* متميزة*بنات اللى عايز يشترى زبده او سمنه ويسيحها ده الموسم بتاعها ادخلوا اقولكم
نواعم القشطه ههههه
قصدى الزبده قصدى السمنه
ده افضل ايام تجيبى فيها سمنه
لان الايام ده مثل ما قالت لى الست اللى بتنضف عندى وهى فلاحه مأصله
والفلاحين اجدع ناس
الايام ده ايام نضوج البرسيم والعجول فترة اكل البرسيم بتكون الزبده افضل ولما تسيحيها تديجى سمنه اكتر وبالذات فى فترة الشتا
زى اللبن بالظبط اللبن السايب لما تغليه وتحطيه فى التلاجه لو جاموسى وفى الشتا يعملك طبقة قشطه على الوش كبيره لكن لو فى الصيف بيعمل طبقه رقيقه
وعلشان الزبده بتكون وفيره فبتكون ارخص فى الفتره ده
وطريقه تطبيخ الزبده وتسيحها
بجيب الزبده وهى بتكون على شكل كور بيضه
واضعها فى حله تسييح شفتوا السهوله
اول حاجه تعمليها اول ما تسييح مش تغلى انك تصفيها
حيطلع منها العجب العجاب
تأكيد نظافه
تانى حاجه تعرفى ازاى انها مغشوشه
اول ما الزبده تسيح وتبدأتغلى وانت بتقلبى فيها على نار هاديه بيكون ده لونها
فسدقى او بستاج او مخضره فاتح
وكده بتتأكدى انها زبده جماسى مش بقرى
لان الجماسى اغلى وافضل
والجاموسه تديكى سمنه افضل ولبن افضل
لكن البقره لحمتها افضل
المهم لو مغشوشه بزبده بقرى يكون سمنتها وهر بتسح تديكى لون مصفر
ولو مغشوشه بسمنه نباتى اللى هى فى العلب يكون لونها مبيض اكتر من انه اخضر
نيجى للتسيح بعد ما صفناها نقلبها
ونفضل ادامها ما نعملش زى صحبتكم سا بتها على النار ودخلت تكتبلكم موضوع
وترشوا عليها ملح يعنى ال2 ك تاخد 1/2 م ك ملح
اعرف ازاى ان السمنه استوت وممكن تتخزن بالسنه
بيكون فى قاع الحله فتافيت اسمها مٌرته بحاول اجيب بالمعلقه شويه واشوف لونهم لو فاتح
يكون لسه ولو اصبح لونه ذهبى
يكون استوى
وخدوا بالكم ان لها رده يعنى لما بتشيلى الحله من على النار بيغمق لون المُرته شويه فراعى التوقيت مع اللون
وبكده اصبحت السمنه استوت بتركها تبرد وبفرغها فى علبة بلاستك واخزنها
بنات شوفوا لونها بعد ما ساحت ومسكت مبيضه ازاى ومرمله ازاى
ده بقا مغشوشه حاجه بسيطه باين فى اللون وانك بتمشى ايدك فى ورنيش هه
طيب والمُرته
المُرته ده حكايه
فى ناس طفسه زى كده وما بتقدرش تصبر عليها فبتاكلها طعمها شهى جدا
لكن فى الاصل الفلاحين بياخدوها يحطوها فى برطمانات فيها جبنه قريش وقشر يوسفى وشوية لبن وشطه حرا كتير ويسوبوها تعيش مع نفسها لغايت لما الجبنه يتغير لونها من الابيض للاحمر ويبوعوها مستويه طبعا طعمها
انا بتكلم وببلع فى ريقى
واتمنى ان اكون افدتكم
رد مع الاستدلال
مدونتي مطبخ ام مرمر و ليلو
الروابط المفضلة