** موضوع متميز **خبز بالزعتر .. اتفضلوا يا صبايا واحكولي رأيكم
كيفكم يا احلى صبايا .. كيف كان العيد معكم .. ان شاء الله كان كله فرح وسعاده ولحمه هههه
ادخل في الموضوع علطوول .. اليوم على غير عاده .. قمت على المطبخ وعجنت
عملت خبز بالزعتر .. ضلت شوية عجينه
رشيت عليها شوية سمسم وينسون وحبة البركه
نشوف المقادير
1 ملعقه كبيره خميره
كوب ونصف ماء دافئ تقريبا
نصف ملعقه صغيره ملح
5 كوب طحين
بيضه
1 ملعقه زيت زيتون
1 ملعقه كبيره زعتر
القليل من الينسون و السمسم والحبة السودا
أنا يا صبايا عملت نصف الكميه .. لاني اول مره بعملها .. بس مقدار الزيت خليته
وعملت نص الطحين اسمر ونصه ابيض
الطريقه
طبعا ننخل الطحين .. مع الملح .. نضيف عليهم الخميره .. نقلب و نضيف البيضه
بعدها نبدأ باضافة الماء بالتدرييييييييييج .. ونبدأ نعجن .. ومو بالضرووره نآآخد كل كمية الماء
نضيف الزيت .. ونعجن لحتى تصير عنا عجينه ملساء
دهنتها شوي بزيت زيتون .. وخليتها على جنب لمدة ساعه
بعد ما اختمرت
نقسم العجينه بالنص
ونمد كل قسم .. باليد على هيئة مستطيل .. ونحطه في صينية مدهونه
نغمس اصابعنا بشوية زيت زيتون .. ونضغط على الخبز لعمل فجوات بسيطه فيه
ننثر عليه الزعتر ونتركه ربع ساعه على جنب
صبايا ... كانت القسم التاني اكبر شوي ... فشلت العجينه الزياده .. وكانت قليله ... عملتها ضفاير
قسمتها لثلاث اقسام وضفرتها على بعض .. دهنتها ببيضه مخفوقه مع ملعقة ماء
ورشيت عليها سمسم و ينسون وحبة سودا
وتركتها متل خبز الزعتر .. ربع ساعه
وحطيتها في فرن متوسط الحراره .. لمدة ربع ساعه .. او لحتى صار لونها مايل على الاحمر وطبعا حمرتها شوي من فوق
وهاي صورتها بعد ما طلعت من الفرن
وهاي باقي الصور
الكميه طلعت صغيره .. لاني عملت نصف الكميه .. بس حتى هاي كانت كافيه لعشانا ههههه
صبايا انا عشان استعملت طحين اسمر .. طلع اللون هيك .. انتو احرار اذا استعملته الطحين
الابيض بيطلع ابيض معكم .. بس انا كتير بحب طعمة الطحين الاسمر
وهاي عن قريييييييب
وطلعة الطعمه ممممممممم .. عنجد خبز هههههههههه
ان شاء الله يعجبكم يا قمراااااااااااااااات .. رأيكم كتييييييييير بيهمني
السلام عليكم ورحمة الله وبركاته
اعذروني لغيابي 
*
*
رد مع الاستدلال
الروابط المفضلة