منقــــــــــــــــول
السلام عليكم

طبعا اليوم جايبتلكم هذا النوع من المقبلات .. شكله مثل ما تشوفون حلو و يلفت النظر ، يعني حلو حق العزايم و الجمعات .. بس احلى شي اذا سويتيه مع مشاوي

و تقدرون تسوونه قبلها بيوم .. هو اصلا يبغيله يقعد في الثلاجه شوي .. اهم شي يكون القالب متوفر عندكم .. قالب لوف عادي ، الافضل القالب مقاس ست اكواب -يعني يكفي اذا صبيتي فيه ست اكواب ماي-

و هاي المقادير

2 فلفل بارد احمر مقطع ارباع

2 فلفل بارد اصفر مقطع ارباع

1 باذنجان كبير مقطع شرايح طويله

2 كوسا مقطع شرايح طويله

نص كوب زبيب

1 بصله حمراء مقطعه شرايح

1 م ك معجون طماط

2 م ك خل

كوب و نص عصير طماط

كيس جيلاتين

زيت زيتون

الطريقه

- حطي الفلفل تحت شواية الفرن يلين ما يبدأ يسود شوي و بعدين شيليه و حطيه في كيس بلاستيك

- ادهني قالبين فرن بزيت زيتون و حطي الباذنجان و الكوسا كلن في قالب و اشويهم .. و اقلبي الخضار في نص مدة الشوي

- اقلي البصل و الزبيب و معجون الطماط و الخل يلين ما يثخن

- هاتي ثلاثة ارباع كوب عصير طماط و حطي في قدر صغير على نار هاديه و ذوبي الجيلاتين فيه

- الحين هاتي القالب و ادهنيه بزيت و بطنيه بالورق الشفاف

- حطي طبقة فلفل احمر بعيدين اصفر بعدين كوسا بعدين باذنجان و بعدين خلطة البصل و كرري الطبقات .. بس خلطة البصل مره وحده .. بس بعد كل طبقة رشي شوي من خلطة العصير و الجيلاتين و رشي شوي ملح و فلفل اسود

- صبي باقي العصير عليه -اذا حسيتي انه وايد في عصير ما في داعي لها الخطوه- و - بعدين رصي شوي عليه بيدك عشان تطلع السوايل الزايده و غطيه بالورق الشفاف و حطيه في الثلاجه اقل شي ست ساعات

- تقدرين تسوين صلصله -عباره عن زيت زيتون و خل و ملح و فلفل اسود- و تقدمينه معاه

و بالعافيه على قلوبكم

منقــــــــــــــــول

فكره راااااااااااااااااااااااااائعه


تسلمى ياقمر

ماشاء الله
شكله رائع
وفكرة جميلة

عاشت الايادي ومن يد ما ننحرم منها يا رب

يسلموووووووووو و الله يعطيكي العافية

ماشاء الله يجنن تسلم ايدك

ما شاء الله مشهي جدا
تسلم الايادي

تسلم ايدك ياقمر

تسلمين حبيبتي على الوصفة

شكرا لك على هذا النقل