طريقتى فى تدميس الفول طبعا نقى الفول الاول واغسلية كويس اوى وانقعية فى ماء ساخن عشان ينفش بسرعة يعنى تقريبا كدة من الظهر لحد بليل وبعدين اغسلية كويس اوى لحد ما ميتة تكون بيضاء وذودى ماء على الفول هاتى بقى ياستى طماطمتين وقشريهم وعصير ليمونتين وفلفلاية خضراء وكوب عدس اصفر ممكن تضيفى فص ثوم وطبعا على نار هادية ولما يحتاج ماء تكون المية سخنة لحد ما يستوى ولما الفول يستوى بصى بقى اغرفى شوي فى طبق واهرسيهم بالشوكة وضيفى ملح كمون كسبرة زرة جنزبيل واخلطى كويس وعلى الوش بقى زيت وليمون وكدة بقى عندك احلى طبق فول للسحور وبالف هناء وشفاء وصدقونى هتكلو صوابعكو وراة

حلو اوي بجد مفيش احلي من الفول البيتي بجد بيفرق جامد جدا في الطعم وخصوصا وصفتك هايله وتفتح النفس

تسلمي

ميرسي يا عصفورة
طبق معتبر
سلمت يمناك
وعساكم من عواده

تسلم ايدك اختي

تسلم ايديكي يا رب
وصفه لذيذه

شكرا حبيبتى - طبق جميل وشهى
بس انتى زكرتى كوب عدس وعصير ليمونتين - ولم تزكرى كمية الفول ؟؟
برجاء زكر المقادير بالشكل المضبوط حبيتى ختى يتم التطبيق من الاخوات بالشكل المضبوط
وشكرا

تسلم ايدك

حبيبتى دى مقادير نصف كيلو فول وبالف هناء وميرسى على رددكو وتشجيعكو ليا انا بحبكو اوووووووووووووووووووووووووووووووووووووووى

مشكووورة على الوصفة الحلوة

تسلم يدكِ عزيزتي وصفه طيبه كثير