انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 16 1234511 ... الأخيرالأخير
عرض النتائج 1 الى 10 من 152

الموضوع: ملفى الصغير خبز و معجنات ان شاء الله متجدد طبعا كله بالصور**موضوع متميز**

  1. #1
    تاريخ التسجيل
    Mar 2005
    الردود
    1,329
    الجنس
    أنثى

    المواضيع المتميزة ملفى الصغير خبز و معجنات ان شاء الله متجدد طبعا كله بالصور**موضوع متميز**




    السلام عليكم ورحمه الله و بركاته

    ازيكم وحشتومى جدا عاملين ايه

    من فتره وانا عامله الحاجات دى لكن ظروفى ما سمحتش انى انزله غير دلوقتىو ان شاء الله يكون متجدد و يعجبكم باذن الله

    شويه حاجات لازم ناخد بالنا منها لما نعجن علشان الخبز و المعجنات تضبط معانا

    1 - ماتقوليش ليه خبزى او مجناتى ما نجحتش غير فلانه مع انى نفذت كل الخطوات بالضبط
    ممكن الخبز ينجح معاكى من اول مره و ممكن بعد مرات بس اهم حاجه استفيدى من كل مره شوفى ايه اللغلط اللى عملتيه المره اللى فاتت

    2- خلي العجينه تاخد راحتها فى كل خطوه يعنى لما نبدا نخمر الخميره فى الاول ندعكها بالسكر مه شويه ميه دافيه او لبن و نسيبها شويه

    3-لما تحطى الخميره اعملى حفره فى الدقيق الاول و حطى الخميره فى الحفره و غطيها من الجوانب وسبيها 10 دقايقو بعدين حطى باقى مقاديرك و اعجنلى

    4 - لا نضع الملح مع الخميره ابدا فى البدايه بعد وضع الخميره و بدا العجن نبدا نضع الملح او ندوبه فى الميه اللى هانعجن بيها

    5 -الميه او اللبن اللى هانحطه على الخميره او للعجن ما يكونش سخن ابدا لازم يكون دافى علشان ما يفسدش عمل الخميره

    6 - لازم العجينه تتعجن كويس جدا و يستحسن لو بالعجانه يكون احسن

    7 -كل خطوه لازم العجينه تتخمر كويس يعنى بعد العجن نسيبها تتخمر لغايه ما يتضاعف حجمها وبعد الفرد و التشكيل لازم نسيبها ترتاح و حجمها يتضاعفو لو خبز لنا تقطعيه قبل الفرد لما تشكليه كور سبيه يرتاح 10 الى ربع ساعه و بعدين افرديه و طبعا نسيبه يتخمر

    8 - المعجنات لما بندخلها الفرن ندهنها بالبيض و اللبن علشان يدى لون حلو و ممكن باللبن بس بنات انا بقول اللبن اللى هو الحليب

    9 - لو لقيتى العجينه ملزقهفى عجاين بتبقى كده لانها بعد الخبز بتمسك نفسها يعنى ماتحطيش دقيق زياده لان ممكن بعد الخبز تكون شديده و ماتتكلش

    10- بعض انواع الخبز و المعجنات بتحتاج الخميره الطبيعيه و هانحتاجها فى بعض انواع الخبز هنا معانا

    وهى عباره عن كوب دقيق مع نص كوب ميه نقلبهم مع بعض كويس و نحطها فى علبه محكمه الغلق و نغطيها و نسيبها فى مكان دافىء مده يومين هاتلاقيها اتخمرت تمام و بعدين يمكن استخدامها






  2. #2
    تاريخ التسجيل
    Mar 2005
    الردود
    1,329
    الجنس
    أنثى
    خبز باليانسون

    4 م\ك خميره طبيعيه
    كوب و 3\4 الكوب دقيق
    3\4 كوب ميه
    م\ك مليانه زبده م\ك ممسوحه يانسون مطحون
    م\ك ممسوحه لبن بودره و ممكن الاستغناء عنها
    قطعه خميره بيره قد البندقه
    م\ك ممسوحه سكر
    نص م\ص ملح
    الطريقه
    نضع الدقيق مع السكر و الخميره والميه العاديه من الحنفيه درجه حرارتها عاديه ماشى
    و نحط كل المقادير ماعدا الملح و اليانسون بعد ما نبدا العجن نحط الملح و اليانسون
    و بعدين نعجن كويس قوى لغايه ما تتكون عجينه طريه و مابتلزقش قوى و نغطيها
    و نسيبها تخمر ساعه و نص الى ساعتين لغايه ما يتضاعف حجمها وهاتشموا ريحه جميله
    اليانسون لما العجينه بتتخمر بيدى ريحه روعه


