*مقبلات متميزه*اللحمه البارده من مطبخ ايمي وبالصوررررررررررررر
السلام عليكم ورحمة الله وبركاته
صديقاتى واخواتى فى الله بعد ما نزلت موضوعى الاول في ركن الأكلات الرئيسيه وردودكم عليا شجعتونى انزل موضوعات تانية والنهارده انا هاوريلكم طريقتى فى اللحمه الباردة او الروزبيف وهى اكله جميله جدا وسهله وكمان شيك قوى في العزومات ودى طريقتى بالتفصيل والصور
المقادير انا جبت عرق فلتو وزنة 2كيلو ونص ودة شكله
جبت 3 فصوص ثوم وقطعتهم بالنص وعملت شقوق فى العرق وحطيت التوم وحطيت فلفل اسود حب ودى الصور
وبعد كدة جبت الخيط عشان الفة ودا شكله
ودة الشكل النهائي بعد اللف
بعد كدة جبت عصير بصلة وحطيت عليه 3 معالق خل عصير ليمونة ملح فلفل 3قرنفل مسمار بشرة جوزة الطيب وخلطهم مع بعض بلشكل ده
وغطيته بالبلاستيك الشفاف وحطيته في الخليط ده ليله كامله في الثلاجه مع التقليب المستمر
تانى يوم جبت بطاطس بصل جنزبيل فريش بصل جزر وكرفس
وبعدين جبت صاج ولفيته بقصدير وحطيت عليه الخضار وشوحت العرق في ملعقتين سمن ودة شكله
وبعدين حطيت العرق على الخضار وحطيت الصوص اللي باقي من التتبيله علية وغلفته بالقصدير وحطيته فيى الفرن على نار هاديه اخد منى ساعتين ونصف لحد ما دخلت فية سكين رفيع دخلت بسهوله
ودة صورة بعد ساعه من دخوله الفرن
وبعد ما طلع من الفرن سيبته يبرد شوية وجبت ورقة قصدير دهنتها بزبدة ولفيته فيها وحطيته في الثلاجه
وبعد ما طلع من التلاجه قطعته رفيع بسكينه منشار ودة الشكل النهائي له
موضوعي خلص اتمنى يعجبكم ومحتاجه منكم دعوه بظهر الغيب باذن الله مستجابه ان ربنا يرزقني زرية صالحه ويوفق جوزي ويباركلي فية ويهون علينا الغربه
رد مع الاستدلال
كتبت بواسطة amal250
الروابط المفضلة