ساندويشت صاروووووووووووووووخ ....كذا اسمه في جدة ..لايفوتكم
بعد السلام يحلى مو الكلام .....يحلى الطعام هههههههههههههه
ما أطول عليكم
مقاديــــــــــــ عجينة العيش ــــــــــــــــــــــــــر :
***********************************************
بيضة /ملعقة نشا /ملعقة بكم بودر/كاسة كبيرة ماء
دقيق / (يوضع الدقيق والماء إلا أن تتماسك العجينة )
بعد عمل العجينة وأهم شي تكون متامسكة نجزأها أجزاء صغيرة ونعمل هذي الأجزاء مثل الكور (تقريبا بمثل حجم كورة الفرفيرة)ونتركها على جنب على بال مانعمل الحشوة
طريقة عمل الحشوة:
***************************
أقطع صدور دجاج (تلاقو في السوبر ماركت صدور دجاج من غير عضم)نحطلها شوية خل وليمون وبهارات للتنظيف ونغسلها ونقطعها مربعات صغيرة وبعدين نحط طاوة صغيرة فيها سمن قليل على النار ونقطع حبة بصلة صغيرة ونحطو على النارمع الدجاج لين مايحمررالبصل مع ملح و بهارات مشكلةوشوية فلفل رومي مقطع صغييييييروشوية صلصة صوياحق ملعقة صغيرة بس.... ولين ينضج الدجاج وتجف مويته على نار واطية ...
عاد خذي كورة كورة من العجينة وأفرديها (حتحتاجي لمن تفرديها لشوية دقيق)ويصير شكل العجينة زي حجم العيش الشامي وكل ماتكملي من وحدة حطيها على طاوة ممسوحة بشوية زيت وشوية وأقلبيها على الجهة الثانية تحمر بس مو تحرقيهههههههههههاحتلاحظي إن العجينة قوية ماحتتلف معاكي للحشوة عشان كذا كل ماتكملي من وحدة عجينة حطيها في كيس نايلون ولاتخلي الكيس مفتوح عشان تلين معاكي وتقدري تحشيها ولمن تكملي تفرديها كلها وتحطيها في الكيس مع بعض خليها دقيقة وبعدين أبدأي طلعي وحدة وحدة وسويها.......
(((( إذا مشيتوا خطوة خطوة على كلامي صدقوني حتاكلو أصابعكم وراه وأدهني العيش بشوية شطة وكتشب وثوم لو عندك ياسلاااااااااااااااااااااااااااااااااااااام والله أشتهيتو وأنا أكتبوا)))))
رد مع الاستدلال
]
الروابط المفضلة