مجموعــة أشكـال من عجينـة واحـدهـ بالصور من مطبخي**موضوع متميز**
مســـاء الوـرد يالغاليــات
طبقي حق اليــومـ عجينـــه يمديكـ تسوي منهـــا
عدة أشكـال من المعجنـــــــــــــات اذا صادف واحرجتي بزيارة سريعه
ولا جاعوا اولادكـ او اخوانكـ وتبي تسوي لهمـ طبق مشكل وسريع خليكي معـــاي
مقـادير العجينـــه
3 كـاسات دقيق أبيض فـاخــر
3 ملاعق حليب بودرهـ
ملعقتين سكر بودرهـ
ذرة مــلح
بيضـــه
فنجــان شاي زيت
ملعقــه ونصف خميرهـ فوريــه
ملعقــه ونصف خميره بكنج باودر
كاســه مويــه دافئه واذا كانت العجينه صلبه زودي شوية مويـــه
ملعقــة شــاي فانيـــلا
الطريقـــه :
اخلطي جميع المقــادير إلين تصير معــاكـ عجينه متماسكه
غطي العجين واتركيهــا في مكــان دافىء لمدة ساعه ونصف
بعدين قوومي بتشكيلهــــا حسب رغبتكـ
انا سويت منهـــا هالمرهـ ثلاثــة أشكـــال ويمديكـ تسوي منهـا
بيتزا وخليــة النحــــــل وأصنـاف كثيرهـ مــرهـ
وان شـاء الله اسوي باقي الأشكــال
وانزلهــا لكمـ قريب ..
هذي صورة الطبق بجميع الأشكــــــال
وهذي صورة كرات الجبن بالنعنـاع او البقدونس
طريقتهـــا تاخذي مقدار صغير من العجين
وتكوريهـــا وتدهني الوجــه بيض وترشيه من فوق سمسمـ الطبخ
بعدها تحطيها بالفرن ولمـا تستوي اتركيها تبرد اشوي بعدين فكي الدائره إلى الوسط
واحشيهــا جبن باندي أو أي نوع وبطرف كرة الجبن المفتوح حطي بقدونس
أو نعنــاع أو أي نوع خضــار متواجــد عندكـ ..
هذي صورهـ مقربــه لفطائر التونــه بالمايونيز
طريقتهـــا افردي العجينه بسمكـ 1 سمـ
بعدين أخذي أي وعــاء مدور صغير وقطعي العجين انا أستخدمـ الغطـا
حقت براد الشاي الصغير لأن حجمه يصير مضبوط وحلــو ..
بعد ماتقطعي العجين لدوائر ادهني الصينيه طبعــاً في جميع الأشكــال
وخذي الدائره واطويهــا من النصف بس لاتضغطي عليــهــــا
وادهني الوجــه بالبيض بعدهـا حطيهـا بالفرن
بعد ماتستوي اتركيهـا تبرد اشوي وفكيهـــا بيدكـ من النصف المطوي
وحطي الخلطــه حقتهـــا المكونـــه من
مايونيز
تونه
طماطم وخيار
اشوية بصل وبقدونس
تقطعي الخضـــار قطع صغيرهـ مرهـ وتخلطيها مع التونه والمايونيز
وتحطي انتِ حسب المقـــدار اللي عندكـ من المعجنـــــــــات
بعد مـاتحشين الفطـــائر جيبي جزر مبشور وحطيهـــا في الطرف المفتوح
انا ماحطيت جزر ماكان عندي لأني طبختهـا بوقت متأخر من الليل علشان خواتي
الصغــار كـان عندهمـ فطور جمــاعي بالمدرســه يعني سويتها بعجل ^_^
هذي صورهـ مقربــه لسويس رووول المعجنــات ^_^
من نفس العجين افردي العجينــــه بسمكـ اقل من 1 سمـ
وجيبي الحشوه اللي مكونـه من
مقدار نصف فنجان شاي جوز الهند
قدر ملعقتين زبيب الطبخ
ربع فنجان شاي قطر شيره مركزهـ
صبغــات ألوان للطبخ
اذا كانت جافه زودي اشوية شيره ولاتكثري مرهـ علشان ماتطلع
أثنــاء الطبخ واذا كنت تبيهـا ألوان
ماعليكـ إلا تحطي اشوية صبغات والوان الخاصه بالطبخ
انا حطيت فراولــه وأصفر
واسوي بعض الاحيــان أبي وشوكو وأخضر
بعدهــا فردي الخليطـ على العجين ولفيهــا بحــــذر
وادهني الوجــه بالبيض وحطيهــا بالصينيـــه جنب خواتهـــــــا ^_^
بس لاتقربيها مره لأن بعض الاحيــان تطلع اشويــة شيرهـ بعدين تجي عالموالح
بعد ماتستوي قطعيهـــا حسب الرغبــــــــــه ...
وصحتين وعــافيـــه يالغاليـــات
رد مع الاستدلال
الروابط المفضلة