كتبت بواسطة هنلي

شو هذا يا سنسن ولو معلش رشه سماق عليهن علشان يطلعوا حادقين او شويه شطه علشان يطلعوا حراقين يم يم
دايما بعملها وبلفها زي طريقتك يا حلوه وبتطلع ولا اطيب بس عجينتك شكلها زاكيه رح اجربها

اهلين هنلو كيفك عزيزتي منورة والله دائما
شووفي عزيزتي انا دائما بعملهم مع نعنع السلق والسبانخ
بس مرة دقتهم عند خالتي وكانمت عاملتهم مع سماق طالعين معها بشهو
فا خالتي بس تعمل بتبعتلي

كتبت بواسطة MISS_CHEF

بسم الله الرحمن الرحيم

تسلم أيدك شكلها يشهي يم يم

كم مقدار السلق

انا حاستبدلها بالسبانخ شو رأيك

اهلين اختي مس شيف منورة يا غالية
اختي كمان ممكن تعمليهم مع سبانخ وبطلعو اطيب كمان
تسلمي على مرورك الكريم

كتبت بواسطة normina

الله يسعدك على هالفطاير الرائعة والمشهية ويعطيك ربي الف عافية ومايحرمنا من طلتك

ويعافيكي يارب اختي نومينا
اسعدني وجودك اختي

كتبت بواسطة rahme03

السلام عليكم ورحمة الله وبركاته
ممممممممممممم شكلها رهيب
واكيد الطعم لذيذ الصراحة او مرة اشوف فطائر السلق
ان شاء الله اجربها

اهلين اختي رحمة
غريبة بصراحة لانو معروفة من زمان هل الاكلة
وكمان بنتعمل بالسبانخ بطلع كتير طيبة

كتبت بواسطة هنـــد

فظييييييييييييييييعة
وعلى فكرة عجينتك نفس عجينتي تمااااااااماً لكني أضع 5 ملاعق نيدو

بس ما هو السلق ؟

اهلين هنودة
هنودة السلق تقريبا متل السبانخ بس ورقتو اعرض
تسلمي على هل الطلة

كتبت بواسطة رندوش

سنسونه شو هالابداع بارك الله فيك
اول مره اعرف ان السلق يستعمل للفطائر ومنك نستفيد
بنستخدم السلق فقظ للسماقيه وبتكون كتير طيبه ممممممممممم
ان شاء الله بجربها لان العجينه باين لذيذه

تسلمي يارب يا رندوش
بصراحة يلي مستغرب هو انا كل فكري الكل بعرفها
يلا بسطوني اني نزلت شي جديد
جربوها مع نعنع و بصل راح تلاقوها كتير طيبة
تسلملي يا رندوش على مرورك الكريم

الى اللقاء

ياربي شو بيشهووووووووووووووووووووووووووا يا سنسن.. تسلم إيديكِ على هالشغل اللذيذ .. حسيت بطعمتهم تحت سناني

يا جماعة هالسلق هو نفسه اللي بنقوله هون: endive؟؟

اهلين امونة نورتي يا غالية
انا كتير بحب هل الاكلة لو اعملها مرتين بالجمعة ما بمل
عزيزتي هون السلق اسمو aselca طبعا بالاسباني
بدها تكون قريبة على اللغة الانكليزي ما بعرف
اسعدني مرورك عزيزتي

كتبت بواسطة سنووايت

وبعد ما بنكون حضرنا كل شي بنجيب العجينية يلي كورناها وبمدها بالشوبك وبنحط السلق فيها ما تواخذوني الصورة شوي غامقة لانو ما كنت منتبهة انو الفلاش مو شاعل


وبعدين بنمسل الطرفين وبنحط وحدة فوق التانية

وبعدين ببقى الطرف التالت بنرفعو

وزبعدين بنحطهم بالصيني انا دائما بستعمل صواني تيفال يعني ما في لزوم حط زيت لحتى ما تلزق اذا في مين بستعمل صواني المينوم لازم تحطيلها شويت زيت وتمديها على كل الصينية وانا دائما بصفهم بالصينية بعكس بعضهم وقبل ما بتبلشي شغل بتشعلي الفرن لحتى يحمي

وهاي من بعد ما طلعت من الفرن

وبس يطلعو من الفرن لازم فورا تحطيهت على شبك منشان يبردو ويضلوا محصين وبالفرشة بتحطلهم زيت زيتون على الوجه منشان ما يبسوا
وهاي اخر صورة انشاءالله يكونوا عجبكم وتجربوها

بانتظار ردودكم وتعليقاتكم وكمان تجاربكم

السلام عليكم و رحمة الله و بركاته كيفك سنو وايت
يسلو ايديكي على الفطائر
طريقتك حلوة ولذيذه بس انا حابه انصحك في الخبز انك تحطي الفطيره على الوجه الثاني يعني لما تعملي المثلث تحطيه في الفرن خلي الجهه اللي فوق نازل
ما راح يطلع القرص مفتوح و كمان منظرهم بيكون احلا
و كمان ما تخلى الثنيه كثير كبيرة علشان ما يطلع خميل

انا مرة عملت الفطاير و رحت على دار اهلي و كنت عامله زيك حاطه الجهه المفتوحه لفوق و ماما ما بدها تحرجني الا و اختي كان عمرها 14 سنه قالت لي اني خابزتهم على الجهه الغلط