    بعد التخمير



    بعدين نقطعها كور و نسيبها10 دقايق و بعدين نصبعها يعنى نعملها صوابع طويله
    و ياريت نخليهاارفع من اللى عملتها لانها هاتخمر جامد و هاتكبرو


    نعمل من العجينه صوابع
    طويله رفيعه كمان علشان نشكل الخبز بيها نعمله زى الشكل كده نحطه عليه و هو هايلزق مع نفسه بالتخمير



    و بعد ما نخلص نسيبه يخمرساعه و نص او لغايه ما يتضاعف حجمه


    و بعدين ندخلهحار شويه 200 درجه فى الرف الاوسط مده20 ال نص ساعه او لغايه ما يتحمر من فوق للدرجه اللى بتحبوها




  3. #3
    تاريخ التسجيل
    Mar 2005
    الردود
    1,329
    الجنس
    أنثى
    الفايش او القراقيش

    المقادير

    ( الاول فى خميره بتتعمل نجيب م\ك مليانه حمص مطحون بتاع التسالى اللى بنجيبه من المقله
    و نحط عليه كوب لبن ساخن بس مش قوى و نقلبهم كويس و نقفله كويس فى علبه محكمه الغلق
    و نغطيه و نسيبه يوم كامل علشان يخمر و تعرفى انها خمرت لما تفتحيها هاتلاقى ريحه صعبه شويه
    و الحمص بقى فوق على الوش و ممكن يكون فى شويه تحت كمان عادى يبقى كده خمرت و ممكن تسبيها كمان يوم للمناطق البارده و بعدين تحطى معلقه كبيره دقيق عليهم و تقلبى كويس و تقفليها و تغطيها و تسبيها
    كام ساعه لغايه ماتلقيها اتخمرت زى كده تيقى كده الخميره تمام
    على فكره الخميره دى بتدى طعم الفايش و بتخليه هش قوى وممكن تعملى الفايش من غيرها بس بيها هى الاصل
    دلوقتى بعد ما خمرت نحضر المقادير دى

    وده شكل الخميره بالتدريج






  4. #4
    تاريخ التسجيل
    Mar 2005
    الردود
    1,329
    الجنس
    أنثى
    نبدا بالمفادير للفايش

    4 كوب دقيق
    3\4 كوب سمن
    م\ص سكر + قطعه خميره قد البندقه و ربع كوب حليب دافىء و يتقلبو مع بعض
    كوب ميه دافيه للعجن م\ص ممسوحه ملح
    م\ص ممسوحه كركم علشان يدى اللون الاصفر للفايش
    الخميره بتاعت الحمص ماشى
    الطريقه
    نحط الدقيق و السمن ونفركهم مع بعض و بعدين نحط الخميره و اللبن و السكر اللى خلطناهم مع بعض
    و خميره الحمص و الملح و الكركم و نعجن و نفضل نحط الميه و نعجنكويس قوى الفتره دى انا
    بعجن كل حاجه فى العجانه لانى تعبانه ماقدرش اعجن بايدى المهم
    نغطيها و نسيبها تخمر 3 ساعات




    و بعدين نبدا نقع ندهن الصينيه و ندهن ايدينا زيت و نبدا نصبه القطع على حسب الحجم اللى عايزاه انا عملت كبير و صغير علشان الانسه ايمى وبعدين نغطيه و نسيبه يتخمر قد ساعه و شويه او لغايه ما تلاقي حجمه تضاعف




    بعد التخمير



    و

  5. #5
    تاريخ التسجيل
    Mar 2005
    الردود
    1,329
    الجنس
    أنثى
    بعدين فى فرن ساخن نحطه حوالى نص ساعه لغايه ما يتحمر و بعدين نطلعه و نسيبه يبرد
    و نفككه من بعضه زى كده و نسيبه لغايه ما يبرد خاص




    و بعدين نحطه فى الصنيه تانى بدون ما ندهنها بس نحطه على الناحيه الجانبيه يعنى زى كده و ندخلها الفرن علشان يتقرقش و تلاقيه الوش اتحمر و بعدين نقلبه على الناحيه التانيه و بس ومع كوبايه شاى بحليب يا سلام




  6. #6
    تاريخ التسجيل
    Mar 2005
    الردود
    1,329
    الجنس
    أنثى
    خبز الخميره السريع

