اسهل خبز بل عالم
المقادير:
500 غرام طحين ابيض
ملعقة شاي ملح
رشة خميرة حبوب
ماء دافئ حسب حاجة العجين
و انصح دائما ان تكون حرارة الماء للعجن بدرجة 30 الى 35 درجة لا اكتر ولا اقل وهي الحرارة المثلى للخميرة سواء الخميرة الفرش او خميرة الحبوب لتتخمر
الطريقة:
نخلط المقادير الجافة معا و نضيف الماء على شكل دفعات حتى تتشكل عجينة طريه و تطلع من اليد بسهولة يعني ممكن ان نضيف برؤووس الاصابع طحين للعجينة حتى تطلع من اليد هي شرح مفصل لضمان افضل النتائج هاااااا
وبعدها تقسم العجينة لكرات بحجم قبضة اليد و منرتبون جنب بعض ومنغطيون بقطعة قماش مبلوله بمياه دافئة ونتركهم 30 د بمكان دافئ ليرتاحو
الأن نحمي المقلاة التيفال ضروري تيفال يا عزيزاتي ومنرش طحين ومنمد كرات العجين بالشوبك بسماكة ربع سم لا تسمكوهن ونضعها بل المقلاة ونخبزها عل جهتيين وما بتاخود وقت ابدا يا دوب تلحقي خبزة ورا التانية ومنتركون يبردو و بعدين منحفظهون بكيس خبز عادي بالبراد او ممكن ايضا يتفرزو
وما اطيبون تازة مع اي نوع من الحشوات و الابتكارات من حشوة فلافل ولا زعتر ولا جاج شاورما ولا خلطة جاج مكسيكية ولا ولا ولا............
وبالصور انا طبقة هل خبزات على شكل مناقيش زعتر و محمرة يعني اول وجه بتخبزيه شوي وبتقلبي الوجه الثاني و بتضيفي الخلطة وبتتركيها تخبز على ذوقك وممكن كمان نضيفلهم جبن موتزريلا المبشورة او جبن قشقوان يمممممم يمممميييي وياريت يكونو قبل بوقت مطالعين من البراد بذوبو افضل ....و صحتين وهنا
انا بعد ما عجنت العجينة قلت لطالع الجبنه بس ما لاقيت ولا وحدة عندي بس مع هيك قلت لحالي حتى لو عرفت انو ماعندي جبنة لعجنة العجينة وعجنت متل ما بقولوا......
أشوف تجاربكون ان شاء الله
أسهل وصفة خبز تنور ولا عربي ولا مشروح ...بل عالم % عربون محبة لك**موضوع متميز**
رد مع الاستدلال
الروابط المفضلة