السلام عليكم ورحمة الله وبركاته.


يا بنات يا حلوات القصة وما فيها أنه عندي فرن كهربائي.

بحب المعجنات وكلها بتنجح 100% معي، ما عدا المناقيش، عجينتي بتكون رائعة والحرارة عالية والتوقيت صح.. ومع هذا بتطلع المناقيش ناشفة وأول ما تبرد بتصير يابسة.. طعمتها رائعة، لأنه الزعتر أصلي معمول باليد، وكله بيضيع على الفاضي

ليـــــــــــــــــــــــــــــــــــــــــــش؟؟؟؟ ؟؟!!!!!!!!!!!!

انا عندي فرن كهربا من فوق وتحت اول ما تزوجت كنت اسوي الاشياء وتطلع ناشفه
هي مشكله الكهربا هيك بتمتص او بتنشف السوائل في الاشياء المطبوخه
بس مثلا المناقيش بستخدم عجينه ران وبحشيهن وبحط الصينيه في النص على حراره 250 بخليهم 7-10 دقائق من تحت بعديا بحمر الوجه بقربها شويه على النار بخليهم بس يتلونوا بس ما يتحمروا كثير كثير ولما يطلعوا وهن سخنين بدهنهم بزيت الزيتون او زيت عادي وبغطيهم ومافي احلى من هيك

جربي تعمليها على تاوة فوق الفرن وبعد ماتتحمر من اسفل دخليها الفرن وحمريها من اعلى فقط .

اختي ايمان جربي مثل ما قالت الاخت اسيرة الغربه

لان المناقيش ولا الذ منها في طنجرة الخبيز او الكهرباء
بتكون طريه حتى لو ما اضفتي غير الماء والخميره للطحين
هيك انا بعمل المناقيش بدون اي اضافات وبيكونو ولا الذ من هيك

امونه انا كمان فرني كهربائي بس دائما بتنجح معي الحمدلله لاني بحطها من تحت و ما بتاخذ وقت و برفعها فوق يا دوب لحظه

و كمان عكلتها كذا كره بطريقه اسيره و طلعت جنان

بس

بس


انا الان عندي فرن بالفحم و دائما بعمل على الفطور و يا سلام مع كاسه الشاي

و انا مع اسيرة يعني كنت بدي ارد ردها..انا بعمل خبز عربي عالمقلاية على عين الغاز و بعدين بحط الزيت و الزعتر عالخبزة و بالفرن تحميرة خميرة..وااو لسه عاملاها يوم السبت بتشهيييييييييييييييي و على قولة لنلون مع كاسة شاي..يمييييييييييي..و شوية خيار و بندورة On the siideامممممممممممممم اشتهيت المنقوشات
جربيها كتير طيبة
http://www.lakii.com/vb/showthread.php?t=110702
لنلون كيييييفييييك..

بليز بعتيلي شوية مناقيش طالعين من فرنك...

الله يبارك فيكن أخواتي، واحدة واحدة
سأجرب إن شاء الله طريقة عملها من فوق على سطح الغاز، وبعدين أحمر وجهها بالفرن..

يا غلبي ياني!

بس على فكرة، كل المعجنات الثانية ما مشكلة فيها.. بعمل الصفيحة، السبانخ، ومعجنات أخرى مغلقة، خبز عربي كم مرة.. كله ممتاز، إلا المناااااااااقيييييييييييش.. ويا حرام بنتي كان نفسها فيها... أكلت واحدة سخنة كانت بعدها طرية، والباقي برد صار يابس، كله راح على سلة النفايات يا حرام

اختي ايمان ماما كان كمان تستعمل فرن كهربائي
هي كانت تسمكهم شوي ويطلعوا معها بجنن
وكمان طريقة الاخت اسيرة الغربة كتير منيحة
تحياتي الك سنووايت

ايمان كان نفسي افيدك

بس بصراحه مش عارفه لانه فرنا غاز عادي

بس بتعرفي في شي غريب
انا بحب المناقيش تكون يااااااااااااابسه ومقرمشه

من نجيبها من برا بخليها يومين برا الكيس لتنشف بعدين باكلها

قولي لبنتك تبدل

المرة الجاي بدي أسمكهم أكثر إن شاء الله... والله ماما بتعمل معجنات بتطلع مثل الهليون، والطعمة شيء مثل الخياااااااااااااااااااااااال