أولا بحب أشكر كل الصبايا اللي بقدموا وصفات رائعة الله يعطي الجميع ألف عافية
وثانيا أنا دائما متواجدة بقسم الكمبيوتر والتصميم والتجميل ولكن أمر مرور الكرام على هذا الركن اللي بشهي بوجود المبدعات
واليوم حبيت أدخل بمشاركة إن شاء الله تعجبكم لأني شخصيا كثير بحب هالسلطة هاي وكل أفراد عيلتي .
بالنسبة للسلطة :
نسلق الشمندر أو البنجر حتى تستوي وأفضل شئ بطنجرة الضغط وممكن سلق معها كم جزرة
وبس تبرد منقطعها مربعات صغيرة مع الجزر
منعمل التتبيلة وهي عبارة عن مايونيز وحامض وملح وبهار أسود وزيت زيتون
نضع التتبيلة على الشمندر المقطع وثم نضع قليل من البقدونس المقطع عليهم ونخلطهم ببعض
راح نلاحظ أصبح لون المايونيز زهري فوشي بجننننننننننننننننننن
وقدميها مع التزيين حسب الرغبة بالبقدونس وأعواد جزر مقطع
وصحتين وهنا
ترا جربوها وادعولي

يسلمو دياتك حبيبتي والف صحه عليكم وصفه جديده الف شكر

ودياتك يسلموا تغريد
جربيها حبيبتي وادعيلي

يسلمو ايديكي
ان شاء الله بجربها

تسلم ايديكي على الوصفه الشهيه
و ضلي نورينا دايما بوصفاتك

الله يعطيكي العافية

يسلموا ايديكي

شكرا حبيباتي على مروركن العطر
والله يسلم دياتكن انتوا كمان , وإن شاء الله راح نزل وصفات جديدة غير مكررة بإذن الله تعالى
والله شجعتوني الظاهر انكن صبايا بتجننوا وراح نتواصل أكيد مع بعض ونفيد ونستفيد

تسلم ايديك يا قمر وعارفة هجربها فورا عشان زوجى راجع غدا من السفر

يرجع بالسلامة حبيبتي
وجربيها له أكيد حيمدد الإجازة علشان السلطة ( شو هالحب )