ازيكوا يا قمرات النهارده حنعمل عشاء سهل ولذيذ
هو ايه بقى
باذنجان مخلل
فول بالطحينه
بيض بالجبنه

نبدا بالباذنجان

نجيب باذنجان عروس ونشيل راسه ونفتحه بالطريقه دى

ونغسله كويس ونحط ملح فى الفتحه اللى عملناها ونقليه

لحد مايتقلى نحضر الخلطه بتاعتع وهى توم ملح كمون فلفل رومى احمر قرن فلفل حامى

وندقهم كويس اوووى وبعدين نضيفلهم عصير ليمون

نطلع الباذنجان على ورق نشاف عشان يصفى زيته

ونحشيه بالخلطه اللى عملناها

ونحطه فى العلبه اللى عملنا فيها الخلطه عشان يتشرب منها

وده الشكل النهائى

وده البيض والصور شرحه نفسها ودى طبعا مش فكرتى انا وخده الفكره من المنتدى هنا بس غيرت نوع الجبنه ومعملتش صلصه الطماطم اللى معاه

هنا استخدمت حبنه سايله وعليها جبنه شرايح

وندخلها الفرن

ودى بعد ما خرجناها من الفرن الجبنه ساحت وكانت تحفه

نيجى بقى للفول نحط فى طاسه الكميه اللى عايزنها

وده فول تدميس بيتى وطريقه التدميس سهله جدا ننقع الفول فو ميه من بليل والصبح نحطه فى القدره ومعاها ميه على نار هاديه جداااااااااا لحد ما يستوى ودى النتيجه

نهرسه نص هرسه

ونحطه على النار ونضيف م ص شطه وكمون 2 م وملح وليمون

ونضيف الطحينه

وده الشكل النهائى للعشا ء

ومستنيه ارائكوا يا حلوين ولو عجبكوا الطبق ادعولى

يسلموا ايديكي عشا بشهي

فعلا عشاء سهل وخفيف وطيب اكيد
لان الصلصات المستخدمة نحبها كثيرا
بارك الله بك

تسلم الايادي يا رب
بارك الله بكِ

يسلموو هالديات

جريتى ريقى على الباذنجان المخلل

الله يعطيكى الف عافية يارب

وتسلمى على الوصفة الجميلة الرائعة

وتسلم الايادى الجميلة

فتحتى نفسى على الآكل تسلم ايدك

تسلموا يا قمرا ت نورتوا الصفحه

تسلم ايديكي عالعشا بيفتح النفس