السلام عليكم و رحمة الله و بركاته

كل عام و انتم بخير بمناسبة شهر رمضان المبارك

امبارح كنت عاملة عزومة حلوة اوي و عملت فيها حاجة جديدة أول مرة أعملها لأني حبيت أجدد
قت بدل الجلاش باللحمة المفرومة التقليدي أعمل الكبس دي
ياللا تعالوا نشوف كده

المقادير
لفة جلاش
1/2 ك لحمة مفرومة معصجة
جبنة شيدر
زيتون مخلي و مقطع شرايح
زبدة سائلة و فرشاة

أول حاجة جبت صينية الكب كيك و دهنتها كلها بالزبدة
و بعدين قطعت الجلاش مربعات يعني سويت الجلاش الأول خليته مربع كبير و بعدين قطعته 4 مربعات

نبدأ بقي
نحط في مكان الكب 2 ورقة جلاش و نضغطهم لجوة في الأرضية و بعد كده ندهنهم زبدة و نحط فوقهم كمان 2 ورقة بس بالعكس عشان يدي شكل الوردة

بعد كده نحط فيهم اللحمة المفرومة و كمان فوقها نبشر جبنة شيدر و عليها شوية زيتون اسود او أخضر شرايح

ندخلهم الفرن بقي و نخلينا جنبهم و نحمرهم شوية بعد ما يستووا تحت الشواية
و دي كانت النتيجة

نطلعهم بحرص و نرصهم في طبق التقديم و بالهنا و الشفا

انا بقي حطيت فيهم عملات معدنية جنيهات فضة عشان اللي ياكل يلاقي هدية طبعا مش فيهم كلهم بس في شوية منهم و كانت حركة حلوة اوي عملت جو مرح و الناس فرحت اوي بالجوايز هههههههههههههههههههههههه

شوفوا بقي باقي العزومة وقولولي رأيكم

دي دبابيس فراخ مشوية متبلة بلبن رايب و توم و ليمون و ملح و فلفل بس روووووووووووعة

ودي صينية بطاطس بالكفتة

جبت لحمة مفرومة و تبلتها بتتبيلة الكفتة و صبعتها و حمرتها شوية و بعدين حطيتها تكمل سوى مع صينية البطاطس

و ده بقي رز و بط و كمان لحمة شرايح ملفوفة محشية جبنة شيدر و حطيتها في دقيق و بيض و بقسماط و حمرتها علي خفيف عشان تاخد اللون الحلو ده و بعد كده دخلتها الفرن عشان تكمل سوى

و كان فيه ملوخية كمان علي شوربة البط طبعا

بس كده و كل سنة و انتم طيبين يا رب تكون العزومة عجبنكم زي ما عجبت ضيوفي الحلوين

يسلموا إيديكي بصراحه طبقك روووووووووووووعه...

وسفرتك ماشاءالله حلوه كتير...الله يعطيكي العافيه

ما شاء الله عليك يابيرو
روووووووووووووووووووووعة يسلمو اديك سفرة ديما ان شاء الله
المرة الجية احنا معزومين عندك كل الفريق الاحمر اعملي حسابك

ماشاء الله تبارك الله تسلم يدك يا أم مؤمن ....صحة وعافية

حلوووووة فكرة الوردات .... شكل جديد وأكيد لذيذ ... يعطيكٍ العافية



بانتظار عزومة الفوز بإذن الله .... بس ماراح نتعبك كل وحدة تجي ومعاها طبق ... ماشي

مااااااااااااااااااااااااااااااااااااشاء الله عليك يابيروووووووو

والله شهيني ,,,

خلاص باشر انا فطوري عندك

والحين سايره اسوي ورق الجلاش

سفرة عامره دوم يارب ..
وي تمم عليك رمضان وايجي العيد وانتي بصحه عافية

ماشاء الله روعه فكرتها حلوه جداااا واكيد طعمها احلى
تسلم ايدك
وكل سنه وانتى طيبه ودايما بيتكم عامر

يعطيك الف عافية على الطبق الجميل

بسم الله
ماشاءالله
تسلم ايديكي
اطباق كلها حلوة وشهية
بالف هنا
كل سنة وانتي طيبة

ماشاء الله الله اكبر يا بيرو
دايما عامر يارب
تسلم ايديكى ياقمر
الصراحة انا بحسد ضيوفك
الاكل شكلة لوحدة يفتح النفس
اكيد طعمة روعة

يا أهلا يا أهلا بالحبايب و الغاليين كلهم هنا

غنية
حليب نيدو
الحلم القريب
بنت أبي
و كمان الأبلة ندا

فرحتوني ربنا يخليكم و انا فرحت اوي عشان العزومة عجبتكم و خلاص ليكم عندي عزومة بس دايت ههههههههههههههههههههههه
و بعدها ايه؟؟؟؟؟؟؟؟؟؟؟
رياااااااااااااااااااضة برافو عليكم

بنت ابي انتي بلاش رياضة لما تقومي بالسلامةانتي و البيبي ابقي العبي
هههههههههههههههههه
ربي لا يحرمني منكم