السلام عليكم ورحمة الله وبركاته

ازيكم اخواتي واحباتي في الله

انا اليوم هقدملكم مهرجاني للفطائر

ويارب ينال اعجابكم

اعمل ايه اتفجئت بعد مانزلت مشاركتي الرابعة

ان كحد اقصي 5 مشاركات فجمعت بعض من الافكار اللي

كنت هنزلها بعديت مشاركات وقولت انزلها مرة واحدة بالمشاركة الاخيرة

المهم تعالو معايا نشوف المهرجان بتاعي والمشاركة الخامسة

كانت عبارة عن ايه

المالح كان عبارة عن

فطيرة كفتةالتونة(خلية نحل التونة بشكل جديد هدايا وورد)

فطيرة الجبنة والخضروات علي شكل ورود جميلة

فطيرة الكبد والقوانص والخضروات(خلية نحل علي شكل هدية)

الدايت كان عبارة عن

التوست الاسمر برول الفراخ البانية والبيض

الحلو كان عبارة عن

ميني فطيرة التمر الرائعة ماشاء الله

ميني تارت الشيكولاتة

ميني تارت المربي وجوز الهند الجميلة

تعالو بقي نشوف انا عملتهم ازاي

في البداية سواء الحلو او المالح كلهم من عجينة واحدة هقدمهلكم

بس الدايت هقدملكم العجينة مع شرح التوست نفسه

العجينة المستخدمة هي العجينة اللي
باستخدمها واعتمدتها من المنتدي

وهي عجينة ال10 دقائق

المقادير

اولاااااااااااااااااااااا

2 كوب لبن(حليب) دافي دايب فيه معلقتين كبار خميرة فورية
ومعلقتين كبار سكر يتقلبو كويس حتي يدوب السكر والخميرة
ومتروكيين عشر دقائق حتي تتفاعل الخميرة في مكان دافئ

ثانياااااااااااااااااااااااا

2 كوب دقيق منخول
2 فنجان سكر فنجان (قهوة الصغير)
ذرة ملح

ثالثااااااااااااااااااااااااااااا

3 كوب د قيق منخول

ونص كوب زيت وبزد عليه معلقة كبيرة كمان زيت

الطريقة

بعد ان تخمر الخميرة وتتفاعل كويس
اضيف عليها مقادير ثانيا واسيبهم من نص ساعة ل 3\4 ساعة كده لحد ماتخمر

وبعدها اضيف المقادير رقم ثلاثة واعجن كويس اوووووووووووووووووووووووووووووووي

لحد ماتتكون معايا العجينة المتماسكة الطرية
واتركها تخمر ساعة ونص تقريباواتركها مغطاه

وبعدها ابدء بالتشكيل وبعد التشكيل اتركها تخمر
هنا عشان احافظ ع الاشكال اسيبها 10 دقائق فقط
وبعدها بالفرشاه امسح الوجه ببيض مخفوق مع اللبن
وادخلها الفرن لتنضج وتعطي اللون الذهبي

تعالو بقي نتعرف علي حاجة حاجة من الفطائر

يتبع ارجو عدم الرد

اولاااااااااااااااااااااااااااااااااااا






فطيرة كفتةالتونة(خلية نحل التونة بشكل جديد هدايا وورد)







تعالو نعرف انا عملت كفتة التونة ازاي
طبعا ديه لمحبي التونة ممكن تعمليها بسلطة التونة
بدل الكفته عادي واكيد هتبقي احلي كمان



عمايل الكفتة التونة

علبة تونة وبصلة مفرومة وفلفة رومي مفرومة
قلبتها كويس مع قطعة صغيرة من قلب الفينو(الصامولي)

وبرضو ممكن تدخليه الفرن زي الكفتة وتسبيها في
الفرن عشر دقايق كده بعد ماتكوريها او تقلبيها في
البيض المتبل وبعدها بالبقسماط وتدخليها الفريزر ربع ساعة
لتتماسك جيدا وبعدها تقلي في زيت حار وتخرج علي ورق مناشف المطبخ
وبعدها استخدمها













بعد ماتقلي وتتنشف من الزيت ده ان كنت بتحبي التونة باي طريقة

بعدها اخذت كل قطعة من كفتة التونة ووضعتها في قطعة
عجين مفرودة وقفلت عليها وكورتها كويس
وحطيتها في الصينية وعملت مع الكل نفس الطريقة






بعدها بدأت اشكل الكور فعملت اخذت قطع من العجين
وبدأت ارفعهم اوووووووووووووي واخذ قطع صغيرة رفيعة طويلة
واعمل فيونكة الهدية

وعملت شكل وردة الفل الفلة يعني وحطيت اخر الطرف بتاعهافرعيين
من قطعتين من الفلفل الرومي اما في الفلة نفسها حطيت قطعة
طماطم عشان تطلع شكل وردة

وشكل اخر عملت ايهالعجينة الرفيعة نفسها قطعت منها قطع صغيرة
خمس قطع وعملت ورقات الورده الخامسة ومابين كل ورقة حطيت
قعة صغيرة من الفلفل الرومي الاخضر الرفيعة الصغيرة جدا اما
في النص حطيت قطعة صغيرة اوووووووي من طماطم

