سلطة الرنجه الشهية ***لملف السلطة و اطباق بحرية

**ام يحيى و مازن** · 08-02-2013, 11:18 PM

ازيكم اخواتى فى الله
يا رب تكونوا بخير و بصحة جيدة ان شاء الله
حبيبت اشارككم اذا سمحتو لى بطبق بسيط و سهل جدا بش شهى جدا جدا و ينفع لملف السلطات و اطباق بحريه

المقادير
سمك رنجة مدخن
بصل اخضر او عادى
فلفل اخضر
قليل من الزيت
طماطم مقطعة
زيتون (بس وقتها كان خلص هههههههههه)
طحينة (اختيارى)
عصير ليمونة
معلقة كبيرة خل

الطريقة
هنجيب صنية و نحط فيها سمك الرنجة و نحطها على النار لحد ما يبقى بالشكل ده
و الخطوة دى ضرورى للتخلص من اى بكتريا فيها

( فى ناس بتاخدها كدا علاطول على عين البوتاز و تشويها بس بتنزل زيت على البوتجاز
و بتخلى شكله مش ظريف غير انك بعد كدا لما تيجى تشغلى عين البوتجاز بتديى ريحة مش حلوة بسبب الزيت
اللى نزل عليها عشان كدا الصنيه احسن )

هنقشرها و نظفها و نخليها من الشوك و نفصصها حتت صغيرة

و بعدين نضيف عليها باقى المقادير
و لو تحبى تجيبى الطحينة وتخففيها بمعلقة ميه و تقلبيها عليها بتبقى تحفى

و السلطة دى انا بعتبرها سلطة اساسية فى الغدا مش جانبية و بيكون جمبها بطاطس محمرة او بتنجان مقلى
و عيييييييييششششششى الللحظة هههههههههههه

يا رب موضوعى البسيط يعجبكم
فى رعاية الله اخواتى

**إيثار الشام** · 08-02-2013, 11:38 PM

حبيبة قلبي
بالتأكييييييييييييييد مرحب فيكي تنزلي مواضيعك , و أكيد مسموحلك , البيت بيتك
ما شاء الله
دائمآ مواضيعك حلوة كتير و بتعجبني
و خاصة سلطة اليوم
و الله روووووووووووووووووووعة

الله يسلم إيديكي
و يعطيكي مليون عافية
و إن شالله فيها الهنا

منوورة القسم كله
أسعدك المولى بالدارين

**omroro-4** · 09-02-2013, 01:46 AM

ماشاالله تسلم ايديك

**وعود الخير** · 09-02-2013, 10:51 AM

هلا والله

منورة الركن يا ام يحيى
اشتقنا لطلتك واطباقك

سلطة الرنجة من السلطات المشهية فعلا

ابعتي لي كم رنجاية بال DHL

تسلم يمناك وصحتين وعافية ع قلوبكم

**وعود الخير** · 09-02-2013, 10:52 AM

من بعد اذنك يا ام يحيى
عايزة اعيش اللحظة بس بدون البطاطا والباتنجان المقلي
اغوص في سلطة الرنجة وبعدين ارجع لكم تاني

**asmaabhr** · 09-02-2013, 02:46 PM

ما شاء الله

تسلم الايادى الحلوة يارب

هنا وعافية عليكم

**أحلى بيرو** · 11-02-2013, 01:17 AM

يا سلام
رنجة امممممم
امووووت فيها انا والماما
تسلم ايدك حبيبة قلبى
سلطة بتشهى فعلا
وعجبتنى فكرة الصينية بجد
انا كنت بعملها على عين البوتاجاز فعلا
خلاص اتعلمت

مشاركة جميلة

وفى انتظار المزيد

**رودينا7** · 11-02-2013, 11:15 AM

تسلمين يالغاليه
الله يحفظك ويبارك فيك
علي هالوصفه الحلوه

**بيبي مورو** · 12-02-2013, 11:12 AM

فكرة شوي الرنجه في الصينية تجنن

أنا كنت باعملها على عين البوتاجاز وبتبهدل الدنيا

تسلمي يا قمر

وسلطة الرنجة باموت فيها ويا سلام كمان لو عليها خس وخيار يمي يمي

هاشتري رنجة بإذن الله علشان أعيش اللحظة (:

تسلمي يا بطة

**ام كوجي** · 13-02-2013, 10:37 PM

تسلم الايادي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: سلطة الرنجه الشهية ***لملف السلطة و اطباق بحرية

أدوات الموضوع

العرض