ساندوش الدجاج بخبز التنور بالصور من مطبخي**موضوع متميز**
السلام عليكم ورحمة الله وبركاته
هذي الساندوش جربتها بخبز التنور وطلعت حلوه مره والحشوة كانت رهيبه
ماراح أطول عليكم
المقادير زي مو موضح في الصورة
طبعا بدون كمية محدده لانه حسب الرغبه
نضع القدر على النار ونضع فيه صدر دجاج مسلوق ومقطع طماطم مقطع مربعات مخلل خيار بقدونس بصل وملعقتين زيت كبار
نضع عليهم البهارت والملح حسب الرغبه
بعد ما تستوي الحشوه يعني لما يذبل البصل والطماطم بس مو مره يذبلون عشان تصير اطيب
بس لما ينمزجون نفرد الخبز مو شرط هذا الخبز اي نوع خبز عندج بس انا حبيت اغير على فكره هذا الخبز جاهز وارق من خبز التنور يعني نصف سمك خبز التنور نفرد الخبز على الصينيه الي بتدخلينها الفرن
وندهنه (بزبادي مخلوط مع طحينيه وشوي ملح وليمون) ونضع الحشوه
نفرد الحشوة على الخبز ونضع فوقه جبن مبشور
ونلف الخبز زي الساندوش وتوضع في الفرن حتى يحمر وجهها ويسيح الجبن
وبعدها تقصص حسب الكمية المرغوبه
اتمنى تجربونه ويعجبكم
وصحة وعافية
اسفه الصور كل ما احطهم يختفون
رجع صغرتهم وحطيتهم من جديد
رد مع الاستدلال
]
الروابط المفضلة