السلام عليكم و رحمة الله و بركاته


اخواتي الحبيبات

الخميرة بيرة عندي بقت سيئة جدا مهما احضرها كويس و مظبوط الاقيها متخمرش كويس و احيانا متخمرش خالص احترت انا بستعمل الرحاب او فرج الله قولولي استعمل ايه انا من مصر يعني الانواع الـ ممكن تكون جيدة ايه ولا اعمل ايه بالضبط شكرا حبيباتي

يا هلا بك اختي
من تجربتي انواع الخمير ما في ختلاف بينهم
لكي تتفاعل معك لخميرة جيدا حطي الكمية الي حتستعمل في كأس مع او بدون رشة السكر اضيفي ملعقتين او 3 ماء دافئ او حليب دافئ و اتركيها ربع الى نصف ساعة لتفاعل و تتضاعف و اضيفيها للدقيق
نصيحة اخرى ابدا ابدا لا تمزجي الخميرة مع الملح يعني الخميرة ما تلمس الملح مباشرة لانها بتقضي عليها
اتمنىالاخوات يفيدوك اكثر و دمت بخير اختي

شكرا لاهتمامك اختي ام البنات


و الله يا حبيبتي عمل زي ما بتقولي بس انا بضع نصف كوب ماء دافئ و ليس 3 ملاعق يمكن ده السبب؟؟؟ حقلل الماء و اشوف

شكرا حيبتي

انا بستخدم اكياس الخميره الجافه حلو الشام لون الكيس اخضر
بس حقللك انتي ممكن تكوني بتحطي ميه سخنه بتبوظ الخميره الميه لازم تكون دافيه خفيف اوي اوي
وضع السكر وتغطيه الكوب بيساعد علي سرعه التخمير
انا بقه تجنبا لوجع الدماغ بحط الخميره الجافه مباشره علي الدقيق ومعها سكر وبقيه المكونات واعجنهم بماء دافي وبعد ما تتماسك بدهن طبق غويط بالزيت جيدا واضع العجينه فيه واخرمها شويه بصوابعي ثم اغطيها بكيس بلاستيك وادخلها في مكان دافي ( ممكن اكون مسخنه الفرن 5 دقائق ثم اغلقه وادخل العجينه تخمر ) بعد ساعه او ساعه الاربع حتلاقيها خمره كويس ممكن تسبيها كمان نص ساعه حتبقي ميه ميه
بس ابقي ادعيلنا

و انا كمان باستعمل خميرة الرحاب و جربت قبل كده حلو الشام
و الاتنين نفس النتيجه لا تتفاعل قبل ساعه او ساعتين

السلام عليكم و رحمة الله و بركاته

شكرا حبيباتي

الباش مهندسة

ام بودي

شوفوا انا حجرب كل حاجة و ان شاء الله لازم اوصل لحل ماشي

السلام عليكم انامصرية و اناكنت بستعمل الخميرة الفورية و جربت منها كذا نوع و كانت دايما بتفشل كل نوع عجينة معايالحد ما اشتريت الخميرة الطازجة من مخبز العيش الفينو و من يومها و كل معجناتى ناجحة اتمنى اكون افدتك

السلام عليكم
يا جماعة الخير أسأل مجرب ولا تسأل طبيب... الخميرة الفورية المصرى فاااااااااااااشلة من الدرجة الأولى يا أما تستعملوا الخميرة البيرة من المخبز وتأخذوا كمية على أد الإستعمال والباقى فى الفريزر لأنها تخسر بسرعة يا أما فى خميرة فورية * تركى * تلاقوها فى فتح الله أو كارفور أو مترو أو حتى المحلات المتخصصة فى بيع مستلزمات الحلويات..ودى صورتها وفى نوع تركى تانى برده لون الورقة البيج ومرسوم عليها خبازوالأثنين أحلى من بعض سواء خلطوها على الدقيق أو ذوبتوها فى ماء دافىء .... المهم البلد الماركة

[IMG][/IMG]

أختكم آدمية حائرة

ربنا يكرمك يا آدميه

فعلا الخميرة المصري فاشله جداااا

لسه امبارح مبوظه لي العجين

ان شاء الله قررت ارمي اللي عندي و ادور علي التركي

شكرا ليكي جدااااااااااااااااااااا

شكرا اخواتي

ام بودي

ادمية

هداية

بس الخميرة المستوردة دي بخاف اجبها كمية كده لان استخداماتي مش كتيير قوليلي ادمية احافظ عيها ازاي ؟؟