السلام عليكم ورحمة الله وبركاته

اذاسمحتوا ومن بعد اذنكم

مين تعرف السبرينغ رول المحشي شرايط جزر ويخنىوووووو مدري شو كمان


ارجوا المساعدة

وجزاكم الله خيرا

بسم الله الرحمن الرحيم
حبيبتي حشوة السبرينغ رول سهله كتير
جزر بتبشريه عالمبشره (اللي بتيجي كلها خزوق و عاده بيبشروا عليها الجبنه بالاغلب)
ملفوف و خيار و فلفل رومي وبصل أخضر وبتقدري تحطي دجاج مطبوخ و مقطع معهم كمان
ممكن تحطي ذره اذا بتحبي
طبعا كل الخضره بتبشريها بنفس الطريقه علشان تتطلع لك بشكل شرايط
بتحطي عليها صويا صوص و بتخليها تتنقع فيه تقريبا ساعتين او ثلاثه بالثلاجه
بعدين بتصفبهم بمصفايه و بتخلي تحتها صحن غميق و بترجعيها عالثلاجه طول الليل علشان تنزل كل السوائل تبعت الخضره وبنفس الوقت تكون تشربت النكهه تبعت الصويا صوص
ثاني يوم بتحشي السرينغ رول فيها (طريقه الحشي موجوده على الغلاف تبع العجينه من ورا عادة) و بتسكري طرفها بشويه ماي و طحين و بتقليها بزيت غزير و بتقدمي بجنبها صويا صوص أو سويت اند سور صوص(sweet and sour souce) و صحتين
صحيح: نسيت اقولكم..... الصوره ملطوشه..

السلام عليكم ورحمة الله وبركاته

جزاك الله عني كل الجزاء

وشكرآ حقيقي للمساعدة

لأن زوجي أكلها مرة وعجبتو كتير وطلبها وحابب أعملها وماعندي أي فكرة عنها

شكرآ الك مرة تاني

جزاك الله كل خير اختي رنا و بارك فيك

انا بالخدمه دايما عزيزاتي.. أي وقت وان شاء الله اكون افدتكم

مششششش بقولك

بدك عضضضض يللللي بااالي

عضي وخلصيني يا طيووووف

مشكورة حبيبتي....يجريها

مرحبا
وصفه حلوه
بس الاحلى فكرة نقعها في الصويا
انا اكشنها بعدين اضيف ملعقه صويا صوص
تسلم ايدينك