بنات السلام عليكم ورحمة الله و بركاته

انا عندي خلاط فيليبس
في في شفرات التقطيع والتشريح و الخفاقة والعصارة

وهي صورتو






امبارح اجو ناس لعنا وجابلونا خلاط هدية شبهو من كينوود

وهي صورتو





فانا قررت اخذ واحد واعطي واحد لصديق زوجي المش متزوج

المهم

مين الاحسن برايكو ؟؟؟ماما قالتلي انو الكينوود احسن

مع العلم الشفرات الخاصة بالتقطيع في فيليبس اكتر 4 شفرات

بينما في كينوود 2 شفرات

وخفاقة فيليبس تبعت الكريمة على شكل متل المضرب

بينما تعت كينوود بلاستيكية

ومعمولة للكريمة والحجات هي

اما الشفرة الاساسية فهي حامية جدا ومكتوب انها لاغلب الاغراض


وفيليبس اكبر حجما

لكن امي تقول ليش كينوود احسن وامتن وبيعيش اكتر

مابعرف محتارة هل اخلي الفيلبيس لانه قطعو اكثر وهوة اكبر

ام اخذ الكينوود؟؟؟؟؟؟؟؟؟؟؟؟؟

فيليبس فيه خيارات اكتر لكن صراحة انا من يوم ماجبتو مااستعملت الا الخفاقة والشفرة الي بتقطع اما الباقيين والله لسة في كيسهم

لكن ازا الكينوود احسن اكيد راح اخدو لانو مش معقول اترك خلاط كويس عشان خاطر شفرتين قليل وماعمري استعملتهم

اريد رايكو يابنات والي مجربة تقلي بكل امانة

صحيح فيلبس اكبر لكن صراحة احنا لسة شخصين والحجات بتصير تسبح فيه ونصها بروح في الوعاء

لكن مش مهم عندي

يعني ماتنصحوني بناء عالحجم او عدد القطع

لا انصحوني بناء عالجودة والمتانة لانها هية الاهم

بليز بنات بدي عن خبرة واستعمال يعني مش تقولو خدي الاكبر احسن

اتمنى تكونو فهمتو قصدي

واحتاج المساعدة ضروري وبسرعة

لانو بكرة لازم اقرر

تحياتي والله يسعدها الي تفيدني ولها مني دعوات بظهر الغيب

كيفك سوسو ان شاء الله تمام

حبيبتي انا عندى خلاط طعام فيليبس ممتاز بصراحة وباحسه اجود من مولينكس

بالنسبة للكينوود زمان كان كتير جيد ويعتبر من اجود الانواع

بس هلا صناعته صارت في الصين وجودته اقل

تاكدي من بلد الصنع وبعدين قرري

وبالنسبة الي انا افضل براون اكتر شي

وان شاء الله البنات يفيدوكِ يا عسل

ودمت بخير يا احلى سوسو

اهلا ام اللول
كنت ببعتلك رسالة عشان تردي
بس طلعتي عسل من غير رسالة
المشكلة شو
انو مجيوب هدية
يعني
مش معقول احملو واعطيه للشاب والناس جايبينو النا هدية
يعني هما ماراح يعرفو
بس حاساها عيب
مابعرف كيف اتصرف

انا اطلعت مالقيت وين مصنوع
بس لاقيت مكتوب هيك
kenwood lmited,new lane,hampshire p092NH,uk
www.kenwood.com.uk

هل هدا دليل على انو في بريطانيا
والله محتارة
وحاساها مش حلوة اعطي الجديد الهدية يعني الناس جابوه النا

الله يخليك سوسو يا قمر

انا قلت الي عندي

وان شاء الله البنات يفيدوك لانها فعلا مسالة بتحير

المهم طمنيني عنك وكيف رمضان معك ان شاء الله امورك تمام

ودمت بخير يا احلى سوسو

من الكلام مكتوب انه صنع في المملكة المتحدة يعني بريطانيا

خلاص خليه وتوكلي على الله واسمعي كلام الماما

واي جهاز حبيبتي بده اهتمام وعناية ..........علشان يعيش اطول

وانا افضل استعمل قطع منفصلة عن جهاز واحد متعدد الاستعمالات هيك بعيش الجهاز اكتر واستعماله بالنسبة الي اسهل .

اعتمدي الكينوووووووود وان شاء الله يعجبك

والله فيليبس هادا كويس كتير الي عندي
ومش كتير بستعملو اصلا
بس بقلك حاساها تقيلة ناس يجيبو هدية اعطيها لحد تاني بدون مااستفيد منها شي
يعني شغلة معنوية حاساه بايخة كتير
ماما قالت كينوود احسن بس يمكن عايشة في احلام زمان انو اصلي وتحفة ههههههه
المهم انا كويسة ومشتقالك وللدردشة والله
بس البنات مختفيات
سلمي عاللول

تعرفي كلامك صح
جوزي كان يقلي تبعنا شكلو احسن بعدين قلي لاخلي الجديد النا عيب في حق الجماعة خاصة انو جوزي والشاب والرجال الي اجا امبارح مع زوجتو كلهم في نفس الشركة هههه
بعدين قلي لالا خلص خليه ولما يخرب بنشتري غيرو مش كتير غاليين لانهم

عزيزتى سوسو
انا بصراحه لا استخدمت هادا ولاهادا
لكن اختيارك ما راح يكون على اى واحد استخدمتيه واى جديد
انا انصحك بالاستخدام يعنى
اى واحد بتستخدميه اكتر وقطعه بتفيدك اكتر
انا بالنسبه ليه كنت حختار الكينوود
وهادا شى بييرجعلك لكن انا بحب الاحجام الصغيره
وبفضل القطع الكهربائيه الصغيره المنفصله
لانه بهاى الحاله بتستخدمى يالى بدك اياه
ولما يعطل جهاز بتغير هوه ما بتطرى اتغيرى الكبير يالى فيه قطع كتيره
يا رب تكون وصلك شو بقصد
الله يوفقك ويهنيكى

اهلين لونلي

يعني انتِ متلي بتفضلي القطع المنفصلة

وانا باشوفه الراي الاصح

الله يوفقك يا لونلي ويسعدك ...........وحشتيني بجد وافتقدتك من فترة والله

ودمت بخير