العيش البورى
للامانة هى طريقة الشيف اسامة و انا جربتها بنفسى
1 و نص كوب دقيق
رشة ملح
3 ملاعق زيت
3/4 كوب ماء دافئ
تعجنى المقادير كويس و تسيبى العجينة نص ساعة تريح
تقسمى العجين كرات صغيرة و تسيبها ترتاح (ممكن تقطيها على سطح عليه دقيق لأن العجينة بتكون لينة شوية و بتلزق فى اليد)
(يفضل الدقيق يكون نص ابيض و نص دقيق قمح) انا بصراحة عملتها بدقيق ابيض بس
افرد العجين على شكل دائرة (على سطح مرشوش دقيق)
تقليها فى زيت غزير و ساخن
بالكبشة و هى بتتقلى ترشى الزيت على السطح اللى ظاهر عشان تستوى اسرع بدون ما تتحرق و تكون منفوشة
اول ما لونها يبقى دهبى طلعيها من الزيت
يفضل تتاكل فى وقتها عشان تكون مقرمشة لكن لو قعدت برضه مافيش مشكله بتكون طريو و لذيذة
رد مع الاستدلال
كتبت بواسطة اليلاس
الروابط المفضلة