انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 19 1234511 ... الأخيرالأخير
عرض النتائج 1 الى 10 من 184

مناقيش من غير فرن .. بل على سطح الغاز !!

(المعجنات والسندويشات والفطائر والخبز - منتديات لكِ النسائية - الأرشيف)
...
  1. #1
    إيمان علي's صورة
    إيمان علي غير متواجد لجنة جوال لكِ "كبار الشخصيات"
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة

    مناقيش من غير فرن .. بل على سطح الغاز !!

    بسم الله الرحمن الرحيم


    السلام عليكم ورحمة الله وبركاته


    حكايتي يا أخوات مع فرني الكهربائي، واشتكيت منه مراراً، فرني جديد لكنه هاوي تنشيف للمناقيش، بنتي نفسها بالمناقيش.. لكن كيف؟ كل مرة بتطلع يا سلااااااااااام.. بتشهي.. لكن... بتصير خبز محمص بعد دقائق..!

    شو عملت؟؟ لجأت لماميتي

    ماما اخترعت طريقة حلوة.. مثل ما الأخوات هنا بيعملوا خبز على النار من فوق.. ماما بتعمل مناقيش من فوق.. وقالت لي الطريقة شفهي، وأنا وتجربتي عاد.. المهم اليوم لأول مرة بجرب.. شوفوا كيف:


    اعجني عجينتك المفضلة للمناقيش.. أنا كل مرة بعجن بطريقة شكل.. اليوم عجينتي من المنتدى، لكن كتبتها من زمان على ورقة ووجدتها اليوم وعملتها وطلعت رائعة.. نسيت لمين الطريقة لأني نسيت كتابة الإسم لما نقلتها..

    العجينة كانت كوبين دقيق، ربع كوب زيت، ملعقة كبيرة خميرة، ملعقة صغيرة سكر ونصف ملعقة صغيرة ملح، وكوب دافئ ماء وخمس ملاعق حليب بودرة.. عملت عيارين من هذه الكمية.

    عجنتهم كلهم حتى صارت عجينة مثل الفل، تركتها ساعة ونصف تتخمر..


    الصور رح تشوفوها اصبروا بس على رزقكم

    ^ قطعت العجينة كور
    ^ وفردتهم بالشوبك أرغفة مدورة مسطحة وحطيتهم فوق بعضهم بس بينهم مناديل ورقية مرشوشة بالدقيق، هذه تعلمتها من ديــــم الله يجزيها الخير
    ^ سخنت المقلاة السميكة المربعة على نار عالية حتى صارت سخنة على الآخير، هذه نفس المقلاة اللي بعمل فيها بانكيك
    ^ وضعت الرغيف على النار الساخنة
    ^ مجرد ما يصفر لون الرغيف قلبته وتركته يستوي من الجهة الثانية تماماً، وجبت خليط الزيت والزعتر وفردته بالملعقة وكنت أضغط وأنا بفرد حتى الفقاقيع تنزل
    ^ وشوي نضج تماماً وصار مناقيش عن جد، حتى بنتي المسكينة تنبسط، نفسها فيه وما قادرة أعمله.. عجبها كثير كثير كثير





    ملاحظة: فرني ممتاز بالخبز وباقي المعجنات، المشكلة بس بالمناقيش!!!

    المهم، قلت خليني أضرب عصفورين بحجر..
    خليني أجرب الخبز بالمرة، مثل ما علمتنا ديم، ومثل ما أمي بتعمل أحياناً..
    وفعلاً طلع كثير لذيذ الخبز، بينتفخ لكن مش مثل الصور اللي شفتها بالمنتدى، بيطلع شبه الخبز الهندي، لكن بينتفخ من بعض الجهات..
    وبما أني عملت كم منقوشة، قلت أجرب الخبز، وجربت.. أكلوه بناتي وهو سخن بيغلي

    ^ ضعي الرغيف من فوق على نفس المقلاة
    ^ اضغطي الحواف على داير الرغيف حتى تسدي أي فتحات تسمح بتسرب البخار
    ^ بسد الفتحات رح ينتفخ الرغيف مثل الصورة
    ^ أنا بعدين تعبت، فوضعت ثلاثة أرغفة بالفرن على أعلى حرارة حتى أتأكد أنه فرني قابل لعمل الخبز!!!
    واتضح أنه قابل لهذا



    ملاحظة كمان: المناقيش منهم طلعوا مدورين ومنهم طلعوا معوجين.. يعني طنشوا
    وعملت أحجام مختلفة حسب حجم كل ولد عندي
    وبهذا تنتهي رحلتها مع: المناقيش وفرني



    ملاحظة: بعد الانتهاء من القراءة، اقرأي الرد 47 لأني أضفت نقطة هامة من ماميتي



  2. #2
    sima's صورة
    sima غير متواجد " الطباخة الماهرة" كبار الشخصيات
    تاريخ التسجيل
    Sep 2001
    الموقع
    CANADA
    الردود
    1,489
    الجنس
    امرأة

    امون شو بدي احكي ما شاء الله روعة
    شكلهم بفتحوا النفس عن جد رائعة
    شهتيني وراح اجرب الطريقة في الويك اند ....مش معقول ما شاء الله شو شكلهم لذيذ ...وكمان الخبز صراحة ولا احسن مخبز ..ما شاء الله
    تسلم يديك يا رب
    ويعطيك الف عافية وصحة وعافية على قلب إبنتك ..فعلا مثل ما بحكوا الحاجة ام الاختراع ..ولا كمان احلى اختراع


  3. #3
    الجمان's صورة
    الجمان غير متواجد كبار الشخصيات "درة التحفيظ 2"
    تاريخ التسجيل
    Dec 2000
    الردود
    9,839
    الجنس
    أنثى
    مبروك النجاح والتغلب على مشكلة المناقيش
    والصور تششششهي






