اول مشاركة لي..من وصفات منال العالم
اخواتي الغاليات
انا من عشاق منال العالم وعندي وصفات كتير ليها بس المشكلة انها مش كاملةلأن احيانا بتفوتني بعض المقادير عشان مش بلحق اكتبها,وعشان كده مبرضاش انزلها في المنتدى,وعلى الرغم من كده بجربها وبتبقى جميلة,ولما لقيت اخت بتسأل على الوصفة دي وهي عندي قولت انزلها وان شاء الله تكون مظبوطة...............
الوصفة هي:
سكونز بالجبن
المقادير
1\4 2 كوب دقيق
3\4 كوب لبن خاثر
5 ملاعق كبيرة زبدة مثلجة ومقطعة صغير
2 ملعقة كبيرة جبنة بارميزان مبشورة
4 ملاعق صغيرة بيكنج بودر
2 بيضة
ملعقة صغيرة ملح
1\4 ملعقة صغيرة فلفل اسود
1\4 كوب جبن فيتا(نفتته بالشوكة)
3 الى 4 شرائح موارتديلا او تركي(نقطعه الى قطع صغيرة بالسكين)
اوريجانو(تقريبا 1\2 ملعقة)
الطريقة
نضع في الخلاط(بالشفرة الحادة):
الدقيق +البيكنج بودر+جبنة البارميزان+الزبدة+الاوريجانو
ونشغل متقطع حتى لا تذوب الزبدة(يعني مجرد ان تتفتت وتتداخل المكونات)
نضع البيض مع اللبن الخاثر ونقلبه تقليبة خفيفة
ضع خليط اللبن على المكونات في الخلاط ونشغل خفيف ومتقطع يدوب تتكون عجينة طرية
نضيف الموارتديلا وجبن الفيتا ونشغل ايضا متقع وخفيف
نشيل العجينة من الخلاط (ستكون طرية وتلصق باليد)ونضعها على سطح مدهون بالدقيق ونحاول نلمها بيدنا عدة مرات حتى تتماسك قليلا
نفردها بيدنا قدر الامكان ثم نقسمها بواسطة سكين مدهون بالدقيق الى مربعات ثم الى مثلثات وننقلها الى صينية الفرن
وأخيرا ندهن الوجه بالبيض به نقطة خل وندخلها الفرن
وبألف هنا وعافية
يارب الوصفة تكون مظبوطة عشان متدعوش عليا
وان شاء الله لو عجبتكم ابقى انزل وصفات تانية
رد مع الاستدلال
الروابط المفضلة