الحقونى بالفطاير
زوجى مهووووس فطاير واناجربت انواع كثيرة منها وماظبطت معى
اريد عجينة سهلة وخفيفة ولذيذة وشكلهاجذاب
اريد المقادير واضحةودقيقة والطريقة اوضح

اسعفونى الله يخليكم

اختى ابشرى والله بالعجينه اللى ماعاد تحتاجين غيرها .....وهي طريقه لاحدى الاخوات بعالم حواء...واظن انها الاخت شمس الله يوفقها دنيا واخرة ....وانا مثلك ما ينفع معى شى ابد بس يوم جربت الطريقه هاذى انا نفسى ما صدقت انى مسويتها ....حت انها ازين من المخابز الف مره ..ولا احد يصدق انها شغل البيت الا لما احلف لهم واسويها قدامهم ..الطريقه هى......2 كاس ماء دافى .........1كاس حليب بودره .........نصف كاس زيت ويكون نوع خفيف عشان يخلى العجين ابيض ......فنجان قهوه سكر مطحون ......2ملعقه خميره ......ملعقه صغيره ملح ......ملعقه كبيره باكم بودر 4 كاس دقيق الطريقه .......نضع الماءثم الحليب والخميره ويحرك ثم نضيف الزيت والسكر والملح ونضع فوقها 2كاس دقيق ويحرك جيدا ثم يضاف البكم بودر وباقى الدقيق وتعجنين لما تتعبين لان العجن الكثير يخلى العجينه تهبل....وسلامتكم...بس عاد ردى لى ان ظبطت معك وانشاالله انا متأكده انها تعجبك ..ونبى منك دعوه انا والاخت اللى كتبتها شمس

الى الاخت leeman 2000 اشكرك جزيل الشكر على الطريقة الحلوه للفطاير انت والاخت شمس صراحة بغينا نأكل اصابيعنامعاها حتى انا اكلناها من الصينية ما انتظرنا نحطها على السفرة ولو انهامتعبة في عجانها ومقدارها كبير ما يناسب عايلتي الصغيرة انا وزوجي والصغيرة فطوم لذلك وزعنا منها على الجيران والا لا يحرمنا من امثالكم الطيبين وعندي ملاحظه صغيرة تتعتقدين لو عجنت نصف المقدار تضبط والا لا
تحياتي لك

الف الف مبروك اختى والله العالم وش كثر فرحتينى .شوفى العجينه اللى تبقى وزعيها بااكياس وضعيها بالفريزر واللى تحتاجينه طلعيه بدرى ...وصدقينى انا مجربتها ..وتطلع ازين بعد ...ووالله ما جربت انى اقسمها بس افضل ماتقسمينها مادام ظبطت معاكى :p ......لا وعندى الدقيق اللى استخدمه اكثر من ممتاز يخلى العجينه نافشه وطريه :rolleyes: :eek: بس عاد مانى قايلتلك :confused: .. لا والله امزح وابى والله تفرحين وتتباهين بفطايرك قدام الناس ....عسى بس مو هو اللى تستخدمينه..:D :D الدقيق هو ذاتى التخميرواسمه بست كريست ولون الكيس وردى باابيض صناعه سعوديه اذا انتى من الرياض تلاقينه عند بنده والشثرى...واى عجين تستخدمينه فيه راح تشوفين الفرق وتدعين لى كل ما دخلتى المطبخ:p :p وعندى طريقة جبنيه وسويتها بالدقيق هاذا ووالله اكثر من روعه..بس وش تعطينى:confused: طولت عليك واتذكرت عندى طريقة فطاير سهله مررررررره تسويها اختى دائما ومره ممتازه والكميه قليله بس ماراح اقول تعبت :eek: :eek:

الى الاخت leeman حقيقة شوقتينى الى طريقة الجبنية وبعد طريقة الفطاير واطلب
منك مشكورة ترسليها الى بسرعة
وبالنسبة الى الدقيق انا استخدم دقيق المطاحن الكويتية ويطلع معى روعة وابيض بس راح اجرب
الدقيق الى قلتى علية
تعرفى يااختى انى جلست من النوم ويدى تالمنى من كثر العجان فى العجينة
لكن التعب يهون طالما عرفت طريقة الفطاير الرررررررروووووعععععععة وطالماانى سحرت زوجى بطعمها

