اطيب .... بصراحة عجبني ....

تسلم ايديك يا قمر وفي انتظار المزيد من أطباقك الشهية

كتبت بواسطة ملاك العمر

يسلمو الايادي
وتحياتي لك

الله يسلمك اختي الغالية

وشكرا لطلتك الحلوة

كتبت بواسطة ام ليانة

ما شاء الله شهووووووووودة

شكله بيشهي حبيبتي

ان شاء الله اجربه ... انت قصدك بشواية الكهرباء التوستر ؟؟

ولا اخبزه بالفرن ... مين اطيب .... بصراحة عجبني ....

تسلم ايديك يا قمر وفي انتظار المزيد من أطباقك الشهية

تسلمي يا ام اللول

شوفي عسولتي بالفرن ما بتزبط الا اذا حطيتي لوح سيراميك وتحميه الفرن قبل بفترة مليحة يعني بيصير الفرن ع هالحالة متل التنور
وحتى بيصير ع الصاج
وممكن بالفرن لكن العجينة بتكون غير وانا مرة جربتها بعجينة العشر دقايق وكانت طيبة بس هيك لقيتها ازكى وصارت متل الي بتعملها حماتي تماما بس الناقص نكهة الفحم ههههههههه

شوفيها كيف بتكون بعجينة العشر دقايق بس هن الحشوة فيها تغيير بسيط هو انك لازم تقلبي البصلة

http://www.lakii.com/vb/showthread.php?t=301021


هاي عطيتك 3 احتمالات وكلها ع ضمانتي
ولا حرمني الله من طلتك الحلوة

عم اشتقلكم كتير بس الدردشة صارت بطيئة كتير وما عدنا شفنا معظم البنوتات ع قولة لنلون ان شاء الله يرجعولنا

يسلمو اديكي حبيبتي ...

يسلمووووووو شكلها كثيررر حلو بارك الله فيك

شهتيني عليهااا
ممممممممم
شكلهااا بيطير العقل
يسلمووووو

ما شاء الله روعه حبيبتى ست الستات دخلت المطبخ

فعلا شهى وبفتح النفس علشان انصح اكثر الله يسامحك روعه

جزاك الله كل خير

واوووووووووووو يا سلام عالخبز بفليفلة بموت عليه كنا كل ما نروح زيارة عا بيت خالتي بسلقين أرجع مرضانة من كتر ما آكل خبز بفليفلة عندها و كانت المسكينة علقانة بمونة الخبز بفليفلة كل ما بدا تعمل لحالا لازم تحسب حساب كل القرايبين بحلب مرة حلفت يمين أنو من كتر الكمية اللي عملتها حطت تنكة زيت للخلطة هبه ما بيهمها زوجها الله يرحمو كان عندو أراضي زيتون وما شاء الله الزيت الطيب عندون متوفر دايما
بس شهيتيني جرب هالطريقة بس خليني أسألك بعد ما حطيتي الرغيف بالشواية سكرتي الشواية عليه ؟و إذا الجواب نعم ما علقت التتبيلة على الطبقة الفوقانية للشواية ؟