عاوزة تدمسي فول في البيت و تسيبك من الفول المعلب يلا نورينا

**دور1** · 22-01-2008, 10:49 PM

السلام عليكم ورحمة الله وبركاته،،

المقادير
- 1 كوب فول مصرى (( نقوا الفول الكبير ويكون لونه فاتح مش بنى غامق .
- 1\2 كوب فول مقشور (( اللى هوا الفول المتقشر ومقسوم نصفين (فول مدشوش) .
- 1\4 كوب عدس احمر مغسول ومصفى .
- 1 جزرة متوسطة مبشورة .
- 1 طماطم مكعبات صغيرة .
- 3 فص ثوم مقشر .
- ماء.
- نصف ليمونه .
- 1\2 م.ص. باكنج بودر ( ليجعل الفول ينضج بسرعة و هذا اختياري) .

الطريقه - يغسل الفول والفول المجروش جيدا وينقع لمده يوم كامل مع تغيير الماء كلما لزم الأمر .
- نصفى الفول المنقوع جيدا ونضعه فى دماسه فول ومعه بقية المكونات .
- نتركه يغلى على النار وبعد الغليان ننقله على سخان كهربائى صغير وهادئى الحراره ومغلف بورق فويل ونترك الفول الى ان ينضج جيدا والنضج على حسب رغبه وذوق كل شخص

غالبا يحتاج من 4 الى 5 ساعات حتى ينضج .
و ان لم يتوفر السخان , فقط انقلي الفول الى نار هادئة جدا مع التغطية المحكمة حتى ينضج .

و ألف هنا و شفا على قلبكم يا رب

**أم أيموني** · 22-01-2008, 11:29 PM

الله الله الله على الفول المصري .. تسلم إيديك يا قمر.. بإذن الله تعالى حجربها ..

نفسي اروح على مصر عشان اذوق الفول والكشري على أصولهم...

بارك الله فيك ..

**دور1** · 22-01-2008, 11:48 PM

الله الله عليكي انتي يا قمرين و الله العظيم منورة الموضوع انا بتعجبني وصفاتك كتير جدا جدا

و طبعا لما تيجي مصر ها توريها زيادة و ان شاء الله كدة تيجي مصر و انا أأكلك كل اللي انتي عازاه ههههههههه

و جربيها و قولي لي عمل اية ؟

على فكرة انا نسيت أكتب انك بعد ما تخلصي سواء الفول تحطي شوية زيت علية عشان ما يسودش

( ما يكونش أسود ) و انشاء الله يعجبك