**مقبلات متميزه**شكشوكة ولا أزكى هممممممممم
صحيت الصبح جوعانة ومالي نفس آكل شي وبعدين هفت على بالي أكلة بسيطة ما أكلتها من زماااااان كنت أحب أعملها في بيت أهلي بغزة وهي شكشوكة البندورة بالبيض..
الأكلة كتير سهلة وخفيفة تنفع فطور وتنفع عشاء وحتى ممكن تنفع غداء هههههههههه..
الأول نقطع بصلة صغيرة نفرمها ناعم.. نجيب حبتين طماطم حمراء ونفرمهم ناعم برضه..
نذبل البصل بشوية زيت..شوييييية زيت مو كتير ولما يبدأ يذبل نضيف البندورة ونحركهم سواء على نار متوسطة.
بعد شوية بس تبدأ الطماطم تذبل كمان نضيف البيض.. ضفت بس بيضتين لأن البيض طلع كبير..
نترك البيض ثواني يبدأ البياض يجمد قبل أن نبدأ التحريك
نضيف الملح والفلفل الأسمر حسب الرغبة ونحرك الخليط كله على نار هادئة.. ما كترت فلفل علشان كنت مخططة بنتي تفطر معي مع أنه أزكى حراق شوية.. ممكن للي يحب يضيف فلفل أخضر حار مقطع صغير
وهذا شكل الطبق.. رشيت على الوجه زعتر بسمسم أعطاه ريحة لا توصف
وهذه كمان صورة
وهون قطعت شوية خيار وشوية زيتون مع كاسة شاي بالميرامية.. مع أنه الميرامية مش كويسة للحامل بس شو أسوي اشتهيتها.. مع أنه بنتي خربتلي المزاج كسرت مرطبان السكر وعلى ما نظفت مكانه كان الشاي غمق وأنا بأحبه فاتح
أهم شي في الموضوع أنه بنتي اسم الله عليها أكلت منها وعجبتها.. كتير انبسطت لأنه لها كام يوم نفسها مسدودة عن كل شي حتى الحليب بس اليوم رابطت جنبي وأنا بأفطرها وإذا تأخرت عليها باللقمة تعضني هههه..صحة وهنا على قلبها يارب.. جربوها بنات عن جد كانت طيبة.
رد مع الاستدلال
الروابط المفضلة