فأول مشاركه ليا في الركن..انا مكنتش عامله حسابي انه يكون موضوع بس بعد ما خلصت الغدا قلت فرصه اشارك ..فيدوب صورت بعد ما خلصت لكن هشرح الطريقه

الغداء كان عباره عن شوربه سي فود..جمبري بالزيت والليمون..ارز بالجمبري..وطبعا السلطه والطحينه(انا قلت كمان اول مشاركه تكون اسماك لأني دمياطيه (مدينه ساحليه) وده اقل واجب اتفضلو معايا....



معلش الصور كانت بسرعه فنوعا ما مش مظبوطه

الجمبري بالزيت والليمون:
-قومي بتحضير التتبيله وهي عباره عن ثوم وشطه وملح وكمون والمقادير تبع الكميه ولو بتحبي تزودي فأي مكون حسب الرغبه
-نظفي الجمبري وقومي بعمل شق في الظهر ثم احشي الشق بالتتبيله وبعد ما تنتهي من الكميه اللي عندك ..خليها في طبق وضيفي عليها الليمون والزيت وسبيها نص ساعه
-رصيها في صينيه ودخليها الفرن بس يكون حراره عاليه وسريع..او الافضل وده اللي عملته انهارده سويته علي نار البوتجاز علي حراره متوسطه والنتيجه اسرع من الفرن كمان بياخد حوالي من 15 الي 20 دقيقه
-بعد النضوج رصيه في طبق وجمليه بالبقدونس (معلش مكنش عندي انهارده استبدلته بالفلفل والليمون)

-http://www.lakii.com/img/all/Apr08/aOMFpE04071107.jpg



الارز بالجمبري:
مكوناته
-ارز
-بصل
-فلفل اخضر
جمبري حجم صغير او وسط
-بهارات
-قطعي بصله صغيره مكعبات(لو الارز لفردين)او قطعيها ناعم حسب الرغبه وارفعيها علي نار متوسطه لحد ما تاخد اللون البني (مش لدرجه الاحتراق يعني)ضيفي ليها حبه فلفل اخضر متوسطه مقطعه مكعبات ايضا وقلبي سريعا
-ضيفي الجمبري مع التقليب ثم ضيفي الارز بعد غسله طبعا
-ضعي مقدار الماء المناسب ومعاها الفلفل والملح والكمون واي بهارات تانيه تحبيها
-بعد النضج قدمي الارز مع لمسه تجميل بالمتاح من المطبخ
http://www.lakii.com/img/all/Apr08/jBHiPQ04071112.jpg




شوربه السي فود:
المكونات بقي لازم تتقال من البدايه وهي عباره عن مقادير متساويه (او حسب الرغبه ممكن تزودي حاجه وتنقصي حاجه)من:
-جمبري حجم صغير
-سيبيا شرائح
-بيض سيبيا
-كابوريا منزوعه القشره الخارجيه ومقطعه
-بكلويز..
-نص كوب لبن
-مستكه وملح وفلفل

-ضعي في اناء(تجنبي التيفال والبيركس) حوالي معلقتين زيت واضيفي لهم المستكه
-اغسلي البكلويز ثم اضيفيه للزيت مع التقليب حتي يتفتح البكلويز
-ضيفي شرائح السيبيا والجمبري ووباقي المكونات مع الملح ورشه فلفل
-اتركيها علي النار حوالي 10 دقايق ثم ضيفي لهااللبن ..اتركيها علي النار لمده 5 دقايق اضافيه ثم ارفعيها .
http://www.lakii.com/img/all/Apr08/NuJn2l04071106.jpg





الطحينه:
-خل
-ليمون
-ملح وشطه
-ثوم مفروم
-زيت زيتون
وعلبه طحينه

-في طبق عميق ضعي كميه الطحينه المطلوب عملها وضيفي لها اولا الخل والليمون وقومي بالتقليب حتي تصبح كتله واحده
-اضيفي الزيت والثوم والملح والشطه وقلبي
-قومي باضافه الماء علي دفعات صغيره حتي تحصلي علي القوام المطلوب
-ضعيها في طبق التجميل مع اضافه زيت الزيتون
http://www.lakii.com/img/all/Apr08/HD02ze04071113.jpg


السلطه:
الصوره موضحه طبعا
http://www.lakii.com/img/all/Apr08/497uSp04071105.jpg



يارب اكون قدرت افيد ..واعتقد دي اول واخر مره فركن الاطباق لان حسه انه صعب..الشرح وكده..
خليني في الاشغال زي ما انا .....وابقو اتفضلو زوروني هناك .....

السلام عليكم ويسلم احل اكل والله له واحشه دمياطيه مغتربه جزاك الله كل خير فكرتينا باحلا اكل نرجو المذيد

وعليكم السلام ياست الكل..نورتيني بالرد والله..ويارب لما تنوري بلدك واهلك كمان...متشكره علي الرد..بس زي ما قلت تقريبا ده اول واخر موضوع فالركن..رغم اني بحب المطبخ (خريجه اقتصاد منزلي بقي)00بس مش متكيفه مع الركن هنا..بس انا تحت امرك فأي حاجه..وابقي اتفضلي فقسم الاشغال اليدويه ليا فيها مواضيع وان شاء الله هستمر فيه..

جزاك الله كل خير

لاتحرمينا من جديدك بالذات فى المطبخ الدمياطى
لانه مليئ بالكثير والكثير ولان اغالبيه الناس لايعرفوا الكثير عن المطبخ الدمياطى الذى هو مليئ بالحلاويات وغيرها من الاكلات المشهورة بها محافظتى الحبيبه دمياط لاتبخلى علينا بها يااختى او ابنتى لاننى منذ اكثر من عشرين سنه وانا فى الغربه واتعشم ان تفكرينى ببعض الاكلات جزاك الله كل خير

تسلم ايدك يا احلى دمياطية فى مصر

الاكل شكله يجنن ما شاء الله

و امانة عليكى تبعتى لى شوية مشبك من عندك احسن انا بموت فيه

و فى القاهرة هنا غير اللى عندكم خاااااااالص

اختك ام توتة

عندك حق يااختى انها احلى دمياطيه معلش عمليه عنصريه شويه لااولاد محافظتى الحبيبه وطلبك ياختى العزيزه انا كمان والله نفسى فيه انت سهل ان ترسل المشبك اليك ولكن انا كيفه ترسله الى فى مرسيليا حرام عليكم تفكرونى بهذه الاشياء على العموم صحتين والف عافيه

تسلم الايادي وفعلا الاكل جميل والصورة حلوة وبالهنا والشفاء

تسلم الايادي

((تم النسخ و اللصق))