السلام عليكم

انا استاهل براءة اختراع يا جماعة على الموضوع ده

عشان والله الذى لا اله الا هو
ده خلاصة تجاربى الخاصة اللى فشل منها كتيييييييير

و اخيرا نجحت النهاردة

و عملت زبادى بالفواكه زى الجاهز

السر ايه بقى

مش انك تحطى فاكهة
نو
نو

ولا تحطى مربى

نو برضو

هما بيحطوا حاجة احنا مش حانعرف نوصلها حتى لو مشينا على ايدينا و رجلينا

طييييييييييب

انا بقى جبت الزبادى بتاعهم و بدل ما اعمل الزبادى بتاعى عادى بخميرة عادية (اللى هى علبة زبادى سادة)

لأ عملتها بزبادى فواكه جاهز ههههههههههههههه

اه والله هى دى التريكة اللى فى الموضوع كله

بصوا بقى

حاتجيبى كيلو لبن (حليب يعنى) و تغليه
يديكى 8 اكواب سعة 125 جرام

لما يهدى اللبن (الحليب) يعنى يبقى دافى جدا و لكن مش مولع و سخن نار عشان الزبادى حايبوظ لو اللبن (الحليب) كان سخن مولع

تدوبى فيه عدد اتنين علبة زبادى بالفاكهة النكهة اللى تحبيها

و تدوبى كمان عدد 24 معلقة صغيرة سكر

يعنى بمعدل 3 معالق لكل كوب

و تصبيهم فى اكواب ماكينة الزبادى

و تغلقى الماكينة و تفتحى عليها بعد 6 ساعات
تاخدى الأكواب تغطيها و تحطيها فى التلاجة

و لما تبرد كلى و ادعيلى

و طبعا لو عايزة بعد كده زبادو

اضربيه فى الخلاط و ممكن تضيفى ربع كوب حليب عشان لو مش بتحبيه كثيف اوى

يعنى من الآخر
عملتلكم زبادى فواكه و زبادو
2 * 1

ارجو ان يكون وقتى و جهدى علم ينتفع به

يسلمو على الاختراع الرائع ما شاء الله تسلمي يا رب والف صحه عليكم

كتبت بواسطة تغريد2007

يسلمو على الاختراع الرائع ما شاء الله تسلمي يا رب والف صحه عليكم

الف هنا تغريد
صحتين على قلبك

تسلم ايدك يا قمره
بصراحه فكر ماجتش ببالي ابدااااااااااااااااا
عملته قبل كده وكان ببوز ومش عارفه السر
اوعدك اجرب طريقتك واخبرك
بس يا رورو لو عاوزه اضيف فاكهة كمان معاه قطع ممكن ينجح برضه؟

ماشاء الله روووعة
لكن هل ضروري ماكينة اللبن ولا في بديل ؟؟؟
يعطيك الف عافية

فكره حلوه مرررررره
يسلموووو عالوصفه ياأم الأفكار

ماشاء الله عليك
افكار ذكيه بكل

يسلمو ايديك وافكارك
واحنا مابنتعلم لولا اغلاطانا
صحتين وعافية يارب

افتكاسات مربحة لست البيت وخراب بيوت لشركات الالبان

يسلموا ريمنوتي
تعيشي وتفتكسي لينا من تاني حاجات جديدة