واستنى تتحفينى باكلاتك الروعة:::

هلا بااختى الفارسه...والله ماادرى ليش انا متحمسه معك كذا وودى اساعدك لانى كنت مثلك ما يصلح معى شى ولما جربت عجينة شمس فرحت وابى كل وحده تعرفها .. شوفى طريقة العجينه الثانيه هى........ 2كوب دقيق 1كوب لبن وهو اللبن اللى بكراتين نادك او اى نوع 1بيالة شاى زيت فنجان قهوه سكر ملعقه كبيره خميره ذرة ملح ملعقه ك باكمبودر تعجن وتخمر والباقى تعرفينه بس انصحك اتجربين الدقيق لان الجبنيه ماتصلح الا فيه حسب تجربتى.....وعندى بعد دونات لو تجربينها ..ماعاد تبين غيرها وافضل من دونات السوق الف مره حسب شهادة اللى شافوها ..

هلا بااختى الفارسه...والله ماادرى ليش انا متحمسه معك كذا وودى اساعدك لانى كنت مثلك ما يصلح معى شى ولما جربت عجينة شمس فرحت وابى كل وحده تعرفها .. شوفى طريقة العجينه الثانيه هى........ 2كوب دقيق 1كوب لبن وهو اللبن اللى بكراتين نادك او اى نوع 1بيالة شاى زيت فنجان قهوه سكر ملعقه كبيره خميره ذرة ملح ملعقه ك باكمبودر تعجن وتخمر والباقى تعرفينه بس انصحك اتجربين الدقيق لان الجبنيه ماتصلح الا فيه حسب تجربتى.....وعندى بعد دونات لو تجربينها ..ماعاد تبين غيرها وافضل من دونات السوق الف مره حسب شهادة اللى شافوها ..

طريقة الجبنيه... 1كوب دقيق +بيضه + ملعقه ص خميره +ملعقه زيت +علبة جبنه البقرات الثلاثه صغيره تعجن وتخمر وعند الفرد تلزق شوى عادى بس لا تجربينها الا بدقيق الذاتى التخمير اللى قلت لك ... واهم شى التشكيل شوفى اذا فردتيها قصيها ذى الشرايط تقريبا طول شبر وعرض3سم وبعدين ابرميها ولفيها على شكل قوقعه وثبتى الطرف زين وخليها نصف ساعه بعدين اقليها وهاذى الطريقه للاخت سفانه بعالم حواء ايضا

طريقة الدونات من عالم حواء ايضا وهى دونات مثل بيت الدونات ووالله اللى كتبتها تستاهل كل خير بس للاسف مااذكر الاسم المقادير....3كوب دقيقالذاتى التخمير لازم +2بيضه +2ملعقه حليب بودره +2ملعقة كريم كرامل بودره +2فنجان قهوه سكر +نصف بيالة شاى زيت +ثلاثة ارباع كوب ماء +كاس جبنه صغير سايله +ملعقه ك خميره +ملعقه ص باكم بودر + الطريقه تخلط المقادير السايله ماعدا الزيت ثم تضاف للدقيق وتتعجن ثم الزيت ويعجن جيدا شوفى انا طريقتى بالتشكيل تعطيها شكل جميل وغريب وتغيير عن الألوف ....اذا فردتيها اقطعيها بكوب الجبنه الصغير ثم ابرميها بيدك لما تصير طولها شبر ولفيها بشكل حلزونى واتركيها ساعه افضل قبل القلى واذا قليتيها رشيها بلسكر الناعم وسوف يدهشك منظرها كانها فطاير فرنسيه اللى بالمخابز ولاتنسين الدقيق ترانى مجربتها بالدقيق العادى بس فرقت معى كثير واسال مجرب وترا عاد اتعبتينى ودعواتك للاخوات اللى ذكرتهم ولاتنسين لمويه

يامرحبا بالاخت leeman
في البداية راح اقول لك ادا تعبتك بطلباتى لا تعقبين على رسالتى
واقول لك شكرا على هالطبخات الرائعة اللى اتحفتينى فيها وان شاء الله راح اجربها وابعث لك بشكرى قريبا
مع خالص تحياتى