السلام عليكم
البيتزامترجمة من (موقع الشيف سيمون)
المقادير
350 جرام دقيق
10 جرام ملح
10 جرام خميرة
250 جرام ماء دافىء
واحد ملعقة كبيرة زيت
150 ..200 جرام دقيق إضافى للعجن
الطريقة
هو عجن كله على بعضه فى العجانة وتركها تخمر وبعدين رش الرخامة دقيق ورقها وحطها فى الصينية ودهنها بالصلصة والحشو المرغوب فيه...
أنا بقى عملت زيه مرة وعملت طريقة تخمير الخميرة لوحدها مرة أخرى وهى دى الطريقة اللى برتاح لها أكثر..
بدفى الماء (محدش يسخن الماء عشان ميبوظش الخميرة مجرد دفء) وبعدين أحط عليها الخميرة وأغطيها لمدة 5 دقائق بتكون خمرت وفارت بضيفها على الدقيق المنخول وعليه ذرة الملح والزيت وأعجنها كويس ولو فى العجانة يبقى أحسن وبعدين أتركها تخمر .
بعدما تخمر وأشكلها وأحطها فى الصينية تدهنى الوجة زيت بالفرشاة ثم ضعى الصلصة فقط وضعى الصينية فى الفرن حتى يشد الوجة تضيفى الحشو (دى من أسامة السيد )
وهى خطوة حلوة جدا لأن بالطريقة دى لا يمكن وجه البيتزا يعجن معاكى...
ملحوظات هاااامة
-----------
* مقادير الوصفة السابقة بالكوب
كوب الدقيق بيعمل معايا (130 جرام )
كوب الماء بيعمل معى (220 جرام )
10 جرام خميرة عملت معايا (ملعقة كبيرة )
10 جرام ملح عملت معايا (ملعقة صغيرة )
*أنا عن نفسى وضعت ملعقتين زيت وليس ملعقة مثلما فى الوصفة .
* وبالنسبة لدقيق العجن حطى منه قليلا وأعجنى وهكذا وكثرة العجن بيخلى العجين يمسك نفسه بدقيق أقل أنما كثرة الدقيق بتكتم العجين .
* أكثر 3 خطوات تخمر العجين بسرعة تخمير الخميرة وحدها أولا قبل إضاتها على الدقيق.
* عجن العجين بالعجانة أفضل من اليد.
*تسخين الفرن لمدة 10 دقئق ووضع العجين تخمر فيه طبعا فى وعاء معدنى والعجين تدهن بالزيت وتغطى عشان الوجة مينشفش .
* ضعوا العجين فى وعاء كبير بالنسبة لها إذا قمتم بالخطوات السابقة لأنها حتخمر بسرعة كبيرة (حصل معى أن فارت العجين من الوعاء معى داخل البوتجاز بسبب ضيق الوعاء اللى حطتها فيه).
* فى البيتزا عمتا المكونات اللى ممكن تنزل مياه على العجين مثل الطماطم رغم أنى بقطع لحمها بدون البذر لكنها بتنزل ماء فالأفضل تتشوح قليلا على النار وتشرب ما ؤها بدل ما تعجن العجين .
الصلصة دى بتاعتى مش بتاعته بس بجد تجنن
ــــــــــــــــــــــــــــــــــــــــــــــــــ ــــــــــــــــــــــــــ
تبشرى بصلة أو بصل مجفف وتشوحيه مع القليل من الثوم مفروم وزيت زيتون حتى يصفروا ثم تضيفى الصلصة والملح والفلفل وذرة السكر والشطة وقرن فلفل حامى مقطع طرنشات وقرب الغلق عليها نضيف الريحان والروز مارى والزعتر وثوم بودر وملعقتين صوص صويا ونغلق النار ونضيف عصير ليمونة و ملعقتين مايونيز ...وبعدما تبرد الصلصة تماما ندهن بها عجين البيتزا .
أختكم آدمية حائرة
رد مع الاستدلال
رسالة شكر
الروابط المفضلة