السلام عليكم حبيباتي عضوات ومشرفات...

مشتاقتلكم كتير....

أنا بغيب بس انتو بالبال.. لأني ما بنسى صورلكم الأطباق

جيبتلكم اليوم اشياء لذيذة ويا رب تعجبكم...

أولا الطبق المعروف

ورق عنب بالزيت (يالنجي)

المقادير

ورق عنب
بقدونس مفروم ناعم
رز
بصلة ففرومة
نعنع ناشف
سبع بهارات وملح
بندورة مفرومة ناعم
شوية دبس الرمان (اختياري.. اوقات ما بضي\ه)
عصير الليمون (لازم الطعم يكون ظاهر
زيت ويتون
دوائر بطاطا
أصابع جزر

الطريقة

نخلط مكونات الحشو ونحشي الورقات ..

نرص البطاطا والجزر في كعب الطنجرة وفوقهم الورقات المحشية..

نغمرهم بالماء المملح وبعدما يغلوا منركز الملح والحامض ونتركهم على نار هادئة 40 دقيقة..

وصحتين..

ما شاء الله ولا قوة إلا بالله

تانيا طبق الإختراع

صينية البطاطا ..بس غييييييييييييير...

أنا مبارح نزلت موضوع بركن الرئيسية فيه عدة اطباق منهم صينية الدجاج بالبطاطا والسماق .. أنا بطبقها أوقات من دون الدجاج كطبق جانبي أو عشاء خفيف ولذيذ ومممممممم..

المهم أنا عندي طريقتان..

أول طريقة فيها البطاطا والبصل والليمون وعصير الليمون والملح والبهار والسماق..

تاني طريقة يلي بنزلها الآن فيها:

بطاطا مقطع دوائر
بصل دوائر
اكليل الجبل
دوائر الليمون (((على فكرة... يلي مو دايقة الليمون المشوي فاتها نص عمرها طعهته طيبة فوق الخيال)))
دبس الرمان
فليفلة خضراء (أنا استعملت الحارة.. ممكن تحطوها حلوة يلي ما بيرغب الحار)
ملح
فلفل أسود مجروش

الطريقة

نخلط المكونات مع بعض

بتتذكروا اول ما اشتركت بالمنتدى نزلت موضوع عن اسرار مطبخية... ومنها أن كي لا يحرقوك عيونك من البصل ولعي شمعة جنب البصلة يلي بتتقطع (حل رومانسي) لأن النار تحرق الغاز يلي بيطلع من البصل وبيحرقلنا عيوننا .. لن الأمور التانية متل النقع بالماء أو وضعها بالثلاجة و.. بتروح نكهة البصل .. والعلكة كمان جربتها وانفلق فمي وما نفعت

وبعد طول سيرة.. هاي الشمعة الخاصة بالبصل ههههههههههههه....

وهون لما خلطهم..

ندخلهم الفرن إلى أن تستوي البطاطا...

والف صحة.....

لسا في طبق...

الرجاء عدم الرد

اكلة من اوروبا الشرقية

شوربة الشمندر (بورشتش)
مع كريب الملفوف المخلل والفطر البري

المقادير والطريقة

شوربة: نحتاج إلى شمندر (بنجر) مقشر ومقطع ارباع.. خل أبيض.. فلفل اسود .. فص ثوم .. سكر شوي .. ملح..ورق غار ..مرق خضار (ممكن استعمال مكعب ماجي بس انا بعملها بالبيت المرقة)

نضع الشمندر وورق الغار والفلفل والممرق والثوم على النار ولما يغلوا نتركهم إلى ان يستوي الشمندر .. نضيف ملعقة كبيرة خل و شوية سكر تقريباً ملعقة صغيرة ((( الطعم لازم يكون حموضة حلوة شوي )).. لما تضيفي الخل حتلاحظي لون المرق صار قرمزي شهي....

نصفي المرق (الشمندر ممكن تعملي فيه سلطة) ونسكب بالصحن ونرش على الوجه فلفل اسود مطحون..

الكريب: نحتاج إلى كريب ( كوب ونصف دقيق - حليب سائل كوب وكوب ماء وبيضتان ورشة ملح)

الحشوة: ملفوف مخلل نقطعه ونضعه على النار يغلي شي 10 دقائق..

فطر بري ناشف ننقعه بماء ساخن ثم نقطعه ..

شوية زيت على النار ندبل فيها بصلة مفرومة ناعم مع ملح وفلفل أسود..

نخلط الجميع ونمررهم بماكينة اللحمة..

الحشوة جاهزة.. نحشي الكريب ولما بدنا ناكل نضعهم على المقلاية بدون اي زيت.. بس مشان ياخدوا لون ..

تقدم مع الشوربة...

إليكم الصور

هيك بحشي الكريب

وهاي بعد التحمير

وهاي الشوربة

المرفق 81301

وهاي الكريب من الداخل

وهدول مع بعض

المرفق 81303

تم الموضوع..

ولا تنسوني من دعواتكم حبيباتي ..

اطباق روعة يا عسلتنا

البطاطا قضيت عليه اما اليالنجي عم استناه ليبرد

والشوربة والكريب بياخدو العقل
يسلم دياتك يا قمر

الله يسلم هالديات ياااااااااااااااااااااااااارب
الله يرضى عليك حبيبتى
احنا كمان بنشتاقلك لمل بتغيبى
اتصدقى الشمندر عمرى ما عملت فيه اشى

يسلمو اديكي يا رب... انا نفسي باليلنجي ... ما شاء الله عليكي . كله بيشهي و بفتح النفس
يعطيكي العافية يا احلى لبنان

بصراحه روعه وان شاء الله انتظرينى فى التطبيق باذن الله

تسلم ايدك لولو
شو ما بتعملي بيطلع رووووعة
ذوق و فن و ترتيب
شو قصتك أنت و شهد مع الشوندر..سلطة و شوربة
ماااابحبو بس كرمالكن رح دوقوا**

راااائع
خاصه اليلنجي

يعطيك الصحه

ما شاء الله لولو

وقت ما بتنزلي مواضيع جديدة قلبي باحس انه في جديد لالك ههههههههه

على طول بادخل علشان اشوف الروائع حبيبة قلبي

ربي يديم عليك نعمه ويفرحك باولادك ويسعدك يا قمر

شغل مرتب وفن ... الجزر مع اليالنجي عمري ما جربته فعلا اختراع حاجربه لعيونك والليمون مع الدجاج والسمك واللحوم بالفرن اكتر من رائع وانا اشهدلك عن تجربة

والبنجر رائع حبيبتي ... والاكلة مستوردة بس تحفة ... كل شي من ايدك لولو غير

ربي يجزيك الخير على مجهوداتك حبيبة قلبي