مرحبا صبايا
حبيت اشارك الغالية ام عدي بهاد الطبق احنا بنسميه لب الكوسا هههههه
مابعرف اله اسم تاني للاسف
طبعا بس نعمل كوسا محشي تاني يوم او عالعشا بنعمل هاد الطبق
نيجي للمقادير
لب كوسا مقطع خشن او بنخليه متل ماهو
شوية زيت زيتون
بصلة صغيرة مفرومة ناعم
قرن فليفلة اخضر صغير واللي مابحب الحر فيكم تستغنو عنه
ملح وفلفل اسود
الطريقة
بمقلاة عالنار نضع الزيت والبصل والفليلفة
بس يدبلو شوي بنضيف لب الكوسا وبنحرك
بنغطي الطنجرة وبنحرك كل شوي لحد ما نحس اللب تغير لونه واستوى
طبعا اللب رايح يطلع مي مش مشكلة بس يقرب يستوي بتنشف المي تبعته
بنحط اخر الاشي الملح والفلفل الاسود وبنطفي عليه
نيجي للصور
بتاكل مع الخبز طبعا بس ماتكترو ماتعملو متلي اكلت كماجة كاملة ههههههههههه بصراحة لا يقاوم وكتير خفيف عالمعدة
وهاد الصحن لعيون ام عدي
بتمنى موضوعي يعجبكم
بانتظار تطبيقك ام عدي ههههه
الروابط المفضلة