بسم الله الرحمن الرحيم
السلام عليكم و رحمة الله و بركاته،،،،،،،،،
النهاردة هاعمل لكم بانكيك مخصووووووووص للأطفال عشان الامتحانات لأنهم بيحبوه جدا و في نفس الوقت هو لذيذ جدا و مغذي و قيمته الغذائية عالية...................
يا رب يعجبكم
المقادير:
كوب و نص دقيق، ذرة ملح
2 معلقة بقدونس مفري
3 بيضات
معلقة سمنة
حليب حسب الحاجة
للحشو:
نص كيلو مشروم مقطع مكعبات
حليب
ملح،فلفل،عصير ليمون
لحم معصج
مقادير الصلصة:
معلقة و نص سمنة
معلقة و نص دقيق
كوب و نص حليب
معلقة ونص جبنة شيدر مبشورة
صفار بيضة
جوزة الطيب،ملح،فلفل
الطريقة:
ننخل الدقيق مع الملح و نضيف البقدونس و نضرب البيض مع ثلثين كوب حليب و نضيفه بالتدريج للدقيق حتى نحصل على عجينة شبه سائلة ممكن نضيف حليب زيادة و بعدين نضيف عليها معلقة السمنة السايحة و نركن العجينة حوالي نص ساعة
نصب قليل من الزيت في الطاسة و نصب قليل من العجينة بفنجان و نفردها لحد ما تغطي الطاسة و أول ما تتماسك نقلبها على الجنب الثاني لحد ما تبقى ذهبية،،،و هكذا لحد ما يخلص العجين
نحط المشروم في قليل من الحليب على النارو نضيف له عصير الليمون و ملح و فلفل لحد ما يتشرب الحليب ثم نضيف له اللحمة المعصجة و نقلب كويس و نتبل بالملح و الفلفل
نحشي البانكيك بالخليط السابق و نلفه على شكل اسطوانة و نرصه في الصينية
نجهز الصلصة : نسيح السمنة على النار و نضيف الدقيق و نقلبه كويس و بعدين نضيف الحليب ونقلب كويس لحد ما تتماسك و بعدين نرفعها من على النار و نضيف الجبنة المبشورة و جوزة الطيب و صفار البيضة و نقلب بسرعة و نتبلها بالملح و الفلفل و بعدين نصب الصلصة على صينية البانكيك و ندخلها الفرن حوالي 20 دقيقة و بعدين نقدمها ساخنة مع سلطة خضراء.........
و بالهنا و الشفا
رد مع الاستدلال
فعلا البنكيك و الكانيلوني و كمان الكريب ولاد عم و بيشبهوا لبعض كتير،،،، بس جربي الوصفة دي صدقيني مش هتندمي و هتعجبك كتير........
الروابط المفضلة