*بسم الله الرحمن الرحيم*


النهارده بقدملكم شاورما اللحم وصفة شهيره داوود كنت سألتها عنها وقمت بتنفيذها مع بعض الاضافات من عندى


*المقادير*

انا عملت كيلو بفتيك وانتى ممكن تزودى او تقللى الكميه
قطعته شرائح رفيعه
_2 بصله مبشوره
_اطماطم مبشوره
_2 علبة زبادى
_ 4 فصوص ثوم مفروم
بهارات(ملح _فلفل اسود_بابريكا_سماق_قرفه_جوزة الطيب_هيل مطحون)
_عصير 2 ليمونه
_4 معالق كبيره خل

هنا اللحم بعد ما قطعته شرائح رفيعه

معلش نسيت اصور خطوة اللحم بعد التتبيل
انا وضعت كل التوابل والزبادى والثوم المفروم وخلطته مع بعض وسبته فى الثلاجه نص يوم
بعد كده وضعته على النار علشان يستوى ويشرب ميته
وهنا الصوره





قطعت بصله حلقات
_فلفل اخضر رومى
_فلفل احمر رومى
_فلفل اصفر رومى
سخنت زيت على النار وبعد اضفت البصل والفلفل وقلبته شويه وقفلت النار
وهنا الصوره






طبعا انا حبيت اسوى الشاورما زى المطاعم تكون غامقه ومشويه دخلتها الفرن فى صينيه بعد ما نشفت وشوبت ميتها وفتحت عليها الشوايه من فوق
هنا الصوره

شايفين شكلها عامل ازاى وريحتها كانت جميله
بعدين ضفت عليها الخضار


وهنا بعد ما قلبتها وطلعتها من الفرن





كنت عامله سلطة البطاطس بالمايونيز

_سلقت بطاطس وجزر وبسله
وخلطتهم على بعض وهنا الصوره


وبعدين حطيت 2 معلقة كبيره ما يونيز لايت
مع ملح وفلفل ونص ليمونه وزيت زيتون وخلطتهم مع بعض
هنا الصوره


وهنا الشكل النهائى للطبق



ويارب يعجبكم

يا سلاااااااااام ايه بس الجمال ده ؟ تاخدى اوسكار ,وبرافو عليكى المهم رأى الجماهير ايه ؟ الطعم عامل ايه؟

على فكرة لو كنتى استخدمتى الووك الصينى و على درجة حرارة عالية حمرتيها ما كانتش نزلت ميتها و اضطريتى انك تدخليها الفرن علشان تحمر لانها كانت هتتحمر بالطريقة اللى قلت لك عليها بس جميلة انا شامة الريحة , عارفة انا مش شايفة الصور

ايه ده الصور راحت فييييييييييييييييييييييييييييين
استنى انزلهم تانى

يسلمو بس الصو ماطلعت

الصور طلعت خلاااص حلوة اوى

ماشاء الله رووووعه
تسلم الايادى ياعسل
بالهناء علي قلوبكم
علي فكره صوصاتك واخدين عقلي كل مااشوفلك رد اقف اتفرج عليهم
الله يسعدك

الصور راحت تااااااااااااااااااااانى اعمل ايه بس انا حتجنن خلاص ههههههههههههههههه

فى ىصورتين ظاهرين قدامى
انتى بتحملى الصور ازاى

ايه ده شويه يروحو وشويه يرجعو ههههههههههه
انا بحملهم من مركز التحميل اللى فى المنتدى هو بيعمل كده ليه