اهلا وسهلا بكم يابنات لك الحلوات
انا عضوه جديده وحبيت اشارك معاكم بالهمووووووووضوع
ياليت كل وحده تشارك وتقول هل استعديتي لرمضان للفريزر ؟؟؟
هذا اكيد قبل الاستعداد النفسي والبدني للعباده والصلاة الله يتقبل صلاتنا وقيامنا يارب



انا ابقول وش استعداداتي
اول شي انا اعرف حرمه ثقه وممتازه ونظيفه
طلبت منها سمبوسه جبن ولحم ودجاج
وبف جبن ولحم ودجاج
وسمبوسه صخار
واصابع لحم ودجاج

وابي وحده تعملي افخاذ الدجاج ماحصلت

بس لان مابقى الا اللقيمات والشوربه والصواني على السحور يعني بيكونون طازه
يالله عطونا خبراتكم وافكاركم
ووش ممكن اننا نفرزن ونحفظ على شان يصير فيه وقت نتعبد فيه

ووووووووووووووووووووش دعوه
ولا رد

البيتزا ممكن تعمليها من تحت وتضعين الحشوه فوق ولا تحمرين الجبن الا وقت الأكل والبف يعملينه عجينه و يوضع بالفريزر واذا احتجتي تطلعين وتقلين حسب حاجتك وافخاذ الدجاج أنا اعملها بعجينه البف باستري على فكره البيتزا ممكن تعمليها بالصينيه وممكن تعمليها سويسرول وتفرزن والله أعلم.

ممكن بعجينه البيتزا والفطائر تعملي ظفيرة لحم وتحمر من فوق وتحت وتفرزن

هلا اخت هاجسه كل عام وجميع الاخوات بخير
باالنسبه ليه لفيت سبرنغ رول محشي جزر وملفوف بعد ماشوحته مع بصل مقلي وماجي وبهاراتي المفضله
2 \حشيت كوسه وفلفل وحطيتها في برطمان بالفريزر
3 \سويت كشنه وكثرت وبرضه على الفريزرفي يرطمانات صغيره الي نجيب فيها فول من برى
الحجم الصغير
جهزت لحم مفروم مسبك جاهز لائي استخدام وحطيته باكياس بشكل طولي مضغوط حتى يسهل فكه اذا احتجته وسلامتك

البنات ما قصروا
و لو عملت بحث فيه مواضيع كثيرة مفيدة لنفس الموضوع
و مبارك علبنا و عليكم الشهر الكريم

أحنا الصراحة صايرين كسلانين ماسوينا شي للحين بس أمس لفينا سبرنغ رول وفرزناها وإنشاء الله بنفرزن سمبوسة هاليومين وشكراً على الوضوع

ايه و الله رمضان وحوسة المطبخ
ماشاء الله السبرنق رول اللي اسويه روعه و الكل ينهبل عليه ,, بس لازم يتسوى بنفس اليوم اللي بيتقدم فيه لانه اذا تفرزن يشرب زيت و تكون العجينه لينه ... فهو الشيء الوحيد اللي احتار في تخزينه .

أول استعداداتي .. اشتريت كبيبه جاهزه من محل يسويها ويقليها .. بس اخذتها من عنده من الفريزر وفي برطمان رصيتها و حطيت ما بينها اكياس نايلو و فرزنتها .

و الباقي في النيه .. <<<<<<< كسلانه ودي اسوي :

1. كشنه في برطمانات صغيره .

2. صينيه كبه بالصينيه افرزنها بصينيتها ..و وقت الخبز اطلعها من الفريزر و ادهن وجهها بزيت زيتون و على الفرن على الطول .

4. سنبوسه ميني .. لوزين احشيها بكيري و احطها بصحون ورق صغيره و افرزنها و وقت الحاجه اقليها و احط عليها شيره و ارش عليها فستق مطحون او قرفه .. او حتى ممكن في طريقة ثانيه اقليها و اغمس زواياها بعسل و اغط الركن بالفستق او القرفه المطحونه .. و يطلع حلى حلو وخفيف ..



ودي اسوي حشوة سنبوسه و افرزنها باكياس زي ما قالت أم أحمد بس اخاف اللحم يتغير طعمه .. لأن زوجي يحب السنبوسه حقت جدتي و جدتكم اللي تنقرص و تفرد على شرشف .... تشبه البف
فعلى الاكل اجهز الحشوه بس اخاف ما تضبط