السلام عليكم ورحمة الله وبركاته


حبيبتي ام عزيزان الغاليه اولا اهنيك على الطبخات الرائعه.ثانيا:انا حاولت عمل طريقة السينامون بنفس عجينتك"العشر دقائق"وكانت العجينه الخطوه الاولى لينه وجميله ولكن الخطوه الثانيه عند اضافة ال3 كاسات من الدقيق حسيت انها صارت وايدغليظه وصعب عجنها بس سويتها.طلعت السينامون غليظه شوي.ثالثا:لما حطيت العجينه في الفرن حسيت ان المده طالت بعدين لما استوت من تحت حطيتها فوق عشان تستوي بس طلعت شوي محروقه.الغاليه ممكن تجولين لي وين الخطا وكيف اضبط السينامون.بكون شاكره لك واااايد.


وبالتوفيق.

حبيبتي ام عزيزان الغاليه اولا اهنيك على الطبخات الرائعه.

تسلمين يالغلا وهذا من ذوقك

ثانيا:انا حاولت عمل طريقة السينامون بنفس عجينتك"العشر دقائق"وكانت العجينه الخطوه الاولى لينه وجميله

في الخطوه الاولى العجينه تكون شبه سائله وماتقدري تتحكمي فيها ابدا

ولكن الخطوه الثانيه عند اضافة ال3 كاسات من الدقيق حسيت انها صارت وايدغليظه وصعب عجنها


يمكن لان كميتها كبيره خمس كاسات بس ماهي غليظه هل اضفتي الزيت في هذى الخطوه؟؟؟ وتكون جدا متجانسه واعجنيها لما تحسي انها فكة عن الوعاء



بس سويتها.طلعت السينامون غليظه شوي.

يمكن لانك رقيتيها سميكه او بسبب عدم ضبط العجينه من الاساس

ثالثا:لما حطيت العجينه في الفرن حسيت ان المده طالت بعدين لما استوت من تحت حطيتها فوق عشان تستوي بس طلعت شوي محروقه

بالعكس ماياخذ وقت كثير ... تحطين الفرن على 180 درجه ... ويمكن تاخذ اقل من الثلث ساعه بس ... وتحطينها على الفرن بالرف الوسط لما تبدي تتحمر من تحت انتي افتحي عليها من فوق بس لما تاخذ لون اشقر


.الغاليه ممكن تجولين لي وين الخطا وكيف اضبط السينامون.


لما تضبط معاج العجينه ...رشي السطح بالقليل من الطحين و تاخذين قطعه منها وتفردينها بالنشابه على سماكه متوسطه يعني لا هي سميكه ولا رقيقه ... امسحي سطحها بالزبده السائله ... ورشي عليها السكر والقرفه ... لكن انتبهي للطرف الاخير من العجينه لا تحطين عليه القرفه حتى تقدري تسكريها بعدين مثل ما رسمتها لج ..



. وابدي لفيها مثل الرول بالاخر احكمي اغلاقها زين ... قطعيها بالسكينه بسماكه متوسطه او كبيره حسب الرغبه وصفيها بالصينيه .... وبعد ما تستوي اسقيها بحليب نستله او توفي او خليط من الحليب وجبن الكيري ... وان شاء الله تضبط معاج


بكون شاكره لك واااايد

العفو عزيزتي وان شاء الله قدرت افيدك باجوبتي

السلام عليكم ورحمة الله وبركاته



غاليتي مشكوره واااايد على التوضيح وانا فعلا عرفت الحين وين كان الغلط معاي.ان شاء الله بسويها مره ثانيه بجول لك كيف طلعت معاي.جزاك الله خير .