6666666666
الحاضرات منكم تبلغ الغائبات
عن همبورجر فوق الخيال
مهما اتكلمت ما كنتش متوقعه الطعم ده ابدا
اولا الهمبورجر طرى جدا
وطعمه بالظبط بالظبط زى بتاع المحلات التيكاواى الجاهزه والله وافضل وانضف واوفرررررررر وده مايمنعش ان في تكه برنسيسيه

تعالوا اقولكم مكوناته وماتستغربووووش

1 كيلو لحمه مفرومه

بصله مفرومه ومتخدعه فى قليل من الزيت
ومعاها فصين توم مدقوقين
2 م ك كاتشاب اختيارى
المفاجأه كوب رز مطبوخ
ملح وفلفل
م ص ثوم بودره
م ص وبصل بودره
م ك بقدونس مفروم
2 م ك جبنه شيدر مفروم اختيارى
1 م ك بكنج بودر
5 م ك ورشيستر صوص
بيضه

الطريقه

اضع البصله فى 2 م زيت
واقلبهم تقلبتين وعليهم التوم واقلب تقلبتين كمان
وبعد كده اضع جميع المكونات فى الكبه ما عدا اللحمه والبيضه
واديلهم واحده دررررررررررررررررررررر
علشان الرز يتفرم كويس
واضع بعد ذلك البيضه واديها واحده درررررررررر تانى
وبعد كده اضع اللحمه واكمل الدرررررررررررررر بتاعى علشان يختلطوا كويس
واعمل الهمبورجر بتاعى
لكن فين التكه البرنسيسيه
عملت الهمبورجر محشى
فلفل ملون مشوح فى قليل من الزيت وبعد ما رفعته من النار وضعت قليل من الجبنه الشيدر المبشوره
وحشيت بها الهمبورجر ودخلتها التلاجه
وشويتها على المقلايه المضلعه بعد ما رشيت عليها قليل من الزيت
وقدمتها مع سلطة الكول سلو بتاعتى
بالمايونيز بتاعى يالا بقا
كول سلو بتاعى والمايونيز اللى عليه بتاعى مع سندوتشات الهمبورجر بتاعتى

المفروض انى كنت احاسب ولادى وجوزى على السندوتشات
بس خلتها المره ده free علشان يجولى تانى هههههههههه

المهم دهنت العيش كاتشاب ومايونيييييز
ووضعت الهمبورجر عليه وعليها قطعى جبنه شيدر
ودخلتها الميكروويف ووحطيت عليها قطعة طماطم
وبالهنا

وده صوره للتعذييييييييب

من اول ماشفت همبرجر برنسيس دخلت جري قبل ماحد يسبقني علشان الطش الطبق يسلمو ايديك حبيبتي

يسلموووووووووووووووووو

ياعينى على جريان الريق
جوعتينى مع ان نفسى مسدوده عن الاكل
ابعتيلى البرجر فوراااااااااااااااااااا

وده صوره للتعذييييييييب

ربنا هيحاسبك على التعذيب اللي بتعبيهولنا ده
الله يسامحك
هقوم اكل مع إني لسه واكلة
يسلموا برنسيس على التعذيب اللذيذ

برنسس ماشاء الله عليك وانا دايما معجبه بوصفاتك المميزه وحظورك الرائع واسلوبك يسلم ايديك ويعطيك الصحه

ما شاء الله روعة روعة روعة وفعلا تعذيب من الجامد قوى بالذات الصورة دى الجبنة السايحة خياااااااااااااااال


تسلم الأيادى يا قمر وكل تعذيب وإنت طيبة

تسلم الايادي برنسس

وصفة جميلة بالفعل يا غالية

ربنا يبارك فيك وما يحرمنا وصفاتك الشهية

ولمساتك البرنسيسية وخفة ظلك

في انتظارك دوما

والله يا سلام القلوب عند بعضها كان نفسي في برجر اهو جالي لوحده

يا خطير انت ياابو التعذيب
ايه ده حرام عليكي والله
لسه بنقول يا فتاح يا عليم يارزاق يا كريم
اه يا بطني جعت