فعلا عاداتكم كتير مختلفة عن عاداتنا
في اخت من سوريا حكت عن عاداتهم ونحنا بالاردن تقريبا نفس الشي
نحنا ببيتنا ما في فطور اول وتاني ..........لا كله مرة وحدة عشان نخلص من الجلي ونقعد نرتاح ونتفضى للتراويح والسهرة

طبعا قبل ما ياذن بنجهز كل شي على السفرة
التمر.. العصير...الشوربة.... اللبن....الفتوش...كبة مقلية....الطبخة الرئيسية(اكيد بكون فيها رز ولحم او دجاج)
بناكل تمر اول شي مع ماء او عصير كل واحد حسب الرغبة وبنشرب الشوربة الساخنة
انا بعدها بقوم اصلي وبرجع بكمل اكل الوجبة الرئيسية مع المقبلات
في ناس بكملوا بعد التمر وبصلوا بعد ما يكملوا فطورهم كامل

بعد ما ننتهي بنضبضب المطبخ والجلي وبنتجهز للعشاء والتراويح لانه ما في وقت بينهم وطبعا بكون بغرفة السفرة تلفزيون عشان نتسلى ونحنا بنفطر

بعد التراويح بتبدا السهرة اجمالا بيجوا الجيران او الاقارب بس مو يوميا وبنشرب القهوة السادة مع الحلو سواء عوامة او قطايف او اي نوع آخر
وبعدها بنام لنصحى وقت السحور للقرآن والصلاة

سحورنا خفيف كتير اغلب شي بيتسحروا اخواني الصغار اكل من حواضر البيت مع كاسة الشاي اكيد

انا بتسحر تمر 3 او 7 حبات مع لبن رائب وبشرب ماء

وسلامة تسلمكم