    الخميره السريعه يعنى مش هانسيبها يومين لا 20 ساعه بس ( مش عايزه ضحك و لا تريقه ) ايوه دى سريعه
    كوب دقيق
    اكتر من نص الكوب بشويه ميه
    قطعه خميره بيره قد الحمصه
    نخلطهم مع بعض كويس هاتكون زى العجينه ونحطها فى علبه او وعاء محكم الغلق و نسيبه يعنى من 15 الى 20 ساعه
    بعدين لما تتخمر نجيب المقادير الخبز

    3 و نص كوب دقيق
    كوب ونص ( ميه او لبن او مخلط يعنى كوب لبن و نص ميه او العكس)
    قطعه خميره اكبرمن حجم الحمصه بشويه
    م\ص ملح ممسوحه
    نخلط المقادير كلها و الخميره اللى سبناها تخمر ال20 ساعه الملح اخر حاجه فى المقادير و نعجن كويس قوى
    و هاتكون بتلزق شويه و نسيبها ساعه تخمرو بعدين على الطاوله نرش دقيق و نقطع العجينه




    دواير صغيره و نسيبها 10 دقايق و بعدين نعملها شكل طولى و نعمل بالسكين حرف اكس او نرش سمسماو نسيبه كده و ممكن نسيبه يتخمر و بعد التخمير نقطعه اكس ماشى كله هايمشى بس يستحسن
    بعد ما يتخمر نعمل شكل الاكس بس اليد تكون خفيفه لما بنقطع اللى ما يعرفش ممكن يقطعها قبل التخمير




    و نسيبه يخمر ساعه و بعدين ندخله فرن ساخن مده نص ساعه فى الرف الاوسط




  7. #7
    تاريخ التسجيل
    Jun 2007
    الموقع
    رب افرغ علي صبرا وتوفني وانت راضي عني
    الردود
    597
    الجنس
    امرأة


    تسلم ايدك رااااااااااااااااااااااااااااااااااااااااااااااااا ئع ماشاء الله

  8. #8
    تاريخ التسجيل
    Oct 2006
    الموقع
    ♥ ♥ ♥ في بيتــــ الدافئ ـــــــي ♥ ♥ ♥
    الردود
    8,669
    الجنس
    امرأة
    روووووووووووووووعه

  9. #9
    تاريخ التسجيل
    Apr 2007
    الموقع
    كوسة وبط سابقا ....مصرية فى بلاد العم سام- أمريكا
    الردود
    7,847
    الجنس
    أنثى
    التكريم
    • (القاب)
      • همة نحو القمة
      • متألقة صيف 1432هـ
      • مبدعة صيفنا إبداع1431هـ
    (أوسمة)
    السلام عليكم حبيبتى واستاذتى
    موضوع اكثر من رائع ويل ريت يتثبت و الى الامام

  10. #10
    تاريخ التسجيل
    Jun 2004
    الموقع
    المملكة العربية السعودية
    الردود
    23,185
    الجنس
    أنثى
    موضوع رائع
    لكى جزيل الشكر اختى الكريمه
    بارك الله فيكى

مواضيع مشابهه

  1. **موضوع متميز**معجنات القفص الصدري من مطبخي بالصور
    بواسطة hananlibya في المعجنات والسندويشات والفطائر والخبز
    الردود: 72
    اخر موضوع: 24-05-2009, 02:48 PM
  2. **موضوع متميز**ضفاير حاجات كده مع الشاى او العصير طبعا بالصور
    بواسطة سائله الرحمن في المعجنات والسندويشات والفطائر والخبز
    الردود: 68
    اخر موضوع: 13-12-2008, 09:23 PM
  3. معجنات ...حلزونية(بالصور)...**موضوع متميز**
    بواسطة morning في المعجنات والسندويشات والفطائر والخبز
    الردود: 102
    اخر موضوع: 15-11-2008, 01:49 AM
  4. شعار ♥موضوع متميز♥ ملفي الثاني ...للحلويات بالصور من مطبخي.....تفضلوااا
    بواسطة زوجة الاشقر في الحلويات والكب كيك والكيك وحلويات العيد
    الردود: 61
    اخر موضوع: 05-12-2007, 08:39 PM
  5. معجنات مشكله روعة بالصور من مطبخي**موضوع متميز**
    بواسطة strawberryn◦˚ஐ˚ في المعجنات والسندويشات والفطائر والخبز
    الردود: 39
    اخر موضوع: 14-12-2006, 12:37 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