شكل اخر عملت ايه جزء من العجين صغير اوووووووووووي
رفعته وحطيته اعلي الكورة علي شكل مربع وفي النص مربع من الطماطم

شكل اخر عملت دوائر من العجين وحطيتها فوق الكور
وبالنص قطع طاطم صغيرة

والصور هتوضحلكم الشكل




















وبعدها دهنتها بالبيض واللبن ودخلتها الفرن وده شكلها بعد مااستوت










وده شكلها النهائي يارب تعجبكم










بعض من الاشكال صورتها علي قريب عشان تشفوها

انتظر فيك حتي تكملي التنزيل
ابدعتي في التقديم
مشاركة رائعة
موفقة ان شاء الله

ثانياااااااااااااااااااااااااااا

فطيرة الجبنة والخضروات علي شكل ورود جميلة








انا استخدمت هذا القالب وفرد بداخله قطعة من العجين
وفرد الاطراف كمان وحطيت الحشوة بداخل العجينة المفرودة




الحشوة كانت عبارة عن
جبنة دوبل كريم وطماطم مقعة صغير
وفلفل رومي ملون مقطع صغير وزيتون اسود واخضر مقطع
والقليل من الزيت واقلبهم كووووووووووويس اوووووووووي
و






فرد قطعة من العجين طولية الشكل وحطيتها فوق الحشوولفيتها
حولين القالب وبعدها لميت العجينة اللي ع الاطراف القالب
وقفلت العجينة كويس اوووووووووووووي
فده كان شكلها فطبعا حاولت اغير الشكل ده



فعملت ايه اخد قطعة عجين رفيعة اوي متصبعة طويلة جدا وبقيت
اعمل الشكل ده امشي بالعجينة رايح جي بهذا الشكل

هنا بقي عملت شوية ورود عملتها ازاي
بالمبشرة البطاطس قطعت الجزر بالمبشرةوكل بشرة منهم
لفتها زي الرول كده وعملت الورد ونفس الشئ مع قالب الخيار نفسه
انا قشرت القشرة بالمبشرة نفسها وتركتها علي حنب
اما القلب بداخل الخيارة نفسها عملت بيها زي الجزر بالظبط
اما بقي القشرة بتاعة الخيار المتروكة علي جنب
اخذت الواحدة منهم وقطعتها نصيين وعملت بيها الورق الاخضر بتاع
الوردة الجزروده الشكل
فبقيت احط وردة جزر وود قلب الخيار وورق بقدونس واحدة
وده كان الشكل النهائي طبعا انا كنت بحط كل وردة وبفدونوساية
داخل الشكل اللي عملته سابقا فوق الفطيرة








ودهنتها وبعدها دخلتها الفرن وده كان شكلها









وده بقي شكلها النهائي يااااااااااااااااااااااااارب تعجبكم لانها رااااااااائعة والله
ماشاء الله ولا حول ولا قوة الا بالله












يتبع
ارجو عدم الرد

ثالثااااااااااااااااااااااااااااااااااا

فطيرة الكبد والقوانص والخضروات
(خلية نحل علي شكل هدية)







انا قدمت طريقة الكبد والقوانص سابق
علي هذا الرابط



كبد وقوانص فراخ بصوص البصل والفلفل الرومي والطماطم من مطبخ monaahmedsaadام اياد

http://www.lakii.com/vb/showthread.php?t=601659


انا عملتها وطلعت رااااااااااااائعة ماشاء الله ولا حول ولا قوة الا بالله العلي العظيم








اخذت قع من العجين وحشيتها بالخلطة وقفلتها كويس وكورتها كور صغيرة




ورصيتهم علي شكل وردة كده








هنا اخذت قطع من العجين وطولتها ورفعتها وقطعت اربعة منها
وعملت شكل الحبل بتاع الهدية وبعدها عملت فيونكة الهدية عاااااااااااادي
خالص وده كان الشكل النهائي
وبعد عشر دقايق تخمير دهنتها ودخلتها الفرن










وده شكلها بعد مااستوت

ها ايه راااااااااائيكم ياقمرات قولولي عجبتكم ولا لاااااااااااااااااااااا









يتبع
ارجو عدم الرد

رابعاااااااااااااااااااااااااااااااااااا






التوست الاسمر برول الفراخ البانية والبيض








انا سابقا نزلت طريقة رول اللحمة المفرومة بالبيض
وبنفس الطريقة بدل اللحمة المفرومة عملت الفراخ البانية
ومااستخدمتش بقدونس
وده الرابط


متميز* رول اللحمة المفرومة والبيض مشاركتي في بقايا اطباق العيد وتطبيقي للغالية ام نور






المقادير





نص كيلو فراخ بانية مفرومة
بصلة مفرومة
فلفل رومي الوان
ملح وتوايل وبهارات بقسماط
بيضة
4 بيضات مسلوقة
قطرات زيت قليلة اوي

