بسم الله الرحمن الرحيم


السلام عليكم ورحمة الله وبركاته


الصراااحه ماني عارفه كيف اشكرك على هالفطاير ال............... الصرااااحه يعجز الوصف على تسميتها يكفي

وبكل صراحه انا مثل فطاير المخابز وبعد ماادري هل هذا الوصف يكفي او لا طراوه ولا في الحلم اني اسويها

وريحت الخميره اللي قبل كانت مو طبيعيه في هذي الفطاير كان الخميره لم تكن موجوووده اساسا والله ان زوجي

انجن لما ذاااقها وقال انتي فنانه ياام فهد والفضل كله يرجع لك وانصح الكل ان يجربها وتراني سويت الكميه اللي

قلتيلي عنها وفعلا مثل ما قلتي ماراح اندم لما سويت هالفطاير اللي مثل الحلم لما ذقتهم

والفضل كله يرجع لله ثمن للاخت الغاليه A&A

عندي سؤال اذا ممكن ........شنو جنسيتك؟ وليش انتي في كندا؟ وشنو رايك في كندا والله نفسي اشوفها؟



على العموم تحياتي الخاصه لك

هلا وغلا فيك ام فهد

لولولولولولولولولولولولولولولولولولولولولييييييييي يييي

والله مرررررررررررررررررررررررررره فرحتيني بتجربتك

انا قرأت ردك في الموضوع اللي كنتي طالبه الطريقه ...ويوم شفتك مامدحتيها مره قلت يمكن ماكانت لهالدرجه
اثاريك منزله موضوع منفرد بالشكر ....الله يسعدك ...زين اني دخلت اليوم ركن المعجنات والا كان مادريت

الحمدلله كانت النتيجه عندك زي وحده من صديقاتي ...عطيتها الطريقه ...تقول بعد ماخلصت ماصدقت انه انا اللي سويتها ...احس اني ملكه وانا ماحد قدي...وزوجها بعد ماصدق انها مسويتها ...من كثر ماكانت متعقده

بالعافيه على قلوبكم ...وإن شاء الله كل مره تزبط معاك...والنتايج تخليك تسوينها دايم وانتي مرتاحه ومطمنه انها بتزبط إن شاء الله

انا سعوديه ...من الرياض ...انا في كندا عشان زوجي مبتعث ...والحمدلله خلص وراجعين بعد 43 يوم إن شاء الله....رجعه نهائيه

بالنسبه لكندا ...طبعا جميله من حيث الطبيعه ...وفيها الماء والخضره والوجه الحسن ...لكن المشكله ان مدة جمال الطبيعه ماتكون الا كم شهر وبعدها يجيك الشتاء والاكتئاب ...لان الشتاء هنا 8 شهور ...ودرجة الحراره تكون توصل إلى -40 بالساهل....يعني الثلج حلو بس تملين منه لانه يطول...والشئ الثاني الي يجيب الملل ...ان الساعه 4 تغرب الشمس يعني طول اليوم ظلام ...وتحسين بالنوم من المغرب

لكن في المقابل بالصيف تغرب الساعه 9 ...واولادي مايرضون يدخلون ينامون يقولون لسا نهار

يالله اعطيتك نبذه مختصره عن الحياه هنا...هي بصراحه جميله ...لكن سبحان الله الانسان يحب بلده ويحب الاستقرار

ام عبد الله يالقمر

الحمد لله على السلامة

راجعة للسعودية اخيراً

اي والله مهما الواحد راح ورجع في غير بلاده ما يرتاح

اتصدقين انا الأول لما كنت مراهقة

كنت اتمنى اني اتزوج واحد مغترب او عنده بعثة .. هباااااااااااالة

لكن لما تزوجت

بين بيتي وبيت اهلي ربع ساعة

لكن مو في نفس المنطقة وانا احس نفسي غير شكل ودي لو آخذ بيت جنب بيت اهلي

بالرغم اني مو من النوع اللي اطلع يعني حتى لو كنت جنبهم ما رح اروح الا ليلة الخميس ليلة تجمعنا .

لكن اكيد رح يكون غير .

الله يجيبج لأهلك ومن تحبين بالسلامة .


سمو الأميرة
------------

تذكرين سمج الميد

كانت هي اول مشاركات لي في المنتدى .

شخبارج معاه اجدتيه والا بعد .

كنت كاتبه تفاصيل بس ابد بعدها ماشفتج

هني وعافية على قلبج الفطاير .

انا رايحة اشوف الموضوع .

لله يسلمك حبيبتي احاسيس

سبحان الله كنا نقول 6 سنين كيف بتمر ...والحين هانت وباقي ست اسابيع والله يعديها على خير

تصدقين من كثر ماني فرحانه حاسه ان فيه شئ بيحصل وما بتكتمل فرحتي ...من غير شر

يالله عما قريب إن شاء الله يصير هالكلام ماضي ونقول الحمدلله عدت الايام على خير

جزاك الله خيرا

ام عبدالله


صلي على النبي

مافيه الا الخير

لاتخلي الهواجس تلعب براسك

خلال هالفترة ست سنوات كنتوا تنزلوا بالصيف لو لا ؟؟


ترجعون بالسلامة

اكييييييييييييييييييييد يا احاسيس

كل تسعه شهور مسموح لنا بزياره

لكن مو اقل...او ممكن اقل بس يكون على حسابنا مو حساب الملحقيه

بس والله اذا الواحد جرب الطريق ...بيقول لو اقعد سنتين احسن ...وبعد مايمر شهرين اربعه بالكثير ...تقولين لو اقعد اسبوع بالطريق حلال في بوسه على جبين امي...والله يسهلها

الطريق من هنا الى لندن او باريس سبع ساعات وبعدين انتظار (هذا اكره شئ) ممكن يمتد من 3 الى 10 ساعات ...وانتي ملطوعه بالمطار لا تقدرين تنامين ولا ترتاحين وبس تطردين ورا العيال
وبعدين سبع ساعات الى السعوديه(هذا اذا ماكانت بتمر بمدينه ثانيه وانتظار ساعه اضافيه)
هذا إذا ماصار فيه خلل بالطياره ...وخلوك تباتين يوم كامل...وتتهجولين في المطارات وحالتك حاله
هذا غير تضيييييييع الشنط (مالومها من كثر ماتدور بهالمطارات) وتوصلين لاهلك ماعندك الا غياار لك ولعيالك ...واقعدي من 3ايام الى عشره وانتي تنتظرين عفشك...مايمديه يوصل الا وانتي راجعه مره ثانيه

هذا غير اذا المستشفى ماتنازل عن زوجك اكثر من ثلاثه اسابيع ...وش تسوين فيها ونصها بالطريق ونصها نوم الين يتعدل راسك مع شقلبة النوم

ومانقول غير الحمدلله هااااااانت

اعذروني اعطيتكم قصة حياتي مع المطارات ..لكن هذا فيض من غيض

بسم الله

اخواتي اذا ممكن تعطونا طريقه العجينه المذكورة ؟

خواتي تراني انتظركم تخلصون مناقشاتكم وتحطون لنا الرابط او الطريقة لأني دورتها ما لقيتها .....واكيد فيه من بيجي بعدي وبيطلب الطريقة

الله يهنيك اختي على الرجوع عقبالنا هذي لاست يير

بس يالله وينه الطريقة توهتينا بالمطارات ههههههههه