أولاً :

تانياً:

اليوم رح قدملكن أكلات سهلة كتير
بس طيبة أكتر بكتير

من عادات السوريين عموما أنه يوم الجمعة يكون الفطور أحد هالطباق هي
وأحيانا ممكن ناكلها ع العشا
وبرمضان مستحيل تخلا طاولة أكل بسورية من أحد هالأطباق

وصدقوني هي طيبة جدا جدا

اتفضلوا أول شي

تسقية بالسمنة (تسقية ببدوة )

حمص مسلوق نص كيلو مع المرق تبعو

خبز مقطع فوقه رشة ملح

لبن زبادي كوبين كبار

مسبحة (حمص ناعم مع الطحينة ) نصف كمية اللبن تقريبا

عصير 3 ليمونات

ملعقة من الثوم المدقوق بالهاون

ملح

فلفل أحمر

ملعقة سمنة

صنوبر ان وجد

نخلط اللبن مع المسبحة مع عصير الليمون والثوم والملح بيطلع مزيج طعمته بتجنن من كتر مو طيبة

منسخن الحمص مع المرقة الى درجة الغليان

نأخذ قليلا قليلا من مرق الحمص ونضيفه الى الخبز حتى يتشربه الخبز تماما ونخلط معه نصف كمية مزيج اللبن والمسبحة ونخلطه جيدا

نضعه في جاط التقديم ثم نضيف اليه طبقة من الحمص بدون مرق

وفوقها طبقة كمية المسبحة الباقية

ومنرش فوقه الفلفل الأحمر

وبها الوقت بتكون السمنة ع النار عم نحميها واذا في صنوبر منقليه فيها بعد ما تحمى السمنة منيح منيح منحطها على التسقية

ودوقوا أطيب أكلة بالعالم

لا تحطو ردود لكمل الموضوع ...

نتاااااااااااااااااابع:

تسقية بالزيت ( بفقسة )

كوبين كبار فقسة مضاف اليها قليل من مرق الحمص ( الفقسة هي عبارة عن مادة القلي ملعقة صغيرة تذوب في كأس ماء كبير ثم يضاف اليها مع التحريك زيت زيتون نوع تاني بمقدار كوب صغير بتطلع مادة متل الحليب)

حمص مسلوق نص كيلو مع المرق تبعو

خبز مقطع

ملعقة من الثوم المدقوق بالهاون

بقدونس مفروم ناعم

كمون ناعم

ملح

منسخن الفقسة وبعد ما نطفي النار عليها منضيفلها كمية الملح والثوم
منسخن الحمص مع المرقة الى درجة الغليان
بعدين منضيف الفقسة على الخبز المقطع حتى لو لاقينا كمية المرق كبيرة مو مشكلة لأن الخبز بيشربها كلها حتى منضيف له شوية مرق حمص
بعدين منضيف طبقة من الحمص المصفى من المرق

ونرش فوقه الكمون بكمية كبيرة لانه كتير طيب معو
وبعدين منرش البقدونس المفروم ناعم

والآن إلى آآآآآآآخر طبقين

لا تضيفو رد ..

صحن فول مدمس بالزيت

نص كيلو فول مسلوق

نحنا عنا بيبيعوه بالكيلو ببعض البلدان بينباع معلبات

ونحنا عادة منخلطه مع حمص كمان بيصير أطيب وأطرى طبعا

عصير تلات ليمونات

توم مهروس بالهاون بمقدار ملعقة صغيرة

بقدونس مفروم ناعم

بندورة مفرومة ناعم

ملح

زيت زيتون بلدي

منضيف الثوم والملح الى عصير الليمون ويخلط جيدا

منسخن الفول مع الحمص على النار الى درجة الغليان طبعا ممكن نضيف له بعض الماء من أجل سهولة التسخين

بعد التسخين منتخلص من كمية الماء اللي بالفول والحمص بس مو منشفها ع الأخر منترك شوية ماء فيها طبعا

ثم يضاف مزيج عصير الليمون والثوم والملح الى الفول ومنقلبه مع بعضه

يوضع الفول في صحن التقديم ويزين بالبقدونس والبندورة المملحة

ثم يضاف اليه الزيت

صحيتيييييييين

والأن مع آآآآآآآآآخر طبق :

الفول بلبن وطحينة

طبعا نفس مقادير الفول المدمس بحذافيرها
نص كيلو فول مسلوق مع حمص
عصير تلات ليمونات
توم مهروس بالهاون بمقدار ملعقة صغيرة
بقدونس مفروم ناعم
بندورة مفرومة ناعم
ملح
زيت زيتون بلدي
واضافة عليها يلزمنا كوب لبن زبادي تخلط معه ملعقتين طحينة

نطبق نفس الطريقة مع شوية اضافات
نضيف الثوم والملح الى عصير الليمون ونضيف نصف كمية هذا المزيج الى اللبن والطحينة

يسخن الفول مع الحمص على النار الى درجة الغليان
طبعا ممكن نضيف له بعض الماء من أجل التسخين
بعد التسخين منتخلص من كمية الماء اللي بالفول والحمص بس مو منشفها ع الأخر منترك شوية ماء فيها طبعا
ثم يضاف مزيج عصير الليمون والثوم والملح
وتضاف أيضا نصف كمية اللبن والطحينة الى الفول
نضع المزيج في صحن التقديم ونضع فوقه ما تبقى من اللبن مع الطحينة ثم تزين بالبقدونس والبندورة وأخيرا زيت الزيتون البلدي

طبعا هدول الطبقين ممكن ينعملو بالفول بس وممكن بالحمص بس وممكن بالفول مع الحمص


يارب تكون الاطباق اللي اخترتها عجبتكن

واستفتدو منهاااااااااااا

ممممممممممممممممممممممممممم

هم
هم
هم
هم
هم
هم

تسلم ايدك ميليسا على الوصفات الحلوة
بارك الله فيكى وجزاكى خيرا

وصفات طيييييييييييييييييبة
يسلموو ميسو عالشرح الكافي

يسلم هالايدين
شي بجنن
ولا اطيب من هالاكلات يوم الجمعة
وعنجد يسلمو يسلمو يسلمو

كتبت بواسطة fullamalak

ممممممممممممممممممممممممممم

هم
هم
هم
هم
هم
هم

اهلييييييييين حبيبتي فلة

نورتي الموضوع

كتبت بواسطة el-haboba

تسلم ايدك ميليسا على الوصفات الحلوة
بارك الله فيكى وجزاكى خيرا

اهلا وسهلا فيكي

شكرا ع المرور والرد