الله يعافيكم ابغا طريقه حلوه وناجحه للقيمات
جزاكم الله خير

هلا هواجس00
والله لو أقولك كل الطرق بالركن يبي لي يوم كامل00واغلبها حلوة00
بس شوفي يعتمد على تجربتك انت 00يمكن اللي تظبط معاي ما تضبط معاك00
عموما سوي بحث بكلمة لقيمات او اللقيمات وراح تطلع لك كل لقيمات المنتدى
وحياك الله

عزيزتي هواجس كلام الريم صحيح بس انا اسوي لقيمات نا جحه بس يعتمد على طحين الكويت ا

ا لابيض والطريقه انك تحطين كوبين طحين ابيض وملعقه كبيره خميره فوريه ونصف علبه زبادي وقليل من الملح وتضيفين الماء الدافئ بحيث تكون العجينه سائله وتتركينها في مكان دافئلى ان تظهر عليها الفقاعات وبعدين تحركينها بيدك وتصبينها بواسطه ملعقه وسط في زيت مغلي جدااا"وبعدين تقصرين على الزيت حتى تستقر حرارته وتضيفين عليها القطر البارد وانشاء الله تكون مقرمشه وما في داخلها عجين وشكلها منتظم وطعمها لذيذ ....ولا تنسين تظيفين للقطر قليل من الزعفران والهيل وماء الوردوصحتين وعافيه والي جربها يرد علي

شكرا خواتي الريم ولالي جزاكم الله الف خير وراح اجربها لالي

هاه هواجس عسا ضبطت معك اللقيمات؟

انا طريقتي نفس طريقة الاخت هواجس بس
اضيف عليها 2 ملعقة طعام نشا جربيها وانشاءالله تضبط بس
ترى يعتمد على طريقة القلي لازم اول شي تصبينها يكون الزيت حار وايد
بعدين تهدين النار وتقلبين القيمات على نار هادية لغايه ما تتحمر ماعليه تاخذ وقت بس تطلع روعه ارجو اني اكون افدتج
بدووووووووووووووووووووورة

انا ذقت لقيمات روعه خفيفه من داخل ومن بره هشه
انشالله باخذ الطريقه واجربها واقولكم بس بصراحه تاكلين ماتشبعين منها
نطروني

بسرعه اختي missناطرينك على احر من الجمر

بصراحة أحب أريحك .. اشترى خلطة القيمات الجاهزة من الجمعية واسمها" HONIG " علبة لونها أدعم غامق وعليها صورة صغيرة جدا فى أعلى العلبة وهى صورة نحلة وبداخلها كيس طحين + 2 كيس خميرة اخلطيهم مع بعض وضيفى لهم 2 كوب ماء دافئ واتركيها تختمر تقريبا ساعتين وبعدها ضيفى لها بيضة+ 1ملعقة باكنج بودر قبل القلى ( اذا حبيتى طبعا ويمكن تستغنين عنها ) واقليها فى زيت غزير وحار وبعد ما تحطيها بالزيت توطى على النار وتقلبيها اذا احمرت وبعدها على طول فى الشيرة ولازم تكون ثقيلة الشيرة شوية وترشى عليها السمسم أو الفستق المطحون وبالعافية .

شوفو
انا خذيت الطريقه بس ماضبطت معاي ومابي اوهقكم
بس مره سوت لقيمات من المنتدى طلعت حلوه والله ومدحوها بالبيت
ونسيت منو كاتب الموضوع بس انا ناسختها ومخزنتها والحين برد انسخها نفس ماهي مكتوبه

============

قلاص ونص دقيق مخمر (هوم برايد)
قلاص ونص طحين المطاحن الأبيض
3 ملاعق حليب بودر
3 ملاعق نشا
3 ملاعق دهن
3 بطاط صغير
لبن المراعي صغير + قلاص ماي
الطريقه :
تفورين البطاط الى أن يستوي بعد ما تقشرينه ضعيه بالخلاط مع اللبن والماي
ضعي جميع المقادير واعجنيهم باللبن اللي بالخلاط لكن لا تخلينها لينه حيل وخليها لما تخمر
ساعتين وقبل لا تحطين الدهن على النار حطي بيضه على عجينتك واعجنيها عدل بعدين ردي غطيها 10 دقايق وصبيها بالدهن ولما تشيلينها انتظري دقيقه وحطيها بالشيره 0000

==============
ملاحظه من عندي : اللبن خلوه بره الثلاجه لين يصير دافي

وبالعافيه