ما قلتلكم انا والخميرة والزمن طويل
اخواتي الغاليات الحمد لله عجائن الخميرة صارت تنجح معاي واليوم جربت عجينة جديدة
تنفع لاي نوع من الفطاير انا عملت فيها بيتزا وطلعت ممتااااااااااااازة وخفيفة وطرية بالمرة الحمد لله
وزي ما وعدتكم اني اكتبلكم أي وصفة جديدة اجربها ..
كنت بدي احط الصورة بس يادوب طلعت قبل الفطور بي خمس دقايق وما كان في وقت تتصور قبل ما تتاكل بس ناوية اعمل الصينية التانية على السحور ان شاء الله اصورلكم هي ..اصل المقدار بيعمل صينيتين مقاس 30 *24 تقريبا ..
يالا ما اطول عليكم ...
المقادير :
3 كاسات دقيق
1وربع كاسة موية فاتر
ملعقة كبيرة خميرة
3 ملاعق كبيرة حليب بودرة
ربع كاسة زيت
ذرة ملح
ملعقة صغيرة سكر
الطريقة :
حطي كل المقادير في زبدية كبيرة واعجني بايديك كتيييييييييييييييييييييييييييييييييير وهاد اشي مهم جدا
العجينة بالاول بتلصق على الايد شوي ومع العجن بتنعم ضلك اعجني ولتي واعجني لحد ما تحسي انو ايديك بدها تنكسر بعيد الشر
اذا كان عندك عجانة تكوني ريحتي حالك وبعد هيك شيلي العجين وارفعيه من الزبدية وارميه بقوة على الزبدية
عيدي العملية كم مرة ورا بعض وبعد كده جيبي حافظتين طعام كبيرة ( ممكن تبعت الايسكريم مقاس 1 لتر )
امسحي ايديك بشوية زيت وشيلي العجينة واعجنيها بين ايديك الاتنين شوي وقسميها على اتنين وكوري كل قسم
وحطيه بحافظة واقفليها وخليها بمكان دافئ لحد ما تخمر تاخدلها حوالي ساعة الاربع
الخطور المهمة التانية لما تخمر العجينة جيبي الصينية على طول وشيلي العجينة من غير ما تلخبطيها على بعض وحطيها على الصينية وافرديها على طول
حطي عليها الصلصة اللي بدك ياها وانا عملت صلصة البيتزا اللي كتبتهالنا الغالية ام العبادلة ممتازة جدا
وبعدين رشي شوية جبنة موزيريلا وفوقيها الخضار اللي بدك ياه او الحشو الل تحبيه
ودخليها الفرن اللي بيكون حامي من الاول لحد ما تستوي العجينة وتبدا تحمر من فوق رشي شوية جبنة مووزوريلا من فوق العجين ودخليها تاني شوية بس تسيح الجبنة
رش طبقة اولى من جبنة الموزوريلا بين الصلصة والحشو بتخلي الحشوة والعجين متماسكين مع بعض وبهيك لما تقطعي البيتزا بتنشال معاك اشي واحد وما بتنفصل الحشوة والجبنة اللي فوق من العجين
صحتين وعافية على قلبكم ..
رد مع الاستدلال
الروابط المفضلة