السلام عليكم ورحمة الله وبركاته
بسم الله الرحمن الرحيم
مساء الخير يابنات وصبايا انشاء الله كل سنة وانتو بالف خير يارب
ينعاد عليكم بالصحة والخير يارب
اول مبارح سويت صفائح باللحمة وجربت عجينة جديدة بدل ما عملت كيلو عملت
بس كبايتين بس الي وابني طلعوا معي 13 وحدة بس طلعوا بشهوا يلا نبدأ :

بسم الله الرحمن الرحيم

مقادير العجينة :

كبايتين طحين
كباية ماء (وممكن حليب بس انا عجنت مع ماء اذا بتعجينيها مع حليب بطلع اطيب لانو بتكون دسمة )
ملعقة خميرة عادية
رشة ملح ورشة سكر وحطيت ملعقتين عاديين من حليب البودرة
الطريقة عجنتهم كلون مع بعض
بالول حطيت المي وبعدين السكر والملح والخميرة والحليب حركتهم مع بعض وبلشت ضيف الطيحن شوي شوي وبس خلصت الطحين بلشت حط زيت لحتى بطلت تلزق على ايدي وغطيتها بقعطة من القماش وترمتها ساعة وهاي الصورة

وهاي العجينة من بعد ما رفخت

الحشوة

لحمة مفرومة خشنة
بصلة كبيرة
بندورة 3 حبات
ملح
رشة كلا من سبع بهارات قرفة كمون
زيت

بتحطي بصحن اللحمة وبتقطعي البصل مربعات صغيرة والبندورة كمان مربعات صغيرة وبتحطي فوقها الملح البهارات كلها مع الملح

وبعدين بتحركيه منيح لحتى يختلطوا

بهل الوقت بتكون العجينة رفخت بنقطعها على شكل دوائر صغيرة هاي الخطوة ما صورتها نسيت
المهم بتبلشي بالاول وحدة ووبدميدها بايديكي لحتى تصير على شكل دائرة انا دائما بمدها مع زيت لانو بطلع مقرمشة العجينة وبتحطيها بالصينية هيك بتعملي جوانب العجينية لحتى ما ينزل ماء من اللحمة وتحترق بالصينية

وبعدين بتحطي عليها اللحمة هيك

وقت بتكوني عم تبلشي شغل بالعجينة بتكوني حميت الفرن على 500 بتحمي 10 دقائق قبل ما دخلي الصينية
منشان العجينة ما تقدقد وبس يحمى بتحطي العجينة على الشبكة باسفل الفرن بتحمريها من تحت بالاول وبعدين شوي من فوق وبتشيليها وبتحطيها على شبك لحتى تبرد منشان ما تعجن
انا بحطلها شوية كاتشب بطلع بتجنن
وهاي اخر صورة

انشاء الله تكون واضحة الطريقة ويكون عجبكم
وصحتين وهنا على قلبكم يارب

سنووايت ..

متألقة كما عودتينا

تسلمي يارب ..

وقريب بجربها بحول الله وقوته

وعليكم السلام ورحمة الله وبركاته

صباح الخير والسرور وكل سنه وانت طيبه
وعليك يارب

تسلملنا هالأيادي مشرفتنا العزيزه

"الله يعطيك ألف عافيه ويبارك فيك"

"ويجعله في موازين حسناتك"
"اللهم آمين"

بسم الله الرحمن الرحيم
السلام عليكم ورحمة الله وبركاته
تسلم ايدك يا احلى سنووايت
بس عندي سؤال لو تسمحيلي
انت ما بتقلي الحشوة (يعني اللحم والبصل والبندورة)؟
ردي علي بسرعة
و ان شاء الله صحة وعافية
وكل عام وانت وعائلتك بالف خير
وان شاء الله ينعاد عليكم

سنو وايت .. لك تسلم هالديات يارب
ريته مجاري الهنا والعافية

نفس طريقتي بس انا باضيف ملعقتين لبن وملعقة طيحينة
او ملعقة دبس رمان وشوية صنوبر

خلاص راح اعمل طريقتك بهاليومين ان شاء الله تعالى
وعلى فكرة انا باقرص الاطراف شوية علشان تعطي منظر زخرفة...

ممممممممممممممم شهيتيني يا سنسن
شكلها بسيل اللعاب

بجد انك

جد رائعه وبسل لها اللعاب
يسلمو ايديك رووووووووووووووعه روعه حاجه فننننننننننننننننننننننننننننننه

كتبت بواسطة هيدبون

سنووايت ..

متألقة كما عودتينا

تسلمي يارب ..

وقريب بجربها بحول الله وقوته

الله يسلمك يارب عزيزتي
تسلمي على ردكح اللطيف
وكل عام وانتي بالف خير

يه، أنا كيف نسيت أعمل صفيحة؟ ولا خاطرة ببالي الفكرة.. الله يرضى عليكِ سنسونة، رح أعملها إن شاء الله بعد كم يوم على العزومة الجاية بعجينتك

كتبت بواسطة الاصــيل

وعليكم السلام ورحمة الله وبركاته

صباح الخير والسرور وكل سنه وانت طيبه
وعليك يارب

تسلملنا هالأيادي مشرفتنا العزيزه

"الله يعطيك ألف عافيه ويبارك فيك"

"ويجعله في موازين حسناتك"
"اللهم آمين"

يا صباح النور اختي الاصيل
ويعافيكي يارب اختي تسلمي اسعدني مرورك