    اللهم اجعل لي من كل همٍ فرجاً
    ومن كل ضيق مخرجاً
    وارزقني من حيث لاأحتسب


  4. #4
    البيلسان's صورة
    البيلسان غير متواجد النجم البرونزي
    تاريخ التسجيل
    Jul 2005
    الموقع
    بارض الله
    الردود
    533
    الجنس
    امرأة

    مشكورة على الموضوع

  5. #5
    أم أيموني's صورة
    أم أيموني غير متواجد كبار الشخصيات "نبض وعطاء"
    تاريخ التسجيل
    Sep 2004
    الموقع
    في عالم لكِ...
    الردود
    5,106
    الجنس
    امرأة
    إن شاء الله بيعيشو هالديات ياإيمان على هالمناقيش اللي بتشهي .. والله إنو شكلها روعة .. تعيشي وتخترعي للولادك وللمنتدى بس سؤال .. لما ببلش أعملهم على النار بشيل وحدة وحدة من بين طبقات الورق ؟؟ وتسلمي ويعطيك مليون عافية ..











  6. #6
    هالة البدر غير متواجد النجم الفضي
    تاريخ التسجيل
    Feb 2005
    الموقع
    عمان - الأردن
    الردود
    2,125
    الجنس
    أنثى
    بسم الله الرحمن الرحيم ،،

    الله عليكي يا أمونة شكلهم بيشهو الله يسلم دياتك ويخليلك الماما يا رب.

  7. #7
    وعود الخير's صورة
    وعود الخير غير متواجد رئيسة أركان الأطباق
    تاريخ التسجيل
    Nov 2003
    الموقع
    في مكان ما...على سطح كوكب
    الردود
    51,980
    الجنس
    امرأة
    التدوينات
    184
    التكريم
    • (القاب)
      • صاحبة همسة متميزة
      • ضياء الفيض
      • درة صيفنا إبداع 1432هـ
      • متألقة صيفنا إبداع 1431 هـ
      • نبض وعطاء
      • درة مطبخ لك
      • ناصحة متألقة
    (أوسمة)
    شميت ريحة المناقيش جيت ركض.....
    لحظة آخذ نفسي.............
    آه ياني .. تعبت خلاص .. ريحة المناقيش قضت علي
    مبروك امونة وربي يطعمك من زيادة كبد الحوت.. قولي آمين
    يعني بنوتك في منتهى السعادة....
    بتعرفي انا غرت وصار لازم اعمل مناقيش بس راح اخليها لبكرة علشان انا اليوم .. اكزوستد.

    بالإنتظـــــــــار



  8. #8
    إيمان علي's صورة
    إيمان علي غير متواجد لجنة جوال لكِ "كبار الشخصيات"
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة
    يا هلا بسيما.. الله يسلمك ويعافيكِ يا رب.. كيف لو شفتيهم وهم مدورين مثل المرسومين رسم.. بس هذا شغل العجلة معلش



    تسلمي يا جمان



    العفو بيلسان



    الله يسلمك يا أم أيمن
    لما بدك تشيلي العجين، بتحملي كل ورقة ورح تنشال بسهولة لأن تحت العجين طحين وفوق العجين طحين.. لما تحملي الورقة، ضعي كفك تحتها حتى تحملي العجينة واقلبيها على المقلاة.. يعني مثل خبز الصاج تماماً



    الله يسلمك يا هالة.. آمين



    تحبي أقولك شيء يا وعود؟ والله بعدني ما ذقتهم.. كنت متغدية وما قدرت أذوق غير لقمة خبز وشو كانت طيبة..!
    وأنا بنتي جنى كثير بتعرف بطعم الأكل، فكانت هي التستر تبعي وقالت يميييييييي شو طيبين.. هلأ بذوق واحدة على الفطور إن شاء الله
    وتسلمي على الدعوة الحلوة.
    يالله ورينا الشغل، بعرف رح يطلع شغلك ما شاء الله مثل كأنه قاعدين بمخبز غير شكل


  9. #9
    neeevy غير متواجد عضو نشيط
    تاريخ التسجيل
    Feb 2005
    الموقع
    القاهرة
    الردود
    436
    الجنس
    أنثى
    تسلم ايديكي شكلهم لذيذ وأسرع من الفرن
    س عندي سؤال امتى حطيتي الزعتر؟

  10. #10
    إيمان علي's صورة
    إيمان علي غير متواجد لجنة جوال لكِ "كبار الشخصيات"
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة
    الله يسلمك يا نيفي
    هو أسرع من الفرن، وما في داعي تعملي كمية كبيرة، ممكن تكبري الرغيف وتعملي لكل واحد منقوشة على السريع على الفطور.. وأحلى شيء لما يكون عندك بالبراد دائماً العجين جاهز، طلعيه قبل بنصف ساعة حتى يرخي وافردي وانقشي

    خليط الزيت والزعتر حطيته بعد ما قلبت العجينة أول مرة..
    يعني حطيت العجينة فقط حتى نشفت شوي، يعني بقيت صفراء اللون.
    قلبتها وحطيت الزعتر وطبعاً بدأت من تحت تنخبز ومن فوق تجف أكثر والزيت يسخن والريحة يا سلاااااااااااام


مواضيع مشابهه

  1. مناقيش !!!!!!!!!!
    بواسطة مودع الحب في المعجنات والسندويشات والفطائر والخبز
    الردود: 6
    اخر موضوع: 26-11-2007, 12:11 AM
  2. مناقيش مكس ..جبن بالزعتر
    بواسطة وردة الفل في المعجنات والسندويشات والفطائر والخبز
    الردود: 4
    اخر موضوع: 01-03-2005, 11:58 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96