كتبت بواسطة kaouther

فكرة رائعة يا ام معاذ, ننتظر و صفتك للبغرير, و انا عن نفسى ساضع و صفات الكسرة و خبز الدار.

ام بثينة,
يعطيك الصحة على الخبز.
اشهى و الله

يعيشك يا كوثر, و راني قلتلك ذلك اليوم و كأنك تطلي على قلبي, كنت ناوية أضع وصفات خبز الدار و الكسرة, و لكن هذا الموضوع موضوعنا جميعا و نتعاون فيه حتى نقدم أحلى ما عندنا.

كتبت بواسطة om bouthayna

ماشاء الله عليك فحلة تعرفي احنا نديروه هكذا في دارنا وكي جيت لهنا مايخرجليش كيما نتاع يما ومنبعد نصحوني نديرو بالفرينة والله يجيني روعة ينطق
بلاك سميدكم خيرمن سميدنا ههههه

الله يعيشك يا أم بثينة, حتى أنت ما خليتيش, ما شاء الله عليك و على وصفاتك المتنوعة, و فيما يخص السميد, ممكن يكون السميد الموجود عندنا أفضل من السميد الذي عندكم, فنحن نشتري كل حاجياتنا هاته من محلات فلسطينية و هم عندهم ما شاء الله, كل ما تحتاجينه في وصفاتنا العربية.

كتبت بواسطة om bouthayna

ام معاذ تخليها تخمر طول الليل؟؟؟؟؟؟؟مافهمتش

نعم, أحضرالعجينة في المساء و أتركها ترتاح طوال الليل و في صباح اليوم التالي أقوم بطهيها, و تكون النتيجة كما في الصورةو رائعة و خفيفة و لذيذة.

ما شاء الله يا بنات, رحت و جيت , نلقا كل هذه الابداعات !!!!!!!!! تبارك الله على البغرير نتاعك ام معاذ. ما شاء الله, سخفتينى نديرو.

انا شخصيا نعمل 3 كؤوس سميد و كاس فرينة لانو السميد اللى هنا مش مليح, كيما نتاع ام بثينة., و لكن نحط ملعقة اكل كبيرة خميرة , و بيضة و نبلها بخليط من الماء و الحليب الدافىء باش تجى طرية.
و هذه صورة للذكرى:


اما بالنسبة للوصفات, تعرفى علاش تجينا نفس الافكار؟ لانو احنا من من نفس المنطقة تقريبا و اكلنا متشابه.
اذا الوصفات تاعك بالصور التفصيلية فمن المستحسن انك تحطيها انت لانه انا عندى صور نهائية فقط للاطباق.
لكنى لن اتردد عن و ضع اضافاتى و صورى لتعم الفائدة.

ام بثينة.
الاخت ام معاذ تسكن فى بلاد البرد اما انت فما شاء الله , السخانة على العام يعنى مش لازم نتبعو ام معاذ فى هذه النقطة.ههههه
انا شخصيا , لو نخليها ليلة كاملة, من غدوة, نرميها. هههه

واش نقلك على التارتات نتاعك. روعة, فكرتينى بالمخابز فى الجزائر و جو رمضان خاصة, يعطيك الصحة و تبارك الله عليك.
راح نجرب طريقتك فى اقرب فرصة ان شاء الله و نحطلك التطبيق.

الله عليكم الله
ايه الوصفات الجميلة دي
تسلم ايدكم
وتحياتي للشعب الجزائري

ربى خليك عزيزتى روزا و الله احلى تحية من عندك , شرحتيلى قلبى لما شفت خريطة و علم الجزائر.
ان شاء الله تدخل السنة الجديدة عليك بالخير و البركة و الى جميع الشعب المصرى المعطاء و طبعا كل البلاد العربية من المحيط الى الخليج.

تسلم الايادي وبانتظار المزيد من المعجنات الجزائريه

[QUOTE="أم معاذ"]الآن جئت بوصفة سهلة جدا نستعملها في أي يوم و ليست لها مناسبة معينة.

ميني تارتوليت باللحم Mini Tartlets


مقادير العجينة:
2 ك دقيق
7 م/ك زبدة أو مارغرين
1 بيضة
ماء بارد

مقادير الحشوة:
لحم مفروم
بصل
ثوم
بقدونس مقطع رفيع
1/4 م/ص جوزة الطيب
1 ك صلصة طماطم
جبن موتزاريلا مبشور

طريقة العجينة:
نخلط الزبدة و الدقيق في إناء الخلاط, ثم نعمل حفرة في الوسط و نضيف البيضة و الملح و نسقيها بالماء تدريجيا حتى تتماسك العجينة و تكون طرية, كما في الصورة:



نترك العجينة على حدى و نحضر الحشوة.

طريقة الحشوة:
في مقلاة نضع اللحم المفروم و البصل و الثوم المفرومين ناعم جدا و البقدونس و جوزة الطيب و صلصة الطماطم كما في الصورة:



و عندما ننتهي من طهي كل شيء, نضيف إليها الجبن و نخلط كل شيء معا, كما في الصورة:



ثم نطرح العجينة بالنشابة على طاولة المطبخ و نحضر قوالب التارتولات:



نضع القالب تحت العجينة بهذا الشكل:



و نقوم بالضغط عليها حتى تتشكل حسب شكل القالب كما في الصورة:



و نقوم بنفس العملية حتى تنتهي العجينة:



ثم نضع فوق كل قالب الحشوة بهذا الشكل (بقيت لي قطعة صغيرة جدا من العجينة فعملتها على شكل مختلف):



و نضعها في فرن درجة حرارته 180 أي 350 فرنهايت و يكون سخن مسبقا:



و نتركها حتى تحمر و تنضج الحشوة, ثم نتركها تبرد:



و نقدمها بالصحة و الهناء:



أرجو أن تكون هاته الوصفة أعجبتكن, فهي لذيذة جدا و خفيفة جدا.

لي عودة غدا بإذن الله لأن الوقت تأخر الآن و علي الذهاب.
في أمان الله يا أخواتي.

ك: كوب
م/ك: ملعقة كبيرة
م/ص: ملعقة صغيرة[/QUO
والله يستحق التميز

والله يا ام معاذ سخفتينا في القرصة كما نسميها احنا هنا ، بلاك غدوة نديرها ان شاء الله ،وانت يا ام بثينة ما شاء الله على هذا الخبز البنين ،

والله يا ام معاذ سخفتينا في القرصة كما نسميها احنا هنا ، بلاك غدوة نديرها ان شاء الله ،وانت يا ام بثينة ما شاء الله على هذا الخبز البنين ،