كيفكم يا بنات طبعا ما في بعد المسخن التقليدي بخبز الكماج بس اله شوية عيوب وهو الزايد ما بنئدر دايما نرجع ناكله مع العلم طعمه غير عن هاي الطريقه بس الطعم قريب...
واكيد انعرضت مثل هاي الطريقه لكن لكل وحده اسلوبها وانا بقدمها بطريقتي:
طبعا هاي الطريقه حلوه للعندها عزومه وحابه تشكل بالسفره وتنوع وازا زاد منه عادي بتسخن تاني يوم بالفرن وبتاكل كانه هلاء انعمل...
http://www.alaincard.com/upload/uploading/gfhjtyy.jpg
المقادير
خبز صاج رقيق مثل الكلاج
بصل كميه كبيره
صنوبر او لوز حسب الذوق
دجاج
سماق
كمون
ملح وفلفل وبهارات لمرقة الجاج
الطريقه
قلبي البصل بكميه من الزيت على نار متوسطه حتى يذبل :
http://www.alaincard.com/upload/uploading/btryhuj.jpg
فرمي البصل وخدي شويه منه وحطيه فوق الدجاج بالطنجره مع شوية زيت زيتون وقلبيهم شوي وحطي مي عليهم وخليه ينسلق ولا تنسي تسفي زفرة اللحمه وبعدين حطي البهارات على زوئك:
http://www.alaincard.com/upload/uplo...pffkggkhng.jpg
هلاء قللي شوي من الزيت وحطي الصنوبر المقلي المحمر والكمون حتى ما تعب المعده من الزيت والبصل الكتير :
http://www.alaincard.com/upload/uploading/rgtytyjhy.jpg
قطعي الدجاج قطع صغيره وضيفيه الى باقي الخلطه وحطي السماق وملحيها للخلطه ودوئي ملحتها للتاكدي:
http://www.alaincard.com/upload/uplo...hrthythyiu.jpg
http://www.alaincard.com/upload/uplo...rrrrrrrryh.jpg
بنحتاج لخبز الصاج يلي راح نقطعه قطعه مستطيله ونحط بداخله الحشوه ونلفه زي ما بنلف الورق دوالي :
http://www.alaincard.com/upload/uplo...fffffggggg.jpg
افردي الخبز وحطي بالوسط من الحشوه وسكري الاطراف الجوانب ولفيها مثل الورق دوالي:
http://www.alaincard.com/upload/uplo...tuirturtyu.jpg
http://www.alaincard.com/upload/uploading/yuityuioo.jpg
بعد ما نلفهم ونصفهم بصينيه مدهونه زيت زيتون بندهن كل لفافه من فوء بالمرقه دهنه خفيفه وبعدين دهنة زيت زيتون وبنحطهم يتحمروا بالفرن:
http://www.alaincard.com/upload/uploading/trijuyiu.jpg
وممكن نعملهم صغار كتيير اصغر من هيك بس انا كنت مطره اعملهم شوي كبار لديق الوقت يومها عندي:
انا حطيت بين كل طبقه منهم محارم ليمتص الزيت الزائد ونقلل من نسبة الدهون نوعا ما :
http://www.alaincard.com/upload/uploading/uyirttyy.jpg
وصحتين وعافيه