كله مع بعض يتخلطو ماعدا البيض المسلوق




فرد المقادير المخلوطة علي الومنيوم مرشوش عيه بقسماط
انا حطيت 3 بيضات لان زوجي مش بيحب البيض فعملت جزء من غير بيض






ولفيت الفراخ حوليين البيض وعملت رول وكنت بلاقي صعوبة شوية
لان البانيه ناعم فكنت بمسح ايدي بالزيت الخفيف والم بيها

ورشيت شوية بقسماط ولميت الرول وقفلت بالالومنيوم
ودخلتها الفرن نص ساعة وبعدها فتحت الشواية




وده كان شكلها

هنا بقي استخدمت دقيق اسمر بدل الدقيق الابيض
وعملت ربع المقادير فقط
من نفس المقادير السابقة المعتمدة وطلعت جميلة ماشاء الله
وسبتها تخمر ساعة ونص كده





وبعدها فرد العجينة علي شكل مستطيل وحطيت الرول عليها

ولفتها حولين الرول الفراخ كويس

وحطيتها بقالب التوست وسبتها تخمر نص ساعة تقريبا
ودهنتها ودخلتها الفرن







ده كان شكلها بعد النضج



وهنا قطعتها عشان تشوفوا شكلها والطعم كان رائع ماشاء الله

ارجو عدم الرد يتبع

خامسااااااااااااااااااااااااااااااااااا

ميني تارت المربي وجوز الهند الجميلة







هنا اخذت جزء من العجينة وفردتها بالقالب الدائري




وبعدها وضعت المربي ممكن وبعدها قطعة عجين مفرودة ثم مربي
ثم عجين اخر وبعدها لميت العجينة اللي علي طرف القالب
فوق العجينة الاخيرة وقفلت كويس اوووووووووووووووووووووي




انابقي استخدمت قمع البيتي فور نفسه وحطيت فيه عجينةوقعد
بعصاية المعلقة الخشب ازق فيها عشان تعمل الشكل ده









وبعدها بنفس القمع عملت قطع صغيرة حوالين الفطيرة عشان تبقي
شكل الكريمة فوق التارت وده الشكل النهائي

وبعد ماخلصتها سبتها 10 دقايق تخمر ودهنتها باللبن بس ودخلتها الفرن







وبعدها بما انها تارت صغير فدهنت الجوانب بالمربي وحطيت عليها
جوز هند ورشيت كمان في الاعلي جوز هند وطلعت رووووووووووووووعة
ماشاء الله
وده الشكل النهائي

يتبع
ارجو عدم الرد

سادسااااااااااااااا







ميني تارت الشيكولاتة اللذيذة








هنا فرد العجينة واخد الشيكولاتة وحطيتها بالنص
وسبتها شوية وبعدها لميت العجينة






وبنفس طريقة القمع عملت الشكل ده















ودهنتها باللبن ودخلتها الفرن






وبنفس الطريقة دهنت الجوانب شيكولاتة مذابة مع الزبدة
وحطيت عليها شيكولاتة مبشورة

فممكن تتقدم كده








بس انا مجنونة شيكولاتة فدهنت كمان الوجه بالشكل ده









يتبع
ارجو عدم الرد

سابعاااااااااااااااااااااااااااااا

ميني فطيرة التمر الرائعة ماشاء الله

هنا بحشي العجين من التمر المخلوط بالزبدة ع البارد

بعدها اقفلها كويس واكورها وافردها في القالب الدائري كويس
وبعدها اخذت ستة تمرات منزوعين النواة ورصيت خمسة حوالين واحدة
بالشكل ده واخذت شكل من اشكال اقماع البيتي فور وعملت بيه جوانب
اللي مابين كل تمرتين وعند الطرف اللي من الداخل حولت ارفعها
اما اللي بالخارج فكان طخين شوية عشان تعمل الشكل اللي بالصور

وده كان الشكل

هنا بقي بالقمع اللي بيطلع الحروف الصغيرة طلعت قطع صغيرة
وحطيتها فوق كل تمرة بالشكل ده

وبنفس القمع الاخير اخد منها قطع طويلة وعملت جوانب لكل تمرة
بالشكل ده ملحظينها

ودهنتها باللبن ودخلتها الفرن وده شكلها النهائي
طلعت روووووووووووووووووعة ماشاء الله ويارب تعجبكم
واسيبكم مع الصور

وده كانت الحلويات كلها
ماشاء الله عليهم والطعم روعة ماشاء الله

ودول بقي كل مشاركاتي الليلة ويارب تعجبكم
وعايزة اعرف رائيكم يابنات ويامبدعات

كتبت بواسطة ابريكه

انتظر فيك حتي تكملي التنزيل
ابدعتي في التقديم
مشاركة رائعة
موفقة ان شاء الله

تسلمي ياغالية يارب
بارك الله فيكي وجزاكي الله كل خير
ومتشكرة اوووووووووووووي ليكي
كلامك رائع مثلك ربنا يوفقك يارب
ويجعله بميزان حسناتك يارب