السلام عليكم ورحمة الله وبركاته

تحية عطرة للجميع

اليوم عملت سلطة فواكة ______ عادى الكل بيعملها

لا .. مش عادى ..

الجديد :: انى قدمتها في طبق الاناناس ..!!!

تعالوا نشوف الصور والطريقة

الفواكهة اللي عندى .. كرز - موزة - تفاح
برتقال - مانجو - والطبق الاساسي طبعا الاناناس

هاتى الانانسة وقطعيها نصين بالطول
بس انتبهى ...!!!
اولا لازم تكون مسنودة تمام عشان ما تجري منك
ثانيا السكينة لازم تكون حامية عشان تقطعي بسرعه وما تتهرى منك الاناناسة

ثالثا تحرصي يكون الفرع الاخضر مقطوع معها بالطول

دلوقتى نفرغ طبق الاناناس عشان نحط الفاكهة

اولا ... العظمة اللي في النص بتكون جامدة وطعمها مش حلو لازم نشيلها بسكينة حادة

اوك .. كدا شلناها نجي للتفريغ

حيكون بمعلقة كبيرة والسكينة
بس خدي بالك براحة وتانى عشان تحافظى على الطبق مايتخرم

وكدا عملنا النصين
يتبعــــ

الباقي سهل ... قطعى الكرز نصين
والمانجو قطع
والبرتقال فصوص مقطعه بعد ازالة البذر
والتفاح والموز اخر حاجة
اخلطيهم سوى بس ياريت تخلي الموز والتفاح تحت عشان ما يتاكسدوا ولونهم يتغير بسرعه

بس كدا وحطي السلطة في طبق الاناناس وقدميه بالهنا والعافيه
انا قدمته لجارتى.. لانها ست قد ايه كريمه الله يحفظها وان شاء الله يعجبها
للاسف مالحقت اصورها بشكل مغري على طول غلقتها عشان انزلها لجارتى


اتمنى تكون طريقة تفريغ الاناناس واضحة
واي سؤال انا حاضرة

تسلم الايادي

السلام عليكم طبق جامد و فكرت الطبق الأناناس عجبتني جداً أنا هجربهة يوم الأحد علشان عند عزومة بس عايزة أسالك لو سمحت إنت معملتيش عليهم صوص يعني شربات أو مع الكمبوت بتاع الفواكه المعلب و مشكورة مسبقاً

يسلمو ايديك سلطة تحفةولذيدة ومفيدةكمان
صحتين وعافية يارب

طاب ممشاك فراشة وام عبد المعز

كتبت بواسطة bichamel

السلام عليكم طبق جامد و فكرت الطبق الأناناس عجبتني جداً أنا هجربهة يوم الأحد علشان عند عزومة بس عايزة أسالك لو سمحت إنت معملتيش عليهم صوص يعني شربات أو مع الكمبوت بتاع الفواكه المعلب و مشكورة مسبقاً

وعليكم السلام
لما تعمليها حتشوفى كم العصير اللي حينزل من تفريغ الاناناس دا غير عصير البرتقال وانتى بتعطعيه
ولو سبتيها شوية قبل ما تحطيها في الطبق حتنزل ميتها لوحدها وتبقى الذ من اي عصير او مية بسكر
بس انا غرفتها بسرعه خفت الطبق ياكسد وعلى اي حال المية الزيادة حتبوط الدنيا وممكن تنزل من طبق الاناناس فمفيش داعي

تسلم الايادي

اممممممممممممممممممممممممممممم



لعابي يسيل والله لاني جعانه جدا وانا امووووووووووووووت بشي اسمه سلطه الفواكه

سلمت يداك

تسلم ايدك عن جد حلوة وشكلها بفتح النفس

مشاء الله سلطة روعة وفكرة اروع