السلام عليكم ورحمة الله وبركاته
كيفكم خواتي
اليوم جايبة لكم وصفة فطائر ما حصلت قبل كذا .... ههههع لا تقولو مداح نفسه كذاب... ترى اقبل التحدي ...جربوها
بصراحة نفسي امدح هذي الفطائر ولكن ما اقدر امدحها لأنها خاصة فيني وما سبق حطيتها في اي موقع قبل موقع لك ولكن جربوها و وانتو الحكم ولا تنسون تدعون لي لأنها والله خاصة فيني ولذيذة ومميزة عن غيرها جدا جدا وما اعتقد انها موجودة في الانترنت من قبل لأني ما سبق اعطيتها إلا لقريباتي وهذا الكلام من سنين وما اعرف إذا هما نزلوها على النت والا لا...
والصور ما تغني عن الطعم والريحة عشان كذا سوووها بليييز
وخبروني كيف شفتوها
عموما لعيونكم هذي الوصفة
المقادير:
2ونصف كأس دقيق ( ممكن العادي وممكن الكويتي وإذا كويتي زيديه قد ربع الكأس )
ملعقة كبيرة خميرة فورية
ثمن كأس زيت ( شرح الثمن للساقطين في الرياضيات
ههههه - الثمن يعني نصف الربع وهي كمية قليلة جدا )
4 ملاعق كبيرة حليب بودرة
ملعقة كبيرة سكر
1 وربع كأس ماء دافيء
الطريقة:
اخلطيى كل المقادير في الخلاط باستثناء الدقيق
اسكبي المقادير السائلة على 2 كاس دقيق واعجنيها جيدا لحد ما تكون ناعمة وتلمع وما فيها ولا اثر للدقيق وراح تتعبي شوي لكن معليش لأن هذي اهم خطوة في كل المعجنات المميزة وبعدين اضيفي بقية الدقيق بالدريج مع العجن لحد ما تتكون العجينة المتماسكة ولما تحسي انها ما تماسكت ومقدار الدقيق خلص الحل هو انك تغمسي يدك في كيس الدقيق وترجعي تعجني وهكذا لحد ما تتماسك الخطوة الاخيرة هي انك تدهني يدك بشوية زيت وتعجنيها للمرة الخيرة وبعدين تطبطبي عليها بيدك المدهونة بالزيت عشان لما تتخمر ما تكون يابسة من برا
اخيرا اتركيها تتخمر ساعة فقط وبالكثييير ساعة ونصف ولكن مش اكثر
وتقدري تعملي منها كل اشكال الفطائر والبيتزا و السينبون
اخيرا ارجو من اي اخت تنقلها ان تنسبها لحلوة وحليوة
الروابط المفضلة