[L]السلام عليكم اخواتى الليبيات

ان شاء الله كلها شهر ويجينا شهر الخير والغفران وان شاءالله نكونوا من العتقاء من النار

وما يميز هذا الشهر طبعا الاهتمام بالطبخ والاكل(بسرعه خشى فى الموضوع هههه)

وما يميز مطبخنا الليبى البطاطا المبطنه(فهمنا وبعدين

خلاص خلاص توه نخش فى الموضوع قلنا البطاطا المبطنه هى سيدة المائده الليبيه وفى عائلات يعملوها يوميا(طبعا
مش انا) قلنا لك خشى فى الموضوع

الموضوع باختصار ياريت كل وحده تكتب لنا طريقتها فى البطاطا المبطنه لان الطرق متاعها كثرت وبصراحه انا
نحس فى طعمتها مش زى زمان كل مانديرها ماتعجبنيش جربت المفروم الطايب والمفروم النى

وعند القلى جربت نغطسها كلها وجربت نغطس الحواشى بس


والبعض يقولن مرريها فى بيض ودقيق والبغض يقول خبزه مرحيه افضل والبعض يقول اطبخيها شوىا والبعض يقول لا

فشن رايكم كل وحده تعطينا الطريقه اللى معتمدتها فى البطاطا وشن رايكم تقلى فى الطاجين العادى والا القلاى

وبس(باهى اللى كملتى
[IMG][/IMG]

ان شاء الله يفيدوك اخواتي لاني بلهون في التطييب اسسسسسسسسس توا يسمعني حد\

السلام عليكم
عندك الحق المبطن تغير وغبدي مش زي قبل
أنا مازلت نجرب ونعاود باش يطلع زي إمتاع أمي ودائما تفشل المحاولات
أني أمي الله يطول في عمرها يارب
المبطن إمتاعها معبي مفروم طايب طبعا يعني تقليه مع شوي بصل مفروم ناعم
ومعدنوس وحرارته وتكسر عليه في بيضه وكان الكيمه مش متماسكه
إتزيدها في خبزه مرحيه بي الجروال زبطي كيف مش بقسماط
لأني جربتها بي البقسماط طلعي مش حلو بعدين تحشي البطاطا
وتغمزيها في دقيق وبيض وتقليها
لكن أمي بعد ماتقليها تغمس فيه في صالصه زي إمتاع البيتسه بس
مش خاتره أخف شويه وتحطها في طاجين بعدين في الكوشه
بتقولي لاش الصالصه لأنه البطاطا بي تأخد زيت طبعا فيها لما إديرلها
هكي الزيت يختفي من طعم البطاطا ويبدأ طعمها صالصه بس .

وإن شاء الله نكون أستفدي مني.

تقبلي مروري.

بصراحه معندبش فكره ان شاء الله معانا اخوات لبببات رائعات
ماما الاء وحنان ومبمى وزنوبه وغبرهم ان شاء الله بفبدوكى

ان شاء الله الغاليات من ليبيا يفيدوك اكثر في الموضوع

كتبت بواسطة الشيماء2009

السلام عليكم
عندك الحق المبطن تغير وغبدي مش زي قبل
أنا مازلت نجرب ونعاود باش يطلع زي إمتاع أمي ودائما تفشل المحاولات
أني أمي الله يطول في عمرها يارب
المبطن إمتاعها معبي مفروم طايب طبعا يعني تقليه مع شوي بصل مفروم ناعم
ومعدنوس وحرارته وتكسر عليه في بيضه وكان الكيمه مش متماسكه
إتزيدها في خبزه مرحيه بي الجروال زبطي كيف مش بقسماط
لأني جربتها بي البقسماط طلعي مش حلو بعدين تحشي البطاطا
وتغمزيها في دقيق وبيض وتقليها
لكن أمي بعد ماتقليها تغمس فيه في صالصه زي إمتاع البيتسه بس
مش خاتره أخف شويه وتحطها في طاجين بعدين في الكوشه
بتقولي لاش الصالصه لأنه البطاطا بي تأخد زيت طبعا فيها لما إديرلها
هكي الزيت يختفي من طعم البطاطا ويبدأ طعمها صالصه بس .

وإن شاء الله نكون أستفدي مني.

تقبلي مروري.

شكرا لمرورك الشيماء وحتى انا مازلت نحاول ونجرب نين نطيحوا فى الطريقه الصح

السلام عليكم
اختي نسمة عندك الحق اتقولي المبطن معادش زي قبل لان الخضرة اللي انطيبو بيها مش زي خضرة زمان ولت قريب كلها صوبات واللحم معادش تلقي اللحم اللي يرعى اغلبة يعطو فية علفة مخلوطة بموادوالزين متعرفي شن نوعة ولا منين
لكن وهدا كلة المبطن متع ماما ايهبل نفس طريقةام الاخت شيماء والحق اني اندير فية ني المفروم ويطيب مع البطاطا لما نقلية لانة مزال يبي ايخش للكوشة بعد متحطي علية الصالصة زي ما قالتلك شيماء
وان شاء الله افدناك
وسامحيني علي طول دوتي

كتبت بواسطة اناواخواتي

السلام عليكم
اختي نسمة عندك الحق اتقولي المبطن معادش زي قبل لان الخضرة اللي انطيبو بيها مش زي خضرة زمان ولت قريب كلها صوبات واللحم معادش تلقي اللحم اللي يرعى اغلبة يعطو فية علفة مخلوطة بموادوالزين متعرفي شن نوعة ولا منين
لكن وهدا كلة المبطن متع ماما ايهبل نفس طريقةام الاخت شيماء والحق اني اندير فية ني المفروم ويطيب مع البطاطا لما نقلية لانة مزال يبي ايخش للكوشة بعد متحطي علية الصالصة زي ما قالتلك شيماء
وان شاء الله افدناك
وسامحيني علي طول دوتي

شكرا انا واخواتى على تواصلك وعلى فكره اسمك حلووو
بس بنقولك حاجه لما يكون المفروم نى طبعا الطعم احلى وفيه توفير للوقت لكن بصراحه نخاف ان المفروم ما ينضجش بما يكفى وهو بداخل البطاطا ويكون مسبب للامراض وغير صحى
بس انا مرات نذوق فيها فى المناسبات نلاقى طعمتها نفس زمان
وانا مازلت نحاول

السلام عليكم انا ندير فيها هكى تعالى وشوفى

نطيب المفرووووووووووووم ومعه البصل وتوم وفلفا اخصر حااااااااااار وشوية معدنوس والبهارات
وبعد مايطيب نحط عليه دحيه

ونحشى البطاطا بالمفروم وبعدين نغطسه فى الدقيق تم البيض تم السميدينه
ونقليه عادى فى القليه العاديه يجىء مش عادى وتاكلى صوابعك وراءه

تفضلي حبيبتي

